Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya,
V: Mahā Vagga
52. Anuruddha Saɱyutta
I. Rahogata Vagga

Sutta 10

Bāḷha-Gilāya or Gihīnaya or Gilāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than] Evam me sutaɱ:|| ||

Ekaɱ samayaɱ āyasmā Anuruddho Sāvatthiyaɱ viharati andhavanasmiɱ ābādhiko dukkhito bā'ahgilāno.|| ||

Atha kho sambahulā bhikkhū yen'āyasmā Anuruddho ten'upasankamiɱsu.|| ||

Upasaŋkamitvā āyasmantaɱ Anuruddhaɱ etad avocuɱ:|| ||

"Katamenāyasmato Anuruddhassa vihārena viharato uppannā sārīrikā dukkhā vedanā cittaɱ na pariyādāya tiṭṭhantī" ti?|| ||

"Catusu kho me āvuso, sati-paṭṭhānesu sūpaṭṭhita-cittassa viharato uppannā sārīrikā dukkhā vedanā cittaɱ na pariyādāya tiṭṭhanti.|| ||

Katamesu catusu?|| ||

Idh'āhaɱ āvuso kāye kāy'ānupassī viharāmi,||
ātāpī sampajāno satimā vineyya loke abhijjhā domanassaŋ,|| ||

vedanāsu vedan'ānupassī viharāmi,||
ātāpī sampajāno satimā vineyya loke abhijjhā domanassaɱ.|| ||

Citte citt'ānupassī viharāmi,||
ātāpī sampajāno satimā vineyya loke abhijjhā domanassaɱ.|| ||

Dhammesu Dhamm'ānupassī viharāmi,||
sampajāno satimā vineyya loke abhijjhā-domanassaɱ.|| ||

Imesu kho me āvuso, catusu sati-paṭṭhānesu sūpaṭṭhita-cittassa viharato uppannā sārīrikā dukkhā vedanā cittaɱ na pariyādāya tiṭṭhantī" ti.|| ||

 

Rahogatavaggo paṭhamo

 


Contact:
E-mail
Copyright Statement