Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya:
V. Mahā-Vagga
52. Anuruddha Saɱyutta
2. Sahassa Vaggo

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

Sutta 11

Sahassa Suttaɱ

[11.1][pts] Evam me sutaɱ:|| ||

Ekaɱ samayaɱ āyasmā Anuruddho Sāvatthiyaɱ viharati Jetavane Anāthapiṇḍikassa ārāme.|| ||

2. Atha kho sambahulā bhikkhū yen'āyasmā Anuruddho ten'upasankamiɱsu.|| ||

Upasaŋkamitvā āyasmatā anuruddhena saddhiɱ sammodiɱsu sammodanīyaɱ kathaɱ sārāṇīyaɱ vīti-sāretvā eka-m-antaɱ nisīdiɱsu.|| ||

Eka-m-antaɱ nisinnā kho te bhikkhū āyasmantaɱ Anuruddhaɱ etad avocuɱ:|| ||

3. "Katamesaŋ āyasmā Anuruddho dhammānaɱ bhāvitattā bahulī-katattā mahābhiññataɱ patto" ti?|| ||

4. Catunnaɱ khvāhaɱ āvuso, sati-paṭṭhānānaɱ bhāvitattā bahulī-katattā mahābhiññataɱ patto.|| ||

Katamesaŋ catunnaɱ?|| ||

Idh'āhaɱ āvuso kāye kāy'ānupassī viharāmi,||
ātāpī sampajāno satimā vineyya loke abhijjhā-domanassaɱ.|| ||

Vedanāsu vedan'ānupassī viharāmi||
ātāpī sampajāno satimā vineyya loke abhijjhā-domanassaɱ.|| ||

Citte citt'ānupassī viharāmi||
ātāpī sampajāno satimā vineyya loke abhijjhā-domanassaɱ.|| ||

Dhammesu Dhamm'ānupassī viharāmi ātāpī sampajāno satimā vineyya loke abhijjhā-domanassaɱ.|| ||

Imesaɱ khvāham āvuso catunnaɱ sati-paṭṭhānānam bhāvitattā bahulī-katattā mahābhiññataɱ patto.|| ||

5. Imesañ ca pan'āhaɱ āvuso,||
catunnaɱ sati-paṭṭhānānaɱ bhāvitattā bahulī-katattā kappa-sahassaŋ anussarāmī ti.|| ||

 


 

Sutta 12

Iddhividha [Iddhi 1] Suttaɱ

[12.1][pts] Imesañ ca pan'āhaɱ āvuso,||
catunnaɱ sati-paṭṭhānānaɱ||
bhāvitattā bahulī-katattā||
aneka-vihitaɱ iddhi-vidhaɱ paccanubhomi:|| ||

"Eko pi hutvā bahudhā homi,||
bahudhā pi hutvā eko homi,||
āvībhāvaɱ tiro-bhāvaɱ tiro-kuḍḍaɱ tiro-pākāraɱ tiro-pabbataɱ asajja-māno gacchāmi seyyathā pi ākāse.||
Paṭhaviyā pi ummujjani-mujjaɱ karomi seyyathā pi udake.||
Udake pi abhijjamāno gacchāmi seyyathā pi paṭhaviyaɱ.||
Ākāse pi pallaŋkena kamāmi seyyathā pi pakkhīsakuṇo.||
Ime pi candima-suriye evam mahiddhike evam mah-ā-nubhāve pāṇinā parāmasāmi parimajjāmi.||
Yāva Brahma-lokā pi kāyena vasaŋ vattemī" ti.|| ||

 


[304]

Sutta 13

Dibbasota [Iddhi 2] Suttaɱ

[13.1][pts] Imesañ ca pan'āhaɱ āvuso,||
catunnaɱ sati-paṭṭhānānaɱ||
bhāvitattā bahulī-katattā||
dibbāya sota-dhātuyā visuddhāya atikkanta-mānusikāya ubho sadde suṇāmi dibbe ca mānuse ca ye dūre santike cā ti.|| ||

 


 

Sutta 14

Cetopariya [Cetoparicca] Suttaɱ

[14.1][pts] Imesañ ca pan'āhaɱ āvuso,||
catunnaɱ sati-paṭṭhānānaɱ||
bhāvitattā bahulī-katattā||
para-sattānaɱ para-puggalānaɱ cetesā ceto paricca pajānāmi:|| ||

