Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
V. Mahā Vagga
55. Sotāpatti Saŋyutta
III. Saraṇāni Vagga

Sutta 24

Paṭhama Sarakāni or Saraṇāni Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayaɱ Bhagavā Sakkesu viharati Kapilavatthusmiɱ Nigrodhārāme.|| ||

Tena kho panasamayena Sarakāni Sakko||
kālakato hoti||
so Bhagavatā vyākato sotāpanno||
avinipāta-dhammo||
niyato||
sambodhi-parāyaṇo ti.|| ||

Tatra sudaɱ sambahulā Sakkā||
saŋgamma samāgamma ujjhāyanti,||
khīyanti,||
vipācenti:|| ||

'Acchariyaɱ vata bho||
abbhutaɱ vata bho,||
ettha dāni ko na sotāpanno bhavissati.|| ||

Yatra hi nāma Sarakāni Sakko kālakato||
so Bhagavatā vyākato sotāpanno||
avinipāta-dhammo||
niyato||
sambodhi-parāyaṇo ti.|| ||

Sarakāni Sakko sikkhā-dubbalyam āpādi,||
majjapānaɱ||
apāyī'" ti.|| ||

Atha kho Mahānāmo Sakko yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho Mahānāmo Sakko Bhagavantaɱ etad avoca:|| ||

"Idha bhante, Sarakāni Sakko kālakato||
so Bhagavatā vyākato sotāpanno||
avinipāta-dhammo||
niyato||
sambodhi-parāyaṇo ti.|| ||

Tatra sudaɱ bhante,||
sambahulā Sakkā saŋgamma samāgamma ujjhāyanti||
khīyanti||
vipācenti:|| ||

'Acchariyaɱ vata bho||
abbhutaɱ vata bho,||
ettha dāni ko na sotāpanno bhavissati.|| ||

Yatra hi nāma Sarakāni Sakko kālakato||
so Bhagavatā vyākato sotāpanno||
avinipāta-dhammo||
niyato||
sambodhi-parāyaṇo ti.|| ||

Sarakāni Sakko sikkhā-dubbalyam āpādi,||
majjapānaɱ||
apāyī'" ti.|| ||

"Yo so Mahānāma, dīgha-rattaɱ upāsako||
Buddhaɱ saraṇaɱ gato,||
dhammaɱ saraṇaɱ gato,||
saŋghaɱ saraṇaɱ gato||
so kathaɱ vinipātaɱ gaccheyya.|| ||

Yaɱ hi taɱ Mahānāma, sammāva-damāno vadeyya,||
'dīgha-rattaɱ upāsako||
Buddhaɱ saraṇaɱ gato,||
dhammaɱ saraṇaɱ gato,||
saŋghaɱ saraṇaɱ gato' ti;||
Sarakāniɱ-Sakkaɱ sammā vadamāno vadeyya.|| ||

[376] Sarakāni Mahānāma, Sakko dīgha-rattaɱ upāsako||
Buddhaɱ saraṇaɱ gato,||
dhammaɱ saraṇaɱ gato,||
saŋghaɱ saraṇaɱ gato.|| ||

So kathaɱ vinipātaɱ gaccheyya?|| ||

 


 

Idha Mahānāma, ekacco puggalo||
buddhe avecca pasādena samannāgato hoti:|| ||

'Iti pi so Bhagavā||
arahaɱ||
sammā sambuddho||
vijjā-caraṇa-sampanno||
sugato||
lokavidu||
anuttaro purisa-damma-sārathī||
satthā deva-manussānaɱ||
buddho||
Bhagavā' ti.|| ||

Dhamme avecca pasādena samannāgato hoti:|| ||

'Svākkhāto Bhagavatā dhammo||
sandiṭṭhiko||
akāliko||
ehipassiko||
opanayiko||
paccattaɱ veditabbo viññūhī' ti.|| ||

Saŋghe avecca pasādena samannāgato hoti:|| ||

'Supaṭipanno Bhagavato sāvakasaŋgho,||
ujupaṭipanno Bhagavato sāvakasaŋgho,||
ñāyapaṭipanno Bhagavato sāvakasaŋgho,||
sāmīcipaṭipanno Bhagavato sāvakasaŋgho,||
yad idaɱ cattāri purisayugāni||
aṭṭhapurisapuggalā,||
esa Bhagavato sāvakasaŋgho.|| ||

Āhuneyyo||
pāhuneyyo||
dakkhiṇeyyo||
añjalikaraṇīyo||
anuttaraɱ puññakettaɱ lokassā' ti.|| ||

Hāsupañño javanapañño vimuttiyā ca samannāgato.|| ||

So āsavānaɱ khayā anāsavaɱ||
ceto-vimuttiɱ||
paññā-vimuttiɱ||
diṭṭhe va dhamme sayaɱ||
abhiññā sacchi-katvā||
upasampajja viharati.|| ||

Ayam pi kho Mahānāma, puggalo parimutto nirayā,||
parimutto tiracchānayoniyā,||
parimutto pettivisayā,||
parimutto apāyaduggativinipātā.|| ||

Idha Mahānāma, ekacco puggalo||
buddhe avecca pasādena samannāgato hoti:|| ||

'Iti pi so Bhagavā||
arahaɱ||
sammā sambuddho||
vijjā-caraṇa-sampanno||
sugato||
lokavidu||
anuttaro purisa-damma-sārathī||
satthā deva-manussānaɱ||
buddho||
Bhagavā' ti.|| ||

Dhamme avecca pasādena samannāgato hoti:|| ||

'Svākkhāto Bhagavatā dhammo||
sandiṭṭhiko||
akāliko||
ehipassiko||
opanayiko||
paccattaɱ veditabbo viññūhī' ti.|| ||

Saŋghe avecca pasādena samannāgato hoti:|| ||

'Supaṭipanno Bhagavato sāvakasaŋgho,||
ujupaṭipanno Bhagavato sāvakasaŋgho,||
ñāyapaṭipanno Bhagavato sāvakasaŋgho,||
sāmīcipaṭipanno Bhagavato sāvakasaŋgho,||
yad idaɱ cattāri purisayugāni||
aṭṭhapurisapuggalