Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
53. Jhāna Saŋyutta

Chapter III
Suttas 23-34

Balakaraṇīya Vaggo

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

Sutta 23

Bala Suttaɱ

[1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

2. Seyyathā pi bhikkhave ye keci balakaraṇīyā kammantā karīyanti,||
sabbe te pathaviɱ nissāya pathaviyam pattiṭṭhāya||
evam eva te balakaraṇīya kammantā karīyanti.|| ||

Evam eva kho bhikkhave bhikkhu sīlaɱ nissāya sīle patiṭṭhāya||
cattāro jhānā bhāveti,||
cattāro jhānā bahulīkaroti.|| ||

Kathañ ca bhikkhave, bhikkhu sīlaɱ nissāya sīle patiṭṭhāya||
cattāro jhānā bhāveti,||
cattāro jhānā bahulīkaroti?|| ||

Idha bhikkhave, bhikkhu||
vivicc'eva kāmehi||
vivicca akusalehi dhammehi||
savitakkaɱ savicāraɱ||
vivekajaɱ pīti-sukhaɱ||
paṭhamaɱ jhānaɱ upasampajja viharati.|| ||

Vitakka-vicārānaɱ vūpasamā||
ajjhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyaɱ jhānaɱ upasampajja viharati.|| ||

Pītiyā ca virāgā||
upekhako ca viharati,||
sato ca sampajāno||
sukhañ ca kāyena paṭisaŋvedeti.|| ||

Yaɱ taɱ ariyā ācikkhanti||
'upekhako satimā sukhavihārī' ti||
tatiyaɱ jhānaɱ upasampajja viharati.|| ||

Sukhassa ca pahānā||
dukkhassa ca pahānā||
pubbe va somanassa-domanassānaɱ attha-gamā||
adukkhaɱ asukhaɱ upekhā-sati-pārisuddhiɱ||
catutthaɱ jhānaɱ upasampajja viharati.|| ||

Evaɱ kho bhikkhave bhikkhu sīlaɱ nissāya sīle patiṭṭhāya
cattāro jhānā bhāveti,||
cattāro jhānā bahulīkaroti ti.|| ||

 


 

Sutta 24

Bījā Suttaɱ

[1][pts] Evam me sutaɱ:|| ||

2. Seyyathā pi bhikkhave ye keci bījagāmā bhūtagāmā vuddhiɱ virū'hiɱ vepullaɱ āppajjanti.|| ||

Sabbe te pathaviɱ nissāya pathaviyam patiṭṭhāya evam ete bījagāmā bhūtagāmā vuddhiɱ virū'hiɱ vepullam āpajjanti.|| ||

Evam eva kho bhikkhave bhikkhu sīlaɱ nissāya sīle patiṭṭhāya||
cattāro jhānā bhāvento,||
cattāro jhānā bahulīkaronto||
vuddhiɱ virū'hiɱ vepullam pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya sīle patiṭṭhāya||
cattāro jhānā bhāvento,||
cattāro jhānā bahulīkaronto||
vuddhiɱ virū'hiɱ vepullam pāpuṇāti dhammesu?|| ||

Idha bhikkhave, bhikkhu||
vivicc'eva kāmehi||
vivicca akusalehi dhammehi||
savitakkaɱ savicāraɱ||
vivekajaɱ pīti-sukhaɱ||
paṭhamaɱ jhānaɱ upasampajja viharati.|| ||

Vitakka-vicārānaɱ vūpasamā||
ajjhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyaɱ jhānaɱ upasampajja viharati.|| ||

Pītiyā ca virāgā||
upekhako ca viharati,||
sato ca sampajāno||
sukhañ ca kāyena paṭisaŋvedeti.|| ||

Yaɱ taɱ ariyā ācikkhanti||
'upekhako satimā sukhavihārī' ti||
tatiyaɱ jhānaɱ upasampajja viharati.|| ||

Sukhassa ca pahānā||
dukkhassa ca pahānā||
pubbe va somanassa-domanassānaɱ attha-gamā||
adukkhaɱ asukhaɱ upekhā-sati-pārisuddhiɱ||
catutthaɱ jhānaɱ upasampajja viharati. || ||

Evaɱ eva kho bhikkhave bhikkhu sīlaɱ nissāya sīle patiṭṭhāya||
cattāro jhānā bhāvento,||
cattāro jhānā bahulīkaronto||
vuddhiɱ virū'hiɱ vepullam pāpuṇāti dhammesu ti.|| ||

 


 

Sutta 25

Nāga Suttaɱ

[1][pts] Evam me sutaɱ:|| ||

2. Seyyathā pi bhikkhave, himavantaɱ pabbatarājaɱ nissāya nāgā kāyaɱ vaḍḍhanti, balaɱ gāhenti.|| ||

Te tattha kāyaɱ vaḍḍhetvā balaɱ gāhetvā kussubbhe otaranti.|| ||

Kussubbhe otaritvā mahāsobbhe otaranti.|| ||

Mahāsobbhe otaritvā kunnadiyo otaranti.|| ||

Kunnadiyo otaritvā mahānadiyo otaranti.|| ||

Mahānadiyo otaritvā mahāsamuddaɱ sāgaraɱ otaranti.|| ||

Te tattha mahantatthaɱ vepullantaɱ āpajjanti kāyena.|| ||

3. Evam eva kho bhikkhave, bhikkhu sīlaɱ nissāya sīle patiṭṭhāya||
cattāro jhānā bhāvento,||
cattāro jhānā bahulīkaronto||
mahantataɱ vepullataɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya sīle patiṭṭhāya||
cattāro jhānā bhāvento,||
cattāro jhānā bahulīkaronto||
mahantataɱ vepullataɱ pāpuṇāti dhammesu?|| ||

Idha bhikkhave, bhikkhu||
vivicc'eva kāmehi||
vivicca akusalehi dhammehi||
savitakkaɱ savicāraɱ||
vivekajaɱ pīti-sukhaɱ||
paṭhamaɱ jhānaɱ upasampajja viharati.|| ||

Vitakka-vicārānaɱ vūpasamā||
ajjhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyaɱ jhānaɱ upasampajja viharati.|| ||

Pītiyā ca virāgā||
upekhako ca viharati,||
sato ca sampajāno||
sukhañ ca kāyena paṭisaŋvedeti.|| ||

Yaɱ taɱ ariyā ācikkhanti||
'upekhako satimā sukhavihārī' ti||
tatiyaɱ jhānaɱ upasampajja viharati.|| ||

Sukhassa ca pahānā||
dukkhassa ca pahānā||
pubbe va somanassa-domanassānaɱ attha-gamā||
adukkhaɱ asukhaɱ upekhā-sati-pārisuddhiɱ||
catutthaɱ jhānaɱ upasampajja viharati. || ||

Evaɱ eva kho bhikkhave bhikkhu sīlaɱ nissāya sīle patiṭṭhāya||
cattāro jhānā bhāvento,||
cattāro jhānā bahulīkaronto||
mahantaɱ vepullataɱ pāpuṇāti dhammesū ti.

 


 

Sutta 26

Rukkho Suttaɱ

[1][pts] Evam me sutaɱ:|| ||

2. Seyyathā pi bhikkhave, rukkho||
pācīnaninno||
pācīna poṇo||
pācīnapabbhāro.|| ||

So mūle chinno katamena papātena papateyyā ti|| ||

Yena bhanne, ninno yena poṇo yena pabbhāro ti.|| ||

3. Evam eva kho bhikkhave, bhikkhu||
cattāro jhānā bhāvento,||
cattāro jhānā bahulīkaronto||
nibbānaninno hoti||
nibbānapoṇo||
nibbānapabbhāro.|| ||

Kathañ ca bhikkhave, bhikkhu||
cattāro jhānā bhāvento,||
cattāro jhānā bahulīkaronto||
nibbānaninno hoti||
nibbānapoṇo||
nibbānapabbhāro?|| ||

Idha bhikkhave, bhikkhu||
vivicc'eva kāmehi||
vivicca akusalehi dhammehi||
savitakkaɱ savicāraɱ||
vivekajaɱ pīti-sukhaɱ||
paṭhamaɱ jhānaɱ upasampajja viharati.|| ||

Vitakka-vicārānaɱ vūpasamā||
ajjhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyaɱ jhānaɱ upasampajja viharati.|| ||

Pītiyā ca virāgā||
upekhako ca viharati,||
sato ca sampajāno||
sukhañ ca kāyena paṭisaŋvedeti.|| ||

Yaɱ taɱ ariyā ācikkhanti||
'upekhako satimā sukhavihārī' ti||
tatiyaɱ jhānaɱ upasampajja viharati.|| ||

Sukhassa ca pahānā||
dukkhassa ca pahānā||
pubbe va somanassa-domanassānaɱ attha-gamā||
adukkhaɱ asukhaɱ upekhā-sati-pārisuddhiɱ||
catutthaɱ jhānaɱ upasampajja viharati. || ||

Evaɱ kho bhikkhave bhikkhu||
cattāro jhānā bhāvento,||
cattāro jhānā bahulīkaronto||
nibbānaninno hoti||
nibbānapoṇo||
nibbānapabbhāro ti.

 


 

Sutta 27

Kumbho Suttaɱ

[1][pts] Evam me sutaɱ:|| ||

2. Seyyathā pi bhikkhave, kumbho nikkujjo vamat'eva udakaɱ no paccāvamati.|| ||

Evam eva kho bhikkhave, bhikkhu||
cattāro jhānā bhāvento,||
cattāro jhānā bahulīkaronto||
vamat'eva pāpake akusale dhamme no paccāvamati.|| ||

Kathañ ca Bhikkhave, bhikkhu cattāro jhānā bhāvento,||
cattāro jhānā bahulīkaronto||
vamat'eva pāpake akusale dhamme no paccāvamati?|| ||

Idha bhikkhave, bhikkhu||
vivicc'eva kāmehi||
vivicca akusalehi dhammehi||
savitakkaɱ savicāraɱ||
vivekajaɱ pīti-sukhaɱ||
paṭhamaɱ jhānaɱ upasampajja viharati.|| ||

Vitakka-vicārānaɱ vūpasamā||
ajjhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyaɱ jhānaɱ upasampajja viharati.|| ||

Pītiyā ca virāgā||
upekhako ca viharati,||
sato ca sampajāno||
sukhañ ca kāyena paṭisaŋvedeti.|| ||

Yaɱ taɱ ariyā ācikkhanti||
'upekhako satimā sukhavihārī' ti||
tatiyaɱ jhānaɱ upasampajja viharati.|| ||

Sukhassa ca pahānā||
dukkhassa ca pahānā||
pubbe va somanassa-domanassānaɱ attha-gamā||
adukkhaɱ asukhaɱ upekhā-sati-pārisuddhiɱ||
catutthaɱ jhānaɱ upasampajja viharati. || ||

Evaɱ kho bhikkhave bhikkhu||
cattāro jhānā bhāvento,||
cattāro jhānā bahulīkaronto||
vāmat'eva pāpake akusale dhamme no paccāvamatī ti.|| ||

 


 

Sutta 28

Sūkiya Suttaɱ

[1][pts] Evam me sutaɱ:|| ||

2. Seyyathā pi bhikkhave, sālisūkaɱ vā yavasūkaɱ vā sammā paṇihitaɱ hatthena vā pādena vā akkantaɱ hatthaɱ vā pādaɱ vā chijjati lohitaɱ vā uppādessatī ti.|| ||

ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave, sūkassa.|| ||

3. Evam eva kho so vata bhikkhu sammā paṇihitāya maggabhāvanāya avijjaɱ chijjhati vijjaɱ uppādessati nibbānaɱ sacchikarissatī ti.|| ||

ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave diṭṭhiyā.|| ||

Kathañ ca Bhikkhave, bhikkhu sammā paṇihitāya diṭṭhiyā sammā paṇihitāya maggabhāvanāya avijjaɱ bhindati vijjaɱ uppādeti nibbānaɱ sacchikaroti?|| ||