Sarāgaɱ vā cittaɱ sarāgaɱ cittanti pajānāmi,||
vīta-rāgaɱ vā cittaɱ vīta-rāgaɱ cittantī pajānāmi,||
sadosaŋ vā cittaɱ sadosa cittanti pajānāmi,||
vīta-dosaŋ vā cittaɱ vīta-dosaŋ cittanti pajānāmi,||
samohaɱ vā cittaɱ samohaɱ cittanti pajānāmi,||
vīta-mohaɱ vā cittaɱ vīta-mohaɱ cittanti pajānāmi,||
sankhittaɱ cittaɱ sankhittaɱ cittanti pajānāmi,||
vikkhittaɱ vā cittaɱ vikkhittaɱ cittanti pajānāmi,||
mahaggataɱ vā cittaɱ mahaggataɱ cittanti pajānāmi,||
amahaggataɱ vā cittaɱ amahaggataɱ cittanti pajānāmi,||
sauttaraɱ vā cittaɱ sauttaraɱ cittanti pajānāmi,||
anuttaraɱ vā cittaɱ anuttaraɱ cittanti pajānāmi,||
samāhitaɱ vā cittaɱ samāhitaɱ cittanti pajānāmi,||
asamāhitaɱ vā cittaɱ asamāhitaɱ cittanti pajānāmi,||
vīmuttaɱ vā cittaɱ vimuttaɱ cittanti pajānāmi,||
avimuttaɱ vā cittaɱ avimuttaɱ cittanti pajānāmi,||
vimuttaɱvā cittaɱ vimuttaɱ cittanti pajānāmī ti.|| ||

 


 

Sutta 15

Ṭhāna Suttaɱ

[15.1][pts] Imesañ ca pan'āhaɱ āvuso,||
catunnaɱ sati-paṭṭhānānaɱ||
bhāvitattā bahulī-katattā||
ṭhānañ ca ṭhānato aṭṭhānañ ca aṭṭhānato yathā-bhūtaɱ pajānāmī ti.|| ||

 


 

Sutta 16

Kamma [Ṭhāna 2(?)] Suttaɱ

[16.1][pts] Imesañ ca pan'āhaɱ āvuso,||
catunnaɱ sati-paṭṭhānānaɱ||
bhāvitattā bahulī-katattā||
atītān-ā-gata-pacc'uppannānaɱ kamma-samā-dānānaɱ ṭhānaso hetuso vipākaɱ yathā-bhūtaɱ pajānāmī ti.|| ||

 


 

Sutta 17

Sabbattha-gāminī [Paṭipadā] Suttaɱ

[17.1][pts] Imesañ ca pan'āhaɱ āvuso,||
catunnaɱ sati-paṭṭhānānaɱ||
bhāvitattā bahulī-katattā||
sabbattha-gāminiɱ paṭipadaɱ yathā-bhūtaɱ pajānāmī ti.|| ||

 


 

Sutta 18

Aneka-dhātu [Loka] Suttaɱ

[18.1][pts] Imesañ ca pan'āhaɱ āvuso,||
catunnaɱ sati-paṭṭhānānaɱ||
bhāvitattā bahulī-katattā||
aneka-dhātuɱ nānā-dhātuɱ lokaɱ yathā-bhūtaɱ pajānāmī ti.|| ||

 


[305]

Sutta 19

Nānādhimuttika [Nānādhimutti] Suttaɱ

[19.1][pts] Imesañ ca pan'āhaɱ āvuso,||
catunnaɱ sati-paṭṭhānānaɱ||
bhāvitattā bahulī-katattā||
sattānaɱ nānādhimuttikaɱ yathā-bhūtaɱ pajānāmī ti.|| ||

 


 

Sutta 20

Indriya Suttaɱ

[20.1][pts] Imesañ ca pan'āhaɱ āvuso,||
catunnaɱ sati-paṭṭhānānaɱ||
bhāvitattā bahulī-katattā||
para-sattānaɱ para-puggalānaɱ indriya-paro-pariyattaɱ yathā-bhūtaɱ pajānāmī ti.|| ||

 


 

