Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
54. Ānāpāna Saŋyutta

Sutta 1

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[311]

Ekadhammasuttaɱ

[1][pts][wp][ati][bd] Evam me sutaɱ ekaɱ samayam Bhagavā Sāvatthiyaɱ viharati Jetavane Anāthapindikassa ārāme:[1]|| ||

[2][pts][wp][ati][bd] Tatra kho Bhagavā bhikkhū āmantesi Bhikkhavo ti|| ||

Bhadante ti te bhikkhū Bhagavato paccassosuɱ|| ||

Bhagavā etad avoca:|| ||

[3][pts][wp][ati][bd] Ekadhammo bhikkhave, bhāvito bahulīkato mahapphalo hoti mahānisamso.||
Katamo ekadhammo?||
Ānāpānasati.|| ||

Kathaɱ bhāvitā ca bhikkhave ānāpānasati?||
Kathaɱ bahulīkatā mahapphalā hoti, mahānisaɱsā?|| ||

[4][pts][wp][ati][bd] Idha, bhikkhave,, bhikkhū araññagato vā rukkhamūlagato vā suññāgāragato vā nisīdati pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭhapetvā so sato va assasati sato va passasati.|| ||

[5][pts][wp][ati][bd] Dīghaɱ vā assasanto dīghaɱ assasāmī ti pajānātī.||
Dīghaɱ vā passasanto dīghaɱ passasāmī ti pajānāti.|| ||

Rassaɱ vā assasanto rassaɱ assasāmīti pajānāti.||
Rassaɱ vā passasanto rassaɱ passasāmīti pajānāti.|| ||

[6][pts][wp][ati][bd] Sabbakāyapaṭisaŋvedi assasissāmīti sikkhati.||
Sabbakāyapaṭisaŋvedi passasissāmīti sikkhati.|| ||

Passam-bhayaɱ kāyasankhāraɱ assasissāmīti sikkhati.||
Passam-bhayaɱ kāyasankhāraɱ passasissāmīti sikkhati.|| ||

[312] [7][pts][wp][ati][bd] Pītipaṭisaŋvedī assasissāmīti sikkhati.||
Pītipaṭisaŋvedī passasissāmīti sikkhati.|| ||

Sukhapaṭisaŋvedī assasissāmīti sikkhati.||
Sukhapaṭisaŋvedī passasissāmīti sikkhati.|| ||

[8][pts][wp][ati][bd] Cittasankhārapaṭisaŋvedī assasissāmīti sikkhati.||
Cittasankhārapaṭisaŋvedī passasissāmīti sikkhati.|| ||

Passam-bhayaɱ cittasankhāraɱ assasissāmīti sikkhati.||
Passam-bhayaɱ cittasankhāraɱ passasissāmīti sikkhati.|| ||

Cittapaṭisaŋvedī assasissāmīti sikkhati.||
Cittapaṭisaŋvedī passasissāmīti sikkhati.|| ||

[9][pts][wp][ati][bd] Abhippamodayaɱ cittaɱ assasissāmīti sikkhati.||
Abhippamodayaɱ cittaɱ passasissāmīti sikkhati.|| ||

Samādahaɱ cittaɱ assasissāmīti sikkhati.||
Samādahaɱ cittaɱ passasissāmīti sikkhati.|| ||

Vimocayaɱ cittaɱ assasissāmīti sikkhati.||
Vimocayaɱ cittaɱ passasissāmīti sikkhati.|| ||

[10][pts][wp][ati][bd] Aniccānupassī assasissāmīti sikkhati.||
Aniccānupassī passasissāmīti sikkhati.|| ||

Virāgānupassī assasissāmīti sikkhati.||
Virāgānupassī passasissāmīti sikkhati.|| ||

Nirodhānupassī assasissāmīti sikkhati.||
Nirodhānupassī passasissāmīti sikkhati.|| ||

Paṭinissaggānupassī assasissāmīti sikkhati.||
Paṭinissaggānupassī passasissāmīti sikkhati.|| ||

[11][pts][wp][ati][bd] Evaɱ bhāvitā kho bhikkhave, ānāpānasati evaɱ bahulīkatā mahapphalā hoti mahānisaɱsāti.|| ||

 


[1]Text abbreviates:||
Sāvatthi||
ārāme||
Tatra kho||
la||
etad avoca
|| ||
Hereafter text is per PTS version.

 


Contact:
E-mail
Copyright Statement   Webmaster's Page