Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
V. Mahā Vagga
55. Sotāpatti Saŋyutta
I. Veḷudvāra Vagga

Sutta 7

Veḷudvāreyyā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayaɱ Bhagavā Kosalesu cārikaɱ caramāno mahatā bhikkhu-saŋghena saddhiɱ yena Veḷudvāraɱ nāma Kosalānaɱ brahmaṇagāmo tad avasari.|| ||

Assosuɱ kho Veḷudvāreyyakā brāhmaṇa-gahapatikā samaṇo khalu bho Gotamo Sakyaputto||
Sakyakulā pabbajito||
Kosalesu cārikaɱ caramāno mahatā bhikkhu-saŋghena saddhiɱ Veḷudvāraɱ anuppatto.|| ||

Taɱ kho pana Bhagavantaɱ Gotamaɱ evaɱ kalyāṇa kittisaddo abbhuggato:|| ||

"Iti pi so Bhagavā||
arahaɱ||
sammāsambuddho||
vijjācaraṇasampanno||
sugato||
lokavidū||
anuttaro purisadammasārathi||
satthā deva-manussānaɱ||
buddho||
Bhagavā" ti.|| ||

So imaɱ lokaɱ||
sadevakaɱ||
samārakaɱ||
sabrahmakaɱ||
sassamaṇa-brāhmaṇiɱ||
pajaɱ sadeva-manussaŋ||
sayaɱ abhiññā sacjikatvā pavedati.|| ||

So dhammaɱ deseti||
Ādi-kalyāṇaɱ||
majjhe-kalyāṇaɱ||
pariyosāna-kalyāṇaɱ||
sātthaɱ savyañjanaɱ kevala-paripuṇṇaɱ||
parisuddhaɱ brahmacariyaɱ pakāseti.|| ||

Sādhu kho pana tathārūpānaɱ arahataɱ dassanaɱ hotī" ti.|| ||

[353] Atha kho te Veḷudvāreyyakā brāhmaṇa-gahapatikā yena Bhagavā ten'upasaŋkamiɱsu.|| ||

Upasaŋkamitvā app'ekacce Bhagavantaɱ abhivādetvā eka-m-antaɱ nisīdiɱsu.|| ||

App'ekacce Bhagavatā saddhiɱ sammodiɱsu.|| ||

Sammodanīyaɱ kathaɱ sārāṇīyaɱ vītisāretvā eka-m-antaɱ nisīdiɱsu.|| ||

App'ekacce yena Bhagavā ten'añjaliɱ paṇāmetvā eka-m-antaɱ nisīdiɱsu.|| ||

App'ekacce Bhagavato santike nāmagottaɱ sāvetvā eka-m-antaɱ nisīdiɱsu.|| ||

App'ekacce tuṇhībhūtā eka-m-antaɱ nisīdiɱsu.|| ||

Eka-m-antaɱ nisinnā kho te Veḷudvāreyyakā brāhmaṇa-gahapatikā Bhagavantaɱ etad avocuɱ:|| ||

"Mayaɱ bho Gotama,||
evaɱ kāmā||
evañ chandā||
evaɱ adhippāyā:|| ||

'Putta-sambādhasayanaɱ ajjhāvaseyyāma.|| ||

Kāsika-candanaɱ paccanubhaveyyāma.|| ||

Mālāgandha-vilepanaɱ dhāreyyāma.|| ||

Jāta-rūpa-rajataɱ sādiyeyyāma.|| ||

Kāyassa bhedā param māraṇā||
sugatiɱ saggaɱ lokaɱ upapajjeyyāma.'|| ||

Tesaŋ no bhavaɱ Gotamo amhākaɱ||
evaɱ kāmānaɱ||
evañ chandānaɱ||
evaɱ adhippāyānaɱ||
tathā dhammaɱ desetu||
yathā mayaɱ||
putta-sambādhasayanaɱ ajjhāvaseyyāma||
kāsika-candanaɱ paccanubhaveyyāma||
mālāgandha-vilepanaɱ dhāreyyāma||
jāta-rūpa-rajataɱ sādiyeyyāma||
kāyassa bhedā param māraṇā||
sugatiɱ saggaɱ lokaɱ upapajjeyyāma." ti.|| ||

"Attūpanāyikaɱ vo gahapatayo dhamma-pariyāyaɱ desissāmi.|| ||

Taɱ suṇātha.|| ||

Sādhukaɱ manasikarotha.

