Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
5. Mahā-Vagga
54. Ānāpāna Saɱyutta
2. Ānanda or Dutiya Vagga

Sutta 16

Dutiya Bhikkhū Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1994 Pali Text Society Saɱyutta-Nikaya Part V, edited by M. Leon Feer

 


[335]

[1-2][pts][bodh] Evam me sutaɱ.|| ||

Ekaɱ samayam Bhagavā Sāvatthiyaɱ viharati||
Jetavane Anāthapindikassa ārāme.|| ||

Atha kho sambahulā bhikkhū yena Bhagavā ten'upasankamiɱsu.||
Upasaŋkamitvā Bhagavtaɱ abhivādetvā eka-m-antaɱ nisīdiɱsu.|| ||

Bhikkhū saddhiɱ sammodi.|| ||

Eka-m-antaɱ nisinnā kho te bhikkhū Bhagavāntaɱ etad avocuɱ:|| ||

"Atthi nu kho bhikkhave eko dhammā bhāvito bahulī-kato cattāro dhamme paripūreti,||
cattāro dhammā bhāvitā bahulī-katā satta dhamme paripūrenti,||
satta dhammā bhāvitā bahulī-katā dve dhamme paripūrentī" ti?|| ||

"Bhagava mūlakā no bhante dhammā,||
dhammā Bhagavānnettikā,||
Bhagavāmpaṭisaraṇā.|| ||

Sādhu vata bhante,||
Bhagavāntaɱ yeva paṭibhātu etassa bhāsitassa attho,||
Bhagavāto sutvā bhikkhū dhāressantī" ti.|| ||

"Atthi bhikkhave eko dhammo||
bhāvito||
bahulī-kato||
cattāro dhamme paripūreti,||
cattāro dhammā||
bhāvitā||
bahulī-katā||
satta dhamme paripūrenti,||
satta dhammā||
bhāvitā||
bahulī-katā||
dve dhamme paripūrenti.|| ||

"Katamo ca bhikkhave, eko dhammo||
bhāvito||
bahulī-kato||
cattāro dhamme paripūreti;||
cattāro dhammā||
bhāvitā||
bahulī-katā||
satta dhamme paripūrenti;||
satta dhammā||
bhāvitā||
bahulī-katā||
dve dhamme paripūrentī?|| ||

Ānāpāna-sati-samādhi kho bhikkhave eko dhammo||
bhāvito||
bahulī-kato||
cattāro sati-paṭṭhāne paripūreti,||
cattāro sati-paṭṭhānā||
bhāvitā||
bahulī-katā||
satta bojjh'aŋge paripūrenti,||
satta bojjh'aŋgā||
bhāvitā||
bahulī-katā||
vijjā-vimuttiɱ paripūrenti.|| ||

 

i

 

Kathaɱ bhāvito ca, ānāpāna-sati-samādhi kathaɱ||
bahulī-kato||
cattāro sati-paṭṭhāne paripūreti?|| ||

Idha, bhikkhave, bhikkhū araññagato vā||
rukkha-mūla-gato vā||
suññ-ā-gāra-gato vā||
nisīdati pallaŋkaɱ ābhujitvā ujuɱ kāyaɱ paṇidhāya||
parimukhaɱ satiɱ upaṭṭha-petvā||
so sato va||
assa-sati sato va||
passa-sati.|| ||

Dīghaɱ vā assa-santo||
'dīghaɱ assasāmī' ti pajānātī.|| ||

Dīghaɱ vā passa-santo||
'dīghaɱ passasāmī' ti pajānāti.|| ||

Rassaɱ vā assa-santo||
'rassaɱ assasāmī' ti pajānāti.|| ||

Rassaɱ vā passa-santo||
'rassaɱ passasāmī' ti pajānāti.|| ||

Sabba-kāya-paṭisaŋvedi||
assasi-s-sāmī' ti sikkhati.|| ||

Sabba-kāya-paṭisaŋvedi||
passasi-s-sāmī' ti sikkhati.|| ||

Passam-bhayaɱ kāya-sankhāraɱ||
assasi-s-sāmī' ti sikkhati.|| ||

Passam-bhayaɱ kāya-sankhāraɱ||
passasi-s-sāmī' ti sikkhati.|| ||

Pīti-paṭisaŋvedī assasi-s-sāmī' ti sikkhati.|| ||

Pīti-paṭisaŋvedī passasi-s-sāmī' ti sikkhati.|| ||

Sukha-paṭisaŋvedī assasi-s-sāmī' ti sikkhati.|| ||

Sukha-paṭisaŋvedī passasi-s-sāmī' ti sikkhati.|| ||

Citta-sankhāra-paṭisaŋvedī||
assasi-s-sāmī' ti sikkhati.|| ||

Citta-sankhāra-paṭisaŋvedī||
passasi-s-sāmī' ti sikkhati.|| ||

Passam-bhayaɱ citta-sankhāraɱ||
assasi-s-sāmī' ti sikkhati.|| ||

Passam-bhayaɱ citta-sankhāraɱ||
passasi-s-sāmī' ti sikkhati.|| ||

Citta-paṭisaŋvedī assasi-s-sāmī' ti sikkhati.|| ||

Citta-paṭisaŋvedī passasi-s-sāmī' ti sikkhati.|| ||

Abhi-p-pamodayaɱ cittaɱ||
assasi-s-sāmī' ti sikkhati.|| ||

Abhi-p-pamodayaɱ cittaɱ||
passasi-s-sāmī' ti sikkhati.|| ||

Samādahaɱ cittaɱ||
assasi-s-sāmī' ti sikkhati.|| ||

Samādahaɱ cittaɱ||
passasi-s-sāmī' ti sikkhati.|| ||

Vimocayaɱ cittaɱ||
assasi-s-sāmī' ti sikkhati.|| ||

Vimocayaɱ cittaɱ||
passasi-s-sāmī' ti sikkhati.|| ||

Anicc-ā-nupassī assasi-s-sāmī' ti sikkhati.|| ||

Anicc-ā-nupassī passasi-s-sāmī' ti sikkhati.|| ||

Virāg-ā-nupassī assasi-s-sāmī' ti sikkhati.|| ||

Virāg-ā-nupassī passasi-s-sāmī' ti sikkhati.|| ||

Nirodh-ā-nupassī assasi-s-sāmī' ti sikkhati.|| ||

Nirodh-ā-nupassī passasi-s-sāmī' ti sikkhati.|| ||

Paṭinissagg-ā-nupassī assasi-s-sāmī' ti sikkhati.|| ||

Paṭinissagg-ā-nupassī passasi-s-sāmī' ti sikkhati.|| ||

Yasmiɱ samaye bhikkhave bhikkhū||
dīghaɱ vā assa-santo 'dīghaɱ assasāmī' ti pajānāti,||
dīghaɱ vā passa-santo 'dīghaɱ passasāmī' ti pajānāti,||
rassaɱ vā assa-santo 'rassaɱ assasāmī' ti pajānāti,||
rassaɱ vā passa-santo 'rassaɱ passasāmī' ti pajānāti,||
'sabba-kāya-paṭisaŋvedī assa-sissāmī' ti sikkhati,||
'sabba-kāya-paṭisaŋvedī passasi-s-sāmī' ti sikkhati,||
'passam-bhayaɱ kāya-sankhāraɱ assasi-s-sāmī' ti sikkhati,||
'passam-bhayaɱ kāya-sankhāraɱ passasi-s-sāmī' ti sikkhati,||
kāye kāy'ānupassī bhikkhave||
bhikkhū tasmiɱ samaye viharati||
ātāpī sampajāno satimā||
vineyya loke abhijjhā-domanassaɱ.|| ||

Taɱ kissa hetu?|| ||

Kāyaññatarāhaɱ bhikkhave etaɱ vadāmi||
yad idaɱ assāsapassāsaɱ.|| ||

Tasmā ti h'bhikkhave,||
kāye kāy'ānupassī bhikkhū||
tasmiɱ samaye viharati||
ātāpī sampajāno satimā||
vineyya loke abhijjhā-domanassaɱ.|| ||

Tasmiɱ samaye bhikkhave,||
'bhikkhū pīti-paṭisaŋvedī assasi-s-sāmī' ti sikkhati,||
'pīti-paṭisaŋvedī passasi-s-sāmī' ti sikkhati,||
'sukha-paṭisaɱvidī assasi-s-sāmī' ti sikkhati,||
'sukha-paṭisaŋvedī passasi-s-sāmī' ti sikkhati,||
'citta-sankhārapaṭisaɱvedī assasi-s-sāmī' ti sikkhati.||
'citta-sankhāra-paṭisaŋvedī passasi-s-sāmī' ti sikkhati.||
'passam-bhayaɱ citta-sankhāraɱ assasi-s-sāmī' ti sikkhati,||
'passam-bhayaɱ citta-sankhāraɱ passasi-s-sāmī' ti sikkhati,||
vedanāsu vedan'ānupassī bhikkhave||
bhikkhū tasmiɱ samaye viharati||
ātāpī sampajāno satimā||
vineyya loke abhijjhā-domanassaɱ.|| ||

Taɱ kissa hetu?|| ||

Vedanaññatarāhaɱ bhikkhave etaɱ vadāmi||
yad idaɱ assāsa-passāsānaɱ sādhukaɱ mana-sikāraɱ.|| ||

Tasmā ti h'bhikkhave vedanāsu vedan'ānupassī||
bhikkhū tasmiɱ samaye viharati||
ātāpī sampajāno satimā||
vineyya loke abhijjhā-domanassaɱ.|| ||

Yasmiɱ samaye bhikkhave, bhikkhū||
'citta-paṭisaŋvedī assasi-s-sāmī' ti sikkhati,||
'citta-paṭisaŋvedī passasi-s-sāmī' ti sikkhati,||
'abhippamodayaɱ cittaɱ assasi-s-sāmī' ti sikkhati,||
'abhippamodayaɱ cittaɱ passasi-s-sāmī' ti sikkhati,||
'samādahaɱ cittaɱ assasi-s-sāmī' ti sikkhati,||
'samādahaɱ cittaɱ passasi-s-sāmī' ti sikkhati,||
'vimocayaɱ cittaɱ assasi-s-sāmī' ti sikkhati,||
'vimocayaɱ cittaɱ passasi-s-sāmī' ti sikkhati,||
'citte citt'ānupassī bhikkhave, bhikkhū||
tasmiɱ samaye viharati||
ātāpī sampajāno satimā||
vineyya loke abhijjhā-domanassaɱ.|| ||

Taɱ kissa hetu?|| ||

Nāhaɱ bhikkhave, muṭṭha-s-satissa asampajānassa ānāpāna-sati-samādhi-bhāvanaɱ vadāmi.

Tasmā ti h'bhikkhave,||
citte citt'ānupassī bhikkhū||
tasmiɱ samaye viharati||
ātāpī sampajāno satimā||
vineyya loke abhijjhā-domanassaɱ.|| ||

Yasmiɱ samaye bhikkhave, bhikkhū||
'anicc'ānupassī assasi-s-sāmī' ti sikkhati,||
'anicc'ānupassī passasi-s-sāmī' ti sikkhati,||
'virāg-ā-nupassī assasi-s-sāmī' ti sikkhati,||
'virāg-ā-nupassī passasi-s-sāmī' ti sikkhati,||
'nirodh-ā-nupassī assasi-s-sāmī' ti sikkhati,||
'nirodh-ā-nupassī passasi-s-sāmī' ti sikkhati,||
'paṭinissagg-ā-nupassī assasi-s-sāmī' ti sikkhati,||
'paṭinissagaggānupassī passasi-s-sāmī' ti sikkhati,||
'Dhammesu Dhamm'ānupassī bhikkhave,||
bhikkhū tasmiɱ samaye viharati||
ātāpī sampajāno satimā||
vineyya loke abhijjhā-domanassaɱ.|| ||

So yaɱ taɱ hoti abhijjhā-domanassānaɱ pahānaɱ,||
taɱ paññāya disvā disvā sādhukaɱ ajjh'upekkhitā hoti.|| ||

Tasmā ti h'bhikkhave,||
dhammesu Dhamm'ānupassī bhikkhū||
tasmiɱ samaye viharati||
ātāpī sampajāno satimā||
vineyya loke abhijjhā-domanassaɱ.|| ||

Evaɱ bhāvitā kho, ānāpāna-sati-samādhi kathaɱ||
bahulī-kato||
cattāro sati-paṭṭhāne paripūreti.|| ||

 

ii

 

Kāya

Sati-Sambojjhaŋga

Kathaɱ bhāvitā ca bhikkhave||
cattāro sati-paṭṭhānā||
kathaɱ bahulī-katā||
satta sambojjh'aŋge paripūrenti?|| ||

Yasmiɱ samaye bhikkhave bhikkhū||
kāye kāy'ānupassī viharati upaṭṭhitāsati||
tasmiɱ samaye bhikkhave bhikkhuno||
sati hoti||
asammuṭṭhā.|| ||

Yasmiɱ samaye bhikkhave bhikkhūno||
upaṭṭhitā sati||
asammuṭṭhā||
sati-sambojjh'aŋgo||
tasmiɱ samaye bhikkhūno āraddho hoti.|| ||

Sati-sambojjh'aŋgaɱ||
tasmiɱ samaye bhikkhave bhikkhū bhāveti||
sati-sambojjh'aŋgo||
tasmiɱ samaye bhikkhūno bhāvanā-pāripūriɱ gacchati.|| ||

Dhamma-Vicaya-Sambojjhaŋga

So tathā sato viharanto||
taɱ dhammaɱ paññāya pavicinati||
pavicarati||
parivīmaɱsam||
āpajjati.|| ||

Yasmiɱ samaye bhikkhave, bhikkhū||
tathā sato viharanto||
taɱ dhammaɱ paññāya pavicināti||
pavicarati||
parivīmaɱsam||
āpajjati,||
dhamma-vicaya-sambojjh'aŋgo tasmiɱ||
samaye bhikkhūno āraddho hoti,||
dhamma-vicaya-sambojjh'aŋgaɱ tasmiɱ||
samaye bhikkhū bhāveti,||
dhamma-vicaya-sambojjh'aŋgo tasmiɱ samaye bhikkhūno bhāvanā-pāripūriɱ gacchati.|| ||

Viriya-Sambojjhaŋga

Tassa taɱ dhammaɱ paññāya pavicanato pavicarato parivīmaɱsam āpajjato āraddhaɱ hoti viriyaɱ asallīnaɱ.|| ||

Yasmiɱ samaye bhikkhave, bhikkhūno taɱ dhammaɱ paññāya pavicinato pavicarato parivīmaɱsam āpajjato āraddhaɱ hoti viriyaɱ asallīnaɱ,||
viriya-sambojjh'aŋgo tasmiɱ samaye bhikkhūno āraddho hoti.|| ||

Viriya-sambojjh'aŋgaɱ tasmiɱ samaye bhikkhū bhāveti,||
viriya-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Pīti-Sambojjhaŋga

Āraddha viriyassa uppajjati pīti nirāmisā.|| ||

Yasmiɱ samaye bhikkhave, bhikkhūno āraddha-viriyassa uppajjati pīti nirāmisā,||
pīti-sambojjh'aŋgo tasmiɱ samaye bhikkhūno āraddho hoti.|| ||

Pīti-sambojjh'aŋgaɱ tasmiɱ samaye bhikkhū bhāveti,||
pīti-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Passaddhi-Sambojjhaŋga

Pīti-manassa kāyo pi passambhati,
cittam pi passambhati.|| ||

Yasmiɱ samaye bhikkhave bhikkhūno pīti-manassa kāyo pi passambhati,||
cittam pi passambhati,||
passaddhi-sambojjh'aŋgo tasmiɱ samaye bhikkhūno āraddho hoti.|| ||

Passaddhi-sambojjh'aŋgaɱ tasmiɱ samaye bhikkhū bhāveti,||
passaddhi-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Samādhi-Sambojjhaŋga

Passaddha-kāyassa sukhino cittaɱ samādhiyati.|| ||

Yasmiɱ samaye bhikkhave bhikkhūno passaddha-kāyassa sukhino cittaɱ samādhiyati,||
samādhi-sambojjh'aŋgo tasmiɱ samaye bhikkhūno āraddho hoti.|| ||

Samādhi-sambojjh'aŋgaɱ tasmiɱ samayo bhikkhū bhāveti,||
samādhi-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Upekhā-Sambojjhaŋga

So tathā samāhitaɱ cittaɱ sādhukaɱ ajjh'upekkhitā hoti.|| ||

Yasmiɱ samaye bhikkhave bhikkhū tathā samāhitaɱ cittaɱ sādhukaɱ ajjh'upekkhitā hoti,||
upekhā-sambojjh'aŋgo tasmiɱ samaye bhikkhūno āraddho hoti.|| ||

Upekhā-sambojjh'aŋgaɱ tasmiɱ samaye bhikkhū bhāveti,
upekhā-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Vedanā

Sati-Sambojjhaŋga

Yasmiɱ samaye bhikkhave bhikkhū||
vedanāsu vedan'ānupassī viharati upaṭṭhitāsati||
tasmiɱ samaye bhikkhave bhikkhuno||
sati hoti||
asammuṭṭhā.|| ||

Yasmiɱ samaye bhikkhave bhikkhūno||
upaṭṭhitā sati||
asammuṭṭhā||
sati-sambojjh'aŋgo||
tasmiɱ samaye bhikkhūno āraddho hoti.|| ||

Sati-sambojjh'aŋgaɱ||
tasmiɱ samaye bhikkhave bhikkhū bhāveti||
sati-sambojjh'aŋgo||
tasmiɱ samaye bhikkhūno bhāvanā-pāripūriɱ gacchati.|| ||

Dhamma-Vicaya-Sambojjhaŋga

So tathā sato viharanto||
taɱ dhammaɱ paññāya pavicinati||
pavicarati||
parivīmaɱsam||
āpajjati.|| ||

Yasmiɱ samaye bhikkhave, bhikkhū||
tathā sato viharanto||
taɱ dhammaɱ paññāya pavicināti||
pavicarati||
parivīmaɱsam||
āpajjati,||
dhamma-vicaya-sambojjh'aŋgo tasmiɱ||
samaye bhikkhūno āraddho hoti,||
dhamma-vicaya-sambojjh'aŋgaɱ tasmiɱ||
samaye bhikkhū bhāveti,||
dhamma-vicaya-sambojjh'aŋgo tasmiɱ samaye bhikkhūno bhāvanā-pāripūriɱ gacchati.|| ||

Viriya-Sambojjhaŋga

Tassa taɱ dhammaɱ paññāya pavicanato pavicarato parivīmaɱsam āpajjato āraddhaɱ hoti viriyaɱ asallīnaɱ.|| ||

Yasmiɱ samaye bhikkhave, bhikkhūno taɱ dhammaɱ paññāya pavicinato pavicarato parivīmaɱsam āpajjato āraddhaɱ hoti viriyaɱ asallīnaɱ,||
viriya-sambojjh'aŋgo tasmiɱ samaye bhikkhūno āraddho hoti.|| ||

Viriya-sambojjh'aŋgaɱ tasmiɱ samaye bhikkhū bhāveti,||
viriya-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Pīti-Sambojjhaŋga

Āraddha viriyassa uppajjati pīti nirāmisā.|| ||

Yasmiɱ samaye bhikkhave, bhikkhūno āraddha-viriyassa uppajjati pīti nirāmisā,||
pīti-sambojjh'aŋgo tasmiɱ samaye bhikkhūno āraddho hoti.|| ||

Pīti-sambojjh'aŋgaɱ tasmiɱ samaye bhikkhū bhāveti,||
pīti-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Passaddhi-Sambojjhaŋga

Pīti-manassa kāyo pi passambhati,
cittam pi passambhati.|| ||

Yasmiɱ samaye bhikkhave bhikkhūno pīti-manassa kāyo pi passambhati,||
cittam pi passambhati,||
passaddhi-sambojjh'aŋgo tasmiɱ samaye bhikkhūno āraddho hoti.|| ||

Passaddhi-sambojjh'aŋgaɱ tasmiɱ samaye bhikkhū bhāveti,||
passaddhi-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Samādhi-Sambojjhaŋga

Passaddha-kāyassa sukhino cittaɱ samādhiyati.|| ||

Yasmiɱ samaye bhikkhave bhikkhūno passaddha-kāyassa sukhino cittaɱ samādhiyati,||
samādhi-sambojjh'aŋgo tasmiɱ samaye bhikkhūno āraddho hoti.|| ||

Samādhi-sambojjh'aŋgaɱ tasmiɱ samayo bhikkhū bhāveti,||
samādhi-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Upekhā-Sambojjhaŋga

So tathā samāhitaɱ cittaɱ sādhukaɱ ajjh'upekkhitā hoti.|| ||

Yasmiɱ samaye bhikkhave bhikkhū tathā samāhitaɱ cittaɱ sādhukaɱ ajjh'upekkhitā hoti,||
upekhā-sambojjh'aŋgo tasmiɱ samaye bhikkhūno āraddho hoti.|| ||

Upekhā-sambojjh'aŋgaɱ tasmiɱ samaye bhikkhū bhāveti,
upekhā-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Citte

Sati-Sambojjhaŋga

Yasmiɱ samaye bhikkhave bhikkhū||
citte citt'ānupassī viharati upaṭṭhitāsati||
tasmiɱ samaye bhikkhave bhikkhuno||
sati hoti||
asammuṭṭhā.|| ||

Yasmiɱ samaye bhikkhave bhikkhūno||
upaṭṭhitā sati||
asammuṭṭhā||
sati-sambojjh'aŋgo||
tasmiɱ samaye bhikkhūno āraddho hoti.|| ||

Sati-sambojjh'aŋgaɱ||
tasmiɱ samaye bhikkhave bhikkhū bhāveti||
sati-sambojjh'aŋgo||
tasmiɱ samaye bhikkhūno bhāvanā-pāripūriɱ gacchati.|| ||

Dhamma-Vicaya-Sambojjhaŋga

So tathā sato viharanto||
taɱ dhammaɱ paññāya pavicinati||
pavicarati||
parivīmaɱsam||
āpajjati.|| ||

Yasmiɱ samaye bhikkhave, bhikkhū||
tathā sato viharanto||
taɱ dhammaɱ paññāya pavicināti||
pavicarati||
parivīmaɱsam||
āpajjati,||
dhamma-vicaya-sambojjh'aŋgo tasmiɱ||
samaye bhikkhūno āraddho hoti,||
dhamma-vicaya-sambojjh'aŋgaɱ tasmiɱ||
samaye bhikkhū bhāveti,||
dhamma-vicaya-sambojjh'aŋgo tasmiɱ samaye bhikkhūno bhāvanā-pāripūriɱ gacchati.|| ||

Viriya-Sambojjhaŋga

Tassa taɱ dhammaɱ paññāya pavicanato pavicarato parivīmaɱsam āpajjato āraddhaɱ hoti viriyaɱ asallīnaɱ.|| ||

Yasmiɱ samaye bhikkhave, bhikkhūno taɱ dhammaɱ paññāya pavicinato pavicarato parivīmaɱsam āpajjato āraddhaɱ hoti viriyaɱ asallīnaɱ,||
viriya-sambojjh'aŋgo tasmiɱ samaye bhikkhūno āraddho hoti.|| ||

Viriya-sambojjh'aŋgaɱ tasmiɱ samaye bhikkhū bhāveti,||
viriya-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Pīti-Sambojjhaŋga

Āraddha viriyassa uppajjati pīti nirāmisā.|| ||

Yasmiɱ samaye bhikkhave, bhikkhūno āraddha-viriyassa uppajjati pīti nirāmisā,||
pīti-sambojjh'aŋgo tasmiɱ samaye bhikkhūno āraddho hoti.|| ||

Pīti-sambojjh'aŋgaɱ tasmiɱ samaye bhikkhū bhāveti,||
pīti-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Passaddhi-Sambojjhaŋga

Pīti-manassa kāyo pi passambhati,
cittam pi passambhati.|| ||

Yasmiɱ samaye bhikkhave bhikkhūno pīti-manassa kāyo pi passambhati,||
cittam pi passambhati,||
passaddhi-sambojjh'aŋgo tasmiɱ samaye bhikkhūno āraddho hoti.|| ||

Passaddhi-sambojjh'aŋgaɱ tasmiɱ samaye bhikkhū bhāveti,||
passaddhi-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Samādhi-Sambojjhaŋga

Passaddha-kāyassa sukhino cittaɱ samādhiyati.|| ||

Yasmiɱ samaye bhikkhave bhikkhūno passaddha-kāyassa sukhino cittaɱ samādhiyati,||
samādhi-sambojjh'aŋgo tasmiɱ samaye bhikkhūno āraddho hoti.|| ||

Samādhi-sambojjh'aŋgaɱ tasmiɱ samayo bhikkhū bhāveti,||
samādhi-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Upekhā-Sambojjhaŋga

So tathā samāhitaɱ cittaɱ sādhukaɱ ajjh'upekkhitā hoti.|| ||

Yasmiɱ samaye bhikkhave bhikkhū tathā samāhitaɱ cittaɱ sādhukaɱ ajjh'upekkhitā hoti,||
upekhā-sambojjh'aŋgo tasmiɱ samaye bhikkhūno āraddho hoti.|| ||

Upekhā-sambojjh'aŋgaɱ tasmiɱ samaye bhikkhū bhāveti,
upekhā-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Dhamma

Sati-Sambojjhaŋga

Yasmiɱ samaye bhikkhave bhikkhū||
Dhammesu Dhamm'ānupassī viharati upaṭṭhitāsati||
tasmiɱ samaye bhikkhave bhikkhuno||
sati hoti||
asammuṭṭhā.|| ||

Yasmiɱ samaye bhikkhave bhikkhūno||
upaṭṭhitā sati||
asammuṭṭhā||
sati-sambojjh'aŋgo||
tasmiɱ samaye bhikkhūno āraddho hoti.|| ||

Sati-sambojjh'aŋgaɱ||
tasmiɱ samaye bhikkhave bhikkhū bhāveti||
sati-sambojjh'aŋgo||
tasmiɱ samaye bhikkhūno bhāvanā-pāripūriɱ gacchati.|| ||

Dhamma-Vicaya-Sambojjhaŋga

So tathā sato viharanto||
taɱ dhammaɱ paññāya pavicinati||
pavicarati||
parivīmaɱsam||
āpajjati.|| ||

Yasmiɱ samaye bhikkhave, bhikkhū||
tathā sato viharanto||
taɱ dhammaɱ paññāya pavicināti||
pavicarati||
parivīmaɱsam||
āpajjati,||
dhamma-vicaya-sambojjh'aŋgo tasmiɱ||
samaye bhikkhūno āraddho hoti,||
dhamma-vicaya-sambojjh'aŋgaɱ tasmiɱ||
samaye bhikkhū bhāveti,||
dhamma-vicaya-sambojjh'aŋgo tasmiɱ samaye bhikkhūno bhāvanā-pāripūriɱ gacchati.|| ||

Viriya-Sambojjhaŋga

Tassa taɱ dhammaɱ paññāya pavicanato pavicarato parivīmaɱsam āpajjato āraddhaɱ hoti viriyaɱ asallīnaɱ.|| ||

Yasmiɱ samaye bhikkhave, bhikkhūno taɱ dhammaɱ paññāya pavicinato pavicarato parivīmaɱsam āpajjato āraddhaɱ hoti viriyaɱ asallīnaɱ,||
viriya-sambojjh'aŋgo tasmiɱ samaye bhikkhūno āraddho hoti.|| ||

Viriya-sambojjh'aŋgaɱ tasmiɱ samaye bhikkhū bhāveti,||
viriya-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Pīti-Sambojjhaŋga

Āraddha viriyassa uppajjati pīti nirāmisā.|| ||

Yasmiɱ samaye bhikkhave, bhikkhūno āraddha-viriyassa uppajjati pīti nirāmisā,||
pīti-sambojjh'aŋgo tasmiɱ samaye bhikkhūno āraddho hoti.|| ||

Pīti-sambojjh'aŋgaɱ tasmiɱ samaye bhikkhū bhāveti,||
pīti-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Passaddhi-Sambojjhaŋga

Pīti-manassa kāyo pi passambhati,
cittam pi passambhati.|| ||

Yasmiɱ samaye bhikkhave bhikkhūno pīti-manassa kāyo pi passambhati,||
cittam pi passambhati,||
passaddhi-sambojjh'aŋgo tasmiɱ samaye bhikkhūno āraddho hoti.|| ||

Passaddhi-sambojjh'aŋgaɱ tasmiɱ samaye bhikkhū bhāveti,||
passaddhi-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Samādhi-Sambojjhaŋga

Passaddha-kāyassa sukhino cittaɱ samādhiyati.|| ||

Yasmiɱ samaye bhikkhave bhikkhūno passaddha-kāyassa sukhino cittaɱ samādhiyati,||
samādhi-sambojjh'aŋgo tasmiɱ samaye bhikkhūno āraddho hoti.|| ||

Samādhi-sambojjh'aŋgaɱ tasmiɱ samayo bhikkhū bhāveti,||
samādhi-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Upekhā-Sambojjhaŋga

So tathā samāhitaɱ cittaɱ sādhukaɱ ajjh'upekkhitā hoti.|| ||

Yasmiɱ samaye bhikkhave bhikkhū tathā samāhitaɱ cittaɱ sādhukaɱ ajjh'upekkhitā hoti,||
upekhā-sambojjh'aŋgo tasmiɱ samaye bhikkhūno āraddho hoti.|| ||

Upekhā-sambojjh'aŋgaɱ tasmiɱ samaye bhikkhū bhāveti,
upekhā-sambojjh'aŋgo tasmiɱ samaye bhikkhūno bhāvanā pāripūriɱ gacchati.|| ||

Evaɱ bhāvitā kho bhikkhave cattāro sati-paṭṭhānā||
evaɱ bahulī-katā satta bojjh'aŋge paripūrenti.|| ||

 

iii

 

Kathaɱ bhāvitā ca bhikkhave satta-bojjh'aŋgā||
kathaɱ bahulī-katā||
vijjā-vimuttiɱ paripūrenti?|| ||

Idh'bhikkhave, bhikkhū sati-sambojjh'aŋgaɱ bhāveti||
viveka-nissitaɱ||
virāga-nissitaɱ||
nirodha-nissitaɱ||
vossagga-pariṇāmi.|| ||

Dhamma-vicaya-sambojjh'aŋgaɱ bhāveti||
viveka-nissitaɱ||
virāga-nissitaɱ||
nirodha-nissitaɱ||
vossagga-pariṇāmi.|| ||

Viriya-sambojjh'aŋgaɱ bhāveti||
viveka-nissitaɱ||
virāga-nissitaɱ||
nirodha-nissitaɱ||
vossagga-pariṇāmi.|| ||

Pīti-sambojjhagaɱ bhāveti||
viveka-nissitaɱ||
virāga-nissitaɱ||
nirodha-nissitaɱ||
vossagga-pariṇāmi.|| ||

Passaddhi-sambojjh'aŋgaɱ bhāveti||
viveka-nissitaɱ||
virāga-nissitaɱ||
nirodha-nissitaɱ||
vossagga-pariṇāmi.|| ||

Samādhi-sambojjh'aŋgaɱ bhāveti||
viveka-nissitaɱ||
virāga-nissitaɱ||
nirodha-nissitaɱ||
vossagga-pariṇāmi.|| ||

Upekkhā-sambojjh'aŋgaɱ bhāveti||
viveka-nissitaɱ||
virāga-nissitaɱ||
nirodha-nissitaɱ||
vossagga-pariṇāmi.|| ||

Evaɱ bhāvitā kho bhikkhave||
satta bojjh'aŋgā||
evaɱ bahulī-katā||
vijjā-vimuttiɱ paripūrentī" ti.|| ||

 


Contact:
E-mail
Copyright Statement