Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
54 Ānāpāna Saŋyutta

1. Ekadhammavaggo

Sutta 7

Kappina Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1-2][pts][wp][bd] Sāvatthi||
voca|| ||

[3] Tena kho pana samayena āyasmā MahāKappino Bhagavāto avidūre nisinno hoti pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭhapetvā.|| ||

[4] Addasā kho Bhagavā āyasmantaɱ Mahākappinaɱ avidūre nisinnaɱ pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭhapetvā.||
Disvāna bhikkhū āmantesi:|| ||

"Passatha no tumhe bhikkhave, etassa bhikkhūno kāyassa iñjitattaɱ vā phanditattaɱ vā" ti.|| ||

[5] Yadā pi mayaɱ bhante taɱ āyasmantaɱ passāma saŋghamajjhe vā nisintaɱ ekaɱ vā raho nisintaɱ||
tadā [316] pi mayaɱ tassa āyasmato na passāma kāyassa iñjitattaɱ vā phanditattaɱ vā ti.|| ||

[6] Yassa bhikkhave samādhi'ssa bhāvitattā bahulīkatattā n'eva kāyassa iñjitattaɱ vā hoti phanditattaɱ vā||
na cittassa iñjitattaɱ vā hoti phanditattaɱ vā.|| ||

Tassa so bhikkhave bhikkhū samādhi'ssa nikāmalābhī akicchalābhī akasiralābhī.|| ||

[7] Katamassa ca bhikkhave,||
samādhi'ssa bhāvitattā bahulīkatattā n'eva kāyassa iñjitattaɱ vā hoti phanditattaɱ vā||
na cittassa iñjitattaɱ vā hoti phanditattaɱ vā?|| ||

Ānāpānasatisamādhi'ssa bhikkhave,||
bhāvitattā bahulīkatattā n'eva kāyassa iñjitattaɱ vā hoti phanditattaɱ vā na cittassa iñjitattaɱ vā hoti phanditattaɱ vā:|| ||

[8] Kathaɱ bhāvite ca bhikkhave,||
ānāpānasati-samādhimhi kathaɱ bahulīkate n'eva kāyassa iñjitattaɱ vā hoti phanditattaɱ vā||
na cittassa iñjitattaɱ vā hoti phanditattaɱ vā:|| ||

[9] Idha, bhikkhave,, bhikkhū araññagato vā rukkhamūlagato vā suññāragato vā nisīdati pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭhapetvā so sato va assasati sato va passasati.|| ||

[10] Dīghaɱ vā assasanto dīghaɱ assasāmīti pajānāti.||
Dīghaɱ vā passasanto dīghaɱ passasāmīti pajānāti.|| ||

Rassaɱ vā assasanto rassaɱ assasāmīti pajānāti.||
Rassaɱ vā passasanto rassaɱ passasāmīti pajānāti.|| ||

[11] Sabbakāyapaṭisaŋvedī assasissāmīti sikkhati.||
Sabbakāyapaṭisaŋvedī passissāmīti sikkhati.|| ||

Passam-bhayaɱ kāyasankhāraɱ assasissāmīti sikkhati.||
Passam-bhayaɱ kāyasankhāraɱ passasissāmīti sikkhati.|| ||

[12] Pītipaṭisaŋvedī assasissāmīti sikkhati.||
Pītipaṭisaŋvedī passasissāmīti sikkhati.|| ||

Sukhapaṭisaŋvedī assasissāmīti sikkhati.||
Sukhapaṭisaŋvedī passasissāmīti sikkhati.|| ||

Cittasankhārapaṭisaŋvedī assasissāmīti sikkhati.||
Cittasankhārapaṭisaŋvedī passasissāmīti sikkhati.|| ||

Passam-bhayaɱ cittasankhāraɱ assasissāmīti sikkhati.||
Passam-bhayaɱ cittasankhāraɱ passasissāmīti sikkhati.|| ||

[13] Cittasankhārapaṭisaŋvedī assasissāmīti sikkhati.||
Cittasankhārapaṭisaŋvedī passasissāmīti sikkhati.|| ||

Passam-bhayaɱ cittasankhāraɱ assasissāmīti sikkhati.||
Passam-bhayaɱ cittasankhāraɱ passasissāmīti sikkhati.|| ||

Cittapaṭisaŋvedī assasissāmīti sikkhati.||
Cittapaṭisaŋvedī passasissāmīti sikkhati.|| ||

[14] Abhippamodayaɱ cittaɱ assasissāmīti sikkhati.||
Abhippamodayaɱ cittaɱ passasissāmīti sikkhati.|| ||

Samādahaɱ cittaɱ assasissāmīti sikkhati.||
Samādahaɱ cittaɱ passasissāmīti sikkhati.|| ||

Vimocayaɱ cittaɱ assasissāmīti sikkhati.||
Vimocayaɱ cittaɱ passasissāmīti sikkhati.|| ||

[15] Aniccānupassī assasissāmīti sikkhati.||
Aniccānupassī passasissāmīti sikkhati.|| ||

Virāgānupassī assasissāmīti sikkhati.||
Virāgānupassī passasissāmīti sikkhati.|| ||

Nirodhānupassī assasissāmīti sikkhati.||
Nirodhānupassī passasissāmīti sikkhati.|| ||

Paṭinissaggānupassī passasissāmīti sikkhati.||
Paṭinissaggānupassī passasissāmīti sikkhati.|| ||

[16] Evaɱ bhāvitā kho bhikkhave, ānāpānasatisamādimhi evaɱ bahu'īkatā n'eva kāyassa iñjitattaɱ vā hoti phanditattam vā||
na cittassa iñjitattaɱ vā hoti phanditattaɱ vā ti.|| ||

 


Contact:
E-mail
Copyright Statement   Webmaster's Page