Idha bhikkhave, bhikkhu||
vivicc'eva kāmehi||
vivicca akusalehi dhammehi||
savitakkaɱ savicāraɱ||
vivekajaɱ pīti-sukhaɱ||
paṭhamaɱ jhānaɱ upasampajja viharati.|| ||

Vitakka-vicārānaɱ vūpasamā||
ajjhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyaɱ jhānaɱ upasampajja viharati.|| ||

Pītiyā ca virāgā||
upekhako ca viharati,||
sato ca sampajāno||
sukhañ ca kāyena paṭisaŋvedeti.|| ||

Yaɱ taɱ ariyā ācikkhanti||
'upekhako satimā sukhavihārī' ti||
tatiyaɱ jhānaɱ upasampajja viharati.|| ||

Sukhassa ca pahānā||
dukkhassa ca pahānā||
pubbe va somanassa-domanassānaɱ attha-gamā||
adukkhaɱ asukhaɱ upekhā-sati-pārisuddhiɱ||
catutthaɱ jhānaɱ upasampajja viharati. || ||

Evaɱ kho bhikkhave, bhikkhu sammā paṇihitāya diṭṭhiyā sammā paṇihitāya maggabhāvanāya avijjaɱ bhindati vijjaɱ uppādeti nibbānaɱ sacchikarotī ti.|| ||

 

§

 

Sutta 29

Ākāsa Suttaɱ

[1][pts] Evam me sutaɱ:|| ||

2. Seyyathā pi bhikkhave, ākāse vividhā vātā vāyanti,||
puratthimā pi vātā vāyanti,||
pacchimā pi vātā vāyanti,||
uttarā pi vātā vāyanti,||
dakkhiṇā pi vātā vāyanti,||
sarajā pi vātā vāyanti,||
arajā pi vātā vāyanti,||
sītā pi vātā vāyanti,||
uṇhā pi vātā vāyanti,||
parittā pi vātā vāyanti,||
adhimattā pi vātā vāyanti.|| ||

3. Evam eva kho bhikkhave, bhikkhuno,||
cattāro jhānā bhāvento,||
cattāro jhānā bahulīkaronto,||
cattāro pi satipaṭṭhānā bhāvanā pāripuriɱ gacchanti,||
cattāro pi sammappadhānā bhāvanā pāripūriɱ gacchanti,||
ariyaɱ aṭṭhaŋgikaɱ maggaɱ bhāvanā pāripūriɱ gacchanti,||
pañca pi indriyāni bhāvanā pāripūriɱ gacchanti,||
pañca pi balāni bhāvanā pāripūriɱ gacchanti,||
satta pi bojjhaŋgā bhāvanā pāripūriɱ gacchanti.|| ||

Kathañ ca bhikkhave, bhikkhuno,||
cattāro jhānā bhāvento,||
cattāro jhānā bahulīkaronto,||
cattāro pi satipaṭṭhānā bhāvanā pāripuriɱ gacchanti,||
cattāro pi sammappadhānā bhāvanā pāripūriɱ gacchanti,||
ariyaɱ aṭṭhaŋgikaɱ maggaɱ bhāvanā pāripūriɱ gacchanti,||
pañca pi indriyāni bhāvanā pāripūriɱ gacchanti,||
pañca pi balāni bhāvanā pāripūriɱ gacchanti,||
satta pi bojjhaŋgā bhāvanā pāripūriɱ gacchanti?|| ||

Idha bhikkhave, bhikkhu||
vivicc'eva kāmehi||
vivicca akusalehi dhammehi||
savitakkaɱ savicāraɱ||
vivekajaɱ pīti-sukhaɱ||
paṭhamaɱ jhānaɱ upasampajja viharati.|| ||

Vitakka-vicārānaɱ vūpasamā||
ajjhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyaɱ jhānaɱ upasampajja viharati.|| ||

Pītiyā ca virāgā||
upekhako ca viharati,||
sato ca sampajāno||
sukhañ ca kāyena paṭisaŋvedeti.|| ||

Yaɱ taɱ ariyā ācikkhanti||
'upekhako satimā sukhavihārī' ti||
tatiyaɱ jhānaɱ upasampajja viharati.|| ||