Sutta 21

Jhāna Suttaɱ

[21.1][pts] Imesañ ca pan'āhaɱ āvuso,||
catunnaɱ sati-paṭṭhānānaɱ||
bhāvitattā bahulī-katattā||
jhāna-vimokkha-samādhi-samāpattīnaɱ saŋkilesaɱ vodānaɱ vuṭṭhānaɱ yathā-bhūtaɱ pajānāmī ti.|| ||

 


 

Sutta 22

Pubbe-nivāsa [Vijjā 1] Suttaɱ

[22.1][pts] Imesañ ca pan'āhaɱ āvuso,||
catunnaɱ sati-paṭṭhānānaɱ||
bhāvitattā bahulī-katattā||
aneka-vihitaɱ pubbe nivāsaɱ anussarāmi.|| ||

Seyyath'īdaɱ:|| ||

"Ekam pi jātiɱ dve pi jātiyo tisso pi jātiyo catasso pi jātiyo pañca pi jātiyo dasa pi jātiyo vīsampi jātiyo tiɱsam pi jātiyo cattārīsam pi jātiyo paññāsam pi jātiyo jāti-satam pi jāti-sahassam pi jāti-sata-sahassam pi aneke pi saŋvaṭṭakappe aneke pi vivaṭṭa-kappe aneke pi saŋvaṭṭa-vivaṭṭa-kappe.|| ||

Amutrāsiɱ evaɱ-nāmo,||
evaɱ-gotto evaɱ-vaṇṇo evam-āhāro evaɱ-sukha-dukkha-paṭisaŋvedī evam-āyu-pariyanto.|| ||

So tato cuto amutra upapādiɱ,||
tatrāpāsiɱ evaɱ-nāmo evaɱ-gotto evaɱ-vaṇṇo evam-āhāro evaɱ-sukha-dukkha-paṭisaŋvedī evam-āyu-pariyanto so tato cuto idh'ūpapanno ti.|| ||

Iti sākāraɱ sa-uddesaɱ aneka-vihitaɱ pubbe nivāsaɱ anussarāmī ti.|| ||

 


 

Sutta 23

Dibbacakkhu [Vijjā 2] Suttaɱ

[23.1][pts] Imesañ ca pan'āhaɱ āvuso,||
catunnaɱ sati-paṭṭhānānaɱ||
bhāvitattā bahulī-katattā||
dibbena cakkhunā visuddhena atikkanta-mānusa-kena satte passāmi:|| ||

Cavamāne uppajjamāne hīne paṇīte suvaṇṇe dubbaṇṇe sugate duggate yathā-kammūpage satte pajānāmi:||
ime vata bhonto sattā kāya-du-c-caritena samannāgatā vacī-du-c-caritena samannāgatā mano-du-c-caritena samannāgatā ariyānaɱ upavādakā micchā-diṭṭhikā micchā-diṭṭhi-kamma-samādānā.|| ||

Te kāyassa bhedā param māraṇā apāyaɱ duggatiɱ vinipātaɱ Nirayaɱ upapannā.|| ||

Ime vā pana bhonto sattā kāya-sucaritena samannāgatā vacī-sucaritena samannāgatā mano-sucaritena samannāgatā ariyānaɱ anupavādakā sammā-diṭṭhikā sammā-diṭṭhi-kamma-samādānā.|| ||

Te kāyassa bhedā param māraṇā sugatiɱ saggaɱ lokaɱ upapannā ti.|| ||

Iti dibbena cakkhunā visuddhena atikkanta-mānusa-kena satte passāmi:|| ||

Cavamāne uppajjamāne hīne paṇīte suvaṇṇe dubbaṇṇe sugate duggate yathā-kammupage satte pajānāmī ti.|| ||

 


 

Sutta 24

Āsavakkhaya [Vijjā 3] Suttaɱ

[24.1][pts] Imesañ ca pan'āhaɱ āvuso,||
catunnaɱ sati-paṭṭhānānaɱ||
bhāvitattā bahulī-katattā||
āsavānaɱ khayā anāsavaɱ ceto-vimuttiɱ paññā-vimuttiɱ [306] diṭṭhe'va dhamme sayaɱ abhiññā sacci-katvā upasampajja viharāmī ti.|| ||

 


Contact:
E-mail
Copyright Statement