Bhāsissāmī" ti.|| ||

"Evaɱ bho" ti||
kho Veḷudvāreyyakā brāhmaṇa-gahapatikā Bhagavato paccassosuɱ.|| ||

Bhagavā etad avoca:|| ||

"Katamo ca gahapatayo attūpanāyiko dhamma-pariyāyo:|| ||

Idha gahapatayo ariyasāvako iti paṭisañcikkhati:|| ||

'Ahaɱ kho'smi||
jīvitukāmo||
amaritukāmo||
sukhakāmo||
dukkha-paṭikkūlo.|| ||

Yo kho maɱ||
jīvitukāmaɱ||
amaritukāmaɱ||
sukhakāmaɱ||
dukkhapaṭikkūlaɱ||
jīvitā voropeyya,||
na me taɱ assa piyaɱ manāpaɱ.|| ||

Ahañ c'eva kho pana paraɱ jīvitukāmaɱ||
amaritukāmaɱ||
sukhakāmaɱ||
dukkhapaṭikkūlaɱ||
jīvitā voropeyya.|| ||

Parassa taɱ assa appiyaɱ amanāpaɱ.|| ||

Yo kho myāyaɱ dhammo appiyo amanāpo||
parassa p'eso [354] dhammo appiyo amanāpo.|| ||

Yo kho myāyaɱ dhammo appiyo amanāpo,||
kathāhaɱ paraɱ tena saŋyojeyyan' ti?|| ||

So iti paṭisaŋkhāya attanā ca pāṇātipātā paṭivirato hoti.|| ||

Parañ ca pāṇātipātā veramaṇiyā samādapeti.|| ||

Pāṇātipātā veramaṇiyā ca vaṇṇaɱ bhāsati.|| ||

Evam assāyaɱ kāya-samācāro ti koṭiparisuddho hoti.|| ||

Puna ca paraɱ gahapatayo,||
ariyasāvako iti paṭisañcikkhati:|| ||

'Yo kho me adinnaɱ theyyasaŋkhātaɱ ādiyeyya,||
na me taɱ assa piyaɱ manāpaɱ.|| ||