Sukhassa ca pahānā||
dukkhassa ca pahānā||
pubbe va somanassa-domanassānaɱ attha-gamā||
adukkhaɱ asukhaɱ upekhā-sati-pārisuddhiɱ||
catutthaɱ jhānaɱ upasampajja viharati. || ||

Evaɱ kho bhikkhave, bhikkhuno,||
cattāro jhānā bhāvento,||
cattāro jhānā bahulīkaronto,||
cattāro pi satipaṭṭhānā bhāvanā pāripuriɱ gacchanti,||
cattāro pi sammappadhānā bhāvanā pāripūriɱ gacchanti,||
ariyaɱ aṭṭhaŋgikaɱ maggaɱ bhāvanā pāripūriɱ gacchanti,||
pañca pi indriyāni bhāvanā pāripūriɱ gacchanti,||
pañca pi balāni bhāvanā pāripūriɱ gacchanti,||
satta pi bojjhaŋgā bhāvanā pāripūriɱ gacchanti ti.|| ||

 


 

Sutta 30

Megha Suttaɱ I

[1][pts] Evam me sutaɱ:|| ||

2. Seyyathā pi bhikkhave, gimhānaɱ pacchime māse uggataɱ rajojallaɱ tam enaɱ mahā akālamegho ṭhānaso antaradhāpeti vūpasameti.|| ||

Evam eva kho bhikkhave, bhikkhu,||
cattāro jhānā bhāvento,||
cattāro jhānā bahulīkaronto,||
uppannuppanne pāpake akusale dhamme||
ṭhānaso antaradhāpeti vūpasamapeti.|| ||

Kathañ ca bhikkhave, bhikkhu,||
cattāro jhānā bhāvento,||
cattāro jhānā bahulīkaronto,||
uppannuppanne pāpake akusale dhamme||
ṭhānaso antaradhāpeti vūpasamapeti?|| ||

Idha bhikkhave, bhikkhu||
vivicc'eva kāmehi||
vivicca akusalehi dhammehi||
savitakkaɱ savicāraɱ||
vivekajaɱ pīti-sukhaɱ||
paṭhamaɱ jhānaɱ upasampajja viharati.|| ||

Vitakka-vicārānaɱ vūpasamā||
ajjhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyaɱ jhānaɱ upasampajja viharati.|| ||

Pītiyā ca virāgā||
upekhako ca viharati,||
sato ca sampajāno||
sukhañ ca kāyena paṭisaŋvedeti.|| ||

Yaɱ taɱ ariyā ācikkhanti||
'upekhako satimā sukhavihārī' ti||
tatiyaɱ jhānaɱ upasampajja viharati.|| ||

Sukhassa ca pahānā||
dukkhassa ca pahānā||
pubbe va somanassa-domanassānaɱ attha-gamā||
adukkhaɱ asukhaɱ upekhā-sati-pārisuddhiɱ||
catutthaɱ jhānaɱ upasampajja viharati. || ||

Evaɱ kho bhikkhave, bhikkhu,||
cattāro jhānā bhāvento,||
cattāro jhānā bahulīkaronto,||
uppannuppanne pāpake akusale dhamme||
ṭhānaso antaradhāpeti vūpasamapeti.|| ||

 


 

Sutta 31

Megha Suttaɱ 2

[1][pts] Evam me sutaɱ:|| ||

2. Seyyathā pi bhikkhave, uppannaɱ mahāmeghaɱ, tam evaɱ mahāvāto antarāy'eva antaradhāpeti vūpasameti.|| ||

Evam eva kho bhikkhave, bhikkhu,||
cattāro jhānā bhāvento,||
cattāro jhānā bahulīkaronto,||
uppannuppanne pāpake akusale dhamme||
antarāy'eva antaradhāpeti, vūpasameti.|| ||

Kathañ ca Bhikkhave, bhikkhu||
cattāro jhānā bhāvento,||
cattāro jhānā bahulīkaronto,||
uppannuppanne pāpake akusale dhamme||
antarāy'eva antaradhāpeti, vūpasameti?|| ||

Idha bhikkhave, bhikkhu||
vivicc'eva kāmehi||
vivicca akusalehi dhammehi||
savitakkaɱ savicāraɱ||
vivekajaɱ pīti-sukhaɱ||
paṭhamaɱ jhānaɱ upasampajja viharati.|| ||

Vitakka-vicārānaɱ vūpasamā||
ajjhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyaɱ jhānaɱ upasampajja viharati.|| ||

Pītiyā ca virāgā||
upekhako ca viharati,||
sato ca sampajāno||
sukhañ ca kāyena paṭisaŋvedeti.|| ||

Yaɱ taɱ ariyā ācikkhanti||
'upekhako satimā sukhavihārī' ti||
tatiyaɱ jhānaɱ upasampajja viharati.|| ||

Sukhassa ca pahānā||
dukkhassa ca pahānā||
pubbe va somanassa-domanassānaɱ attha-gamā||
adukkhaɱ asukhaɱ upekhā-sati-pārisuddhiɱ||
catutthaɱ jhānaɱ upasampajja viharati. || ||

Evam kho bhikkhave, bhikkhu,||
cattāro jhānā bhāvento,||
cattāro jhānā bahulīkaronto,||
uppannuppanne pāpake akusale dhamme||
antarāy'eva antaradhāpeti, vūpasameti ti.|| ||

 


 

Sutta 32

Nāvā Suttaɱ

[1][pts] Evam me sutaɱ:|| ||

2. Seyyathā pi bhikkhave, sāmuddikāya nāvāya vettabandhana bandhāya chammāsāni udake pariyenāya hemanatikena thalaɱ ukkhitāya vātātapaparetāni bandhanāni tāni pāvussakena meghena abhippavuṭṭhāni appakasiren'eva paṭippassambhanti pūtikāni bhavanti.|| ||

Evam eva kho bhikkhave, bhikkhuno||
cattāro jhānā bhāvento,||
cattāro jhānā bahulīkaronto,||
appakasiren'eva saŋyojanāni paṭippassambhanti pūtikāni bhavanti.|| ||

Kathañ ca Bhikkhave, bhikkhuno||
cattāro jhānā bhāvento,||
cattāro jhānā bahulīkaronto,||
appakasiren'eva saŋyojanāni paṭippassambhanti pūtikāni bhavanti?|| ||

Idha bhikkhave, bhikkhu||
vivicc'eva kāmehi||
vivicca akusalehi dhammehi||
savitakkaɱ savicāraɱ||
vivekajaɱ pīti-sukhaɱ||
paṭhamaɱ jhānaɱ upasampajja viharati.|| ||

Vitakka-vicārānaɱ vūpasamā||
ajjhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyaɱ jhānaɱ upasampajja viharati.|| ||

Pītiyā ca virāgā||
upekhako ca viharati,||
sato ca sampajāno||
sukhañ ca kāyena paṭisaŋvedeti.|| ||

Yaɱ taɱ ariyā ācikkhanti||
'upekhako satimā sukhavihārī' ti||
tatiyaɱ jhānaɱ upasampajja viharati.|| ||

Sukhassa ca pahānā||
dukkhassa ca pahānā||
pubbe va somanassa-domanassānaɱ attha-gamā||
adukkhaɱ asukhaɱ upekhā-sati-pārisuddhiɱ||
catutthaɱ jhānaɱ upasampajja viharati. || ||

Evaɱ kho bhikkhave, bhikkhuno||
cattāro jhānā bhāvento,||
cattāro jhānā bahulīkaronto,||
appakasiren'eva saŋyojanāni paṭippassambhanti pūtikāni bhavanti ti.|| ||

 


 

Sutta 33

Āgantuka Suttaɱ

[1][pts] Evam me sutaɱ:|| ||

Seyyathā pi bhikkhave, āgantukāgāraɱ, tattha puratthimāya pi disāya āgantvā vāsaŋ kappenti.|| ||

Pacchimāya pi disāya āgantvā vāsaŋ kappenti.|| ||

Uttarāya pi disāya āgantvā vāsaŋ kappenti.|| ||

Dakkhiṇāya pi disāya āgantvā vāsaŋ kappenti.|| ||

Khattiyā pi āgantvā vāsaŋ kappenti.|| ||

Brāhmaṇā pi āgantvā vāsaŋ kappenti.|| ||

Vessā pi āgantvā vāsaŋ kappenti.|| ||

Suddā pi āgantvā vāsaŋ kappenti.|| ||

Evam eva kho bhikkhave, bhikkhu||
cattāro jhānā bhāvento,||
cattāro jhānā bahulīkaronto||
ye dhammā abhiññā pariññeyyā,||
te dhamme abhiññā parijānāti,||
ye dhammā abhiññā pahātabbā,||
te dhamme abhiññā pajahati,||
ye dhammā abhiññā sacchikātabbā,||
te dhamme abhiññā sacchikaroti,||
ye dhammā abhiññā bhāvetabbā,||
te dhamme abhiññā bhāveti.|| ||

Katame ca bhikkhave,||
dhammā abhiññā pariññeyyā?|| ||

Pañcupādānakkhandhātissa vacanīyā.|| ||

Katame pañca, seyyathīdaɱ:|| ||

Rūpūpādānakkhandho,||
vedanūpādānakkhandho,||
saññūpādānakkhandho,||
sankhārūpādānakkhandho,||
viññāṇūpādānakkhandho.|| ||

Ime kho bhikkhave,||
dhammā abhiññā pariññeyyā.|| ||

Katame ca bhikkhave,||
dhammā abhiññā pahātabbā?|| ||

Avijjā ca bhavataṇhā ca.|| ||

Ime bhikkhave,||
dhammā abhiññā pahātabbā.|| ||

Katame ca bhikkhave,||
dhammā abhiññā sacchikātabbā?|| ||

Vijjā ca vimutti ca.|| ||

Ime bhikkhave,||
dhammā abhiññā sacchikātabbā.|| ||

Katame ca bhikkhave,||
dhammā abhiññā bhāvetabbā?|| ||

Samatho ca vipassanā ca.|| ||

Ime bhikkhave,||
dhammā abhiññā bhāvetabbā.|| ||

Kathañ ca bhikkhave, bhikkhu||
cattāro jhānā bhāvento,||
cattāro jhānā bahulīkaronto||
ye dhammā abhiññā pariññeyyā,||
te dhamme abhiññā parijānāti,||
ye dhammā abhiññā pahātabbā,||
te dhamme abhiññā pajahati,||
ye dhammā abhiññā sacchikātabbā,||
te dhamme abhiññā sacchikaroti,||
ye dhammā abhiññā bhāvetabbā,||
te dhamme abhiññā bhāveti?|| ||

Idha bhikkhave, bhikkhu||
vivicc'eva kāmehi||
vivicca akusalehi dhammehi||
savitakkaɱ savicāraɱ||
vivekajaɱ pīti-sukhaɱ||
paṭhamaɱ jhānaɱ upasampajja viharati.|| ||

Vitakka-vicārānaɱ vūpasamā||
ajjhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyaɱ jhānaɱ upasampajja viharati.|| ||

Pītiyā ca virāgā||
upekhako ca viharati,||
sato ca sampajāno||
sukhañ ca kāyena paṭisaŋvedeti.|| ||

Yaɱ taɱ ariyā ācikkhanti||
'upekhako satimā sukhavihārī' ti||
tatiyaɱ jhānaɱ upasampajja viharati.|| ||

Sukhassa ca pahānā||
dukkhassa ca pahānā||
pubbe va somanassa-domanassānaɱ attha-gamā||
adukkhaɱ asukhaɱ upekhā-sati-pārisuddhiɱ||
catutthaɱ jhānaɱ upasampajja viharati. || ||

Evaɱ kho bhikkhave, bhikkhu||
cattāro jhānā bhāvento,||
cattāro jhānā bahulīkaronto||
ye dhammā abhiññā pariññeyyā,||
te dhamme abhiññā parijānāti,||
ye dhammā abhiññā pahātabbā,||
te dhamme abhiññā pajahati,||
ye dhammā abhiññā sacchikātabbā,||
te dhamme abhiññā sacchikaroti,||
ye dhammā abhiññā bhāvetabbā,||
te dhamme abhiññā bhāveti ti.|| ||

 


 

Sutta 34

Nadī Suttaɱ

[1][pts] Evam me sutaɱ:|| ||

Seyyathā pi, bhikkhave, Gaŋgā nadī pācīnaninnā pācīnapoṇā pācīnapabbhārā.|| ||

Atha mahājanakāyo āgaccheyya,||
kuddālapiṭakaɱ ādāya mayaɱ imaɱ gaŋgānadiɱ pacchāninnaɱ karissāma pacchāpoṇaɱ pacchāpabbhāranti.|| ||

Taɱ kimmaññatha bhikkhave,||
api nu so mahājanakāyo taɱ gaŋgānadiɱ pacchāninnaɱ kareyya pacchāpoṇaɱ pacchāpabbhāranti?|| ||

No h'etaɱ bhante, taɱ kissa hetu?|| ||

Gaŋgā bhante, nadī pācīnaninnā pācīnapoṇā pācīnapabbhārā, sā na sukarā pacchāninnaɱ kātuɱ pacchāpoṇaɱ pacchāpabbhāraɱ.|| ||

Yāvadeva ca pana so mahājanakāyo kilamathassa vighātassa bhāgī assātī.|| ||

3. Evam eva kho bhikkhave, bhikkhuɱ||
cattāro jhānā bhāvento,||
cattāro jhānā bahulīkaronto,||
rājāno vā,||
rājamahāmattā vā,||
mittā vā,||
amaccā vā,||
ñātī vā,||
sālohitā vā,||
bhogehi abhihaṭṭhuɱ pavāreyyuɱ.|| ||

Ehambho purisa,||
kiɱ te ime kāsāvā anudahanti,||
kiɱ muṇḍo kapālam anusañcarasi?|| ||

Ehi, hīnāyāvattitvā bhoge ca bhuñjassu||
puññāni ca karohī ti.|| ||

So vata bhikkhave, bhikkhu||
cattāro jhānā bhāvento,||
cattāro jhānā bahulīkaronto,||
sikkhaɱ paccakkhāya hīnāyāvatteyyāti.|| ||

Netaɱ ṭhānaɱ vijjati.|| ||

Taɱ kissa hetu?|| ||

Yaɱ hi taɱ bhikkhave,||
cittaɱ dīgha-rattaɱ vivekaninnaɱ vivekapoṇaɱ vivekapabbhāraɱ.|| ||

Taɱ vata hīnāyāvattissatīti n'etaɱ ṭhānaɱ vijjati.|| ||

Kathañ ca bhikkhave, bhikkhu||
cattāro jhānā bhāvento,||
cattāro jhānā bahulīkaronto?|| ||

Idha bhikkhave, bhikkhu||
vivicc'eva kāmehi||
vivicca akusalehi dhammehi||
savitakkaɱ savicāraɱ||
vivekajaɱ pīti-sukhaɱ||
paṭhamaɱ jhānaɱ upasampajja viharati.|| ||

Vitakka-vicārānaɱ vūpasamā||
ajjhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyaɱ jhānaɱ upasampajja viharati.|| ||

Pītiyā ca virāgā||
upekhako ca viharati,||
sato ca sampajāno||
sukhañ ca kāyena paṭisaŋvedeti.|| ||

Yaɱ taɱ ariyā ācikkhanti||
'upekhako satimā sukhavihārī' ti||
tatiyaɱ jhānaɱ upasampajja viharati.|| ||

Sukhassa ca pahānā||
dukkhassa ca pahānā||
pubbe va somanassa-domanassānaɱ attha-gamā||
adukkhaɱ asukhaɱ upekhā-sati-pārisuddhiɱ||
catutthaɱ jhānaɱ upasampajja viharati. || ||

Evaɱ kho bhikkhave, bhikkhu||
cattāro jhānā bhāveti,||
cattāro jhānā bahulīkaroti ti|| ||


Contact:
E-mail
Copyright Statement   Webmaster's Page