Ahañ ce va kho pana parassa adinnaɱ theyyasaŋkhātaɱ ādiyeyyaɱ.|| ||

Parassa pi taɱ assa appiyaɱ amanāpaɱ.|| ||

Yo kho myāyaɱ dhammo appiyo amanāpo||
parassa p'eso dhammo appiyo amanāpo.|| ||

Yo kho myāyaɱ dhammo appiyo amanāpo,||
kathāhaɱ paraɱ tena saŋyojeyyan' ti?|| ||

So iti paṭisaŋkhāya attanā ca adinnādānā paṭivirato hoti.|| ||

Parañ ca adinnādānā veramaṇiyā samādapeti.|| ||

Adinnādānā veramaṇiyā ca vaṇṇaɱ bhāsati.|| ||

Evam assāyaɱ kāya-samācāro ti koṭiparisuddho hoti.|| ||

Puna ca paraɱ gahapatayo,||
ariyasāvako iti paṭisañcikkhati:|| ||

'Yo kho me dāresu cārittaɱ āpajjeyya,||
na me taɱ assa piyaɱ manāpaɱ.|| ||

Ahañ c'eva kho pana parassa dāresu cārittaɱ āpajpeyyaɱ.|| ||

Parassa pi taɱ assa appiyaɱ amanāpaɱ.|| ||

Yo kho myāyaɱ dhammo appiyo amanāpo,||
parassa p'eso dhammo appiyo amanāpo.|| ||

Yo kho myāyaɱ dhammo appiyo amanāpo,||
kathāhaɱ paraɱ tena saŋyojeyyan' ti?|| ||

So iti paṭiŋkhāya attanā ca kāmesu micchā-cārā paṭivirato hoti.|| ||

Parañ ca kāmesu micchā-cārā veramaṇīyā samādapeti.|| ||

Kāmesu micchā-cārā veramaṇiyā ca vaṇṇaɱ bhasati.|| ||

Evam assāyaɱ kāya-samācāro ti koṭiparisuddho hoti.|| ||

Puna ca paraɱ gahapatayo,||
ariyasāvako iti paṭisaŋcikkhati:|| ||

'Yo kho me musā-vādena atthaɱ bhañjeyya,||
na me taɱ assa piyaɱ manāpaɱ.|| ||

Ahaɱ c'eva kho pana parassa musā-vādena atthaɱ bhañjeyyaɱ.|| ||

Parassa pi taɱ assa appiyaɱ amanāpaɱ.|| ||

Yo kho myāyaɱ dhammo appiyo amanāpo,||
parassa p'eso dhammo appiyo amanāpo.|| ||

Yo kho myāyaɱ dhammo appiyo amanāpo,||
kathāhaɱ parantena saŋyojeyyan' ti?|| ||

So iti paṭisaŋkhāya attanā ca musā-vādā paṭivirato hoti.|| ||

Parañ ca musā-vādā veramaṇiyā samādapeti.|| ||

Musā-vādā veramaṇiyā ca vaṇṇaɱ bhāsati.|| ||

Evam assāyaɱ vacī-samācaro ti koṭiparisuddho hoti.|| ||

Puna ca paraɱ gahapatayo,||
ariyasāvako iti paṭisañcikkhati:|| ||

'Yo kho maɱ pisunāya vācāya mitte bhindeyya,||
na me taɱ assa piyaɱ manāpaɱ.|| ||

Ahaɱ c'eva kho pana paraɱ pisunāya vācāya mitte bhindeyyaɱ.|| ||

Parassa pi taɱ assa appiyaɱ amanāpaɱ.|| ||

Yo kho myāyaɱ dhammo appiyo amanāpo,||
parassa p'eso dhammo appiyo amanāpo.|| ||

Yo kho myāyaɱ dhammo appiyo amanāpo,||
kathāhaɱ parantena saŋyojeyyan' ti?|| ||

So iti paṭisaŋkhāya attanā ca musā-vādā paṭivirato hoti.|| ||

Parañ ca pisunāya vācāya veramaṇiyā samādapeti.|| ||

Pisunāya vācāya veramaṇiyā ca vaṇṇaɱ bhāsati.|| ||

Evam assāyaɱ vacīsamācāro ti koṭiparisuddho hoti.|| ||

Puna ca paraɱ gahapatayo,||
ariyasāvako iti paṭisañcikkhati:|| ||

'Yo kho maɱ pharusāya vācāya samudācareyya,||
na me taɱ assa piyaɱ manāpaɱ.|| ||

Ahaɱ c'eva kho pana paraɱ pharusāya vācāya samudācareyyaɱ.|| ||

Parassa pi taɱ assa appiyaɱ amanāpaɱ.|| ||

Yo kho myāyaɱ dhammo appiyo amanāpo,||
parassa p'eso dhammo appiyo amanāpo.|| ||

Yo kho myāyaɱ dhammo appiyo amanāpo,||
kathāhaɱ parantena saŋyojeyyan' ti?|| ||

So iti paṭisaŋkhāya attanā ca musā-vādā paṭivirato hoti.|| ||

Parañca pharusāya vācāya veramaṇiyā samādapeti.|| ||

Pharusāya vācāya veramaṇiyā ca vaṇṇaɱ bhāsati.|| ||

Evam assāyaɱ vacīsamācaro ti koṭiparisuddho hoti.|| ||

Puna ca paraɱ gahapatayo,||
ariyasāvako iti paṭisañcikkhati:|| ||

'Yo kho maɱ samphappalāpabhāsena samudācareyya,||
na me taɱ assa piyaɱ manāpaɱ.|| ||

Ahaɱ c'eva kho pana paraɱ samphappalāpabhāsena samudācareyyaɱ.|| ||

Parassa pi taɱ assa appiyaɱ amanāpaɱ.|| ||

Yo kho myāyaɱ dhammo appiyo amanāpo,||
parassa p'eso dhammo appiyo amanāpo.|| ||

Yo kho myāyaɱ dhammo appiyo amanāpo,||
kathāhaɱ parantena saŋyojeyyan' ti?|| ||

So iti paṭisaŋkhāya attanā ca musā-vādā paṭivirato hoti.|| ||

parañca samphappalāpā veramaṇiyā samādapeti.|| ||

Samphappalāpā veramaṇiyā ca vaṇṇaɱ bhāsati.|| ||

Evam assāyaɱ vacī-samācāro ti koṭiparisuddho hoti.|| ||

So Buddhe avecca pasādena samannāgato hoti:|| ||

"Iti pi so Bhagavā||
arahaɱ||
sammā sambuddho||
vijjā-caraṇa-sampanno||
sugato||
lokavidu||
anuttaro purisa-damma-sārathī||
satthā deva-manussānaɱ||
buddho||
Bhagavā" ti.|| ||

[356] Dhamme avecca pasādena samannāgato hoti:|| ||

'Svākkhāto Bhagavatā dhammo||
sandiṭṭhiko||
akāliko||
ehipassiko||
opanayiko||
paccattaɱ veditabbo viññūhī" ti.|| ||

Saŋghe avecca pasādena samannāgato hoti:|| ||

"Supaṭipanno Bhagavato sāvakasaŋgho,||
ujupaṭipanno Bhagavato sāvakasaŋgho,||
ñāyapaṭipanno Bhagavato sāvakasaŋgho,||
sāmīcipaṭipanno Bhagavato sāvakasaŋgho,||
yad idaɱ cattāri purisayugāni||
aṭṭhapurisapuggalā,||
esa Bhagavato sāvakasaŋgho.|| ||

Āhuneyyo||
pāhuneyyo||
dakkhiṇeyyo||
añjalikaraṇīyo||
anuttaraɱ puññakettaɱ lokassā" ti.|| ||

"Ariyakantehi sīlehi samannāgato hoti||
akhaṇḍehi||
acchiddehi||
asabalehi||
akammāsehi||
bhujissehi||
viññuppasatthehi||
aparāmaṭṭhehi||
samādhi-saɱvattanikehi."'|| ||

Yato kho gahapatayo,||
ariyasāvako imehi sattahi saddhammehi samannāgato hoti.|| ||

Imehi catūhi ākaŋkhiyehi ṭhānehi||
so ākaŋkhamāno attanā va attānaɱ vyākareyya:|| ||

'khīṇa-nirayo'mhi||
khīṇa-tiracchānayoniko||
khīṇa-pettivisayo||
khīṇā-pāya-duggati-vinipāto.|| ||

Sotāpanno'ham asmi avinipāta-dhammo niyato sambodhi-parāyaṇo' ti".|| ||

Evaɱ vutte Veḷudvāreyyakā brāhmaṇa-gahapatikā Bhagavantaɱ etad avocuɱ:|| ||

"Abhikkantaɱ bho Gotama!|| ||

Abhikkantaɱ bho Gotama!|| ||

Seyyathā pi bho Gotama,||
nikkujjitaɱ vā ukkujjeyya,||
paṭicchannaɱ vā vivareyya,||
mūḷhassa vā maggaɱ ācikkheyya,||
andhakāre vā telapajjotaɱ dhāreyya||
'cakkhumanto rūpāni dakkhintī' ti.|| ||

Evam evaɱ bhotā Gotamena||
aneka-pariyāyena dhammo pakāsito.|| ||

Ete mayaɱ Bhagavantaɱ Gotamaɱ saraṇaɱ gacchāmi,||
dhammañ ca||
bhikkhu-saŋghañ ca.|| ||

Upāsake no bhavaɱ Gotamo dhāretu ajjatagge pāṇupete saraṇaɱ gate" ti.|| ||

 


Contact:
E-mail
Copyright Statement   Webmaster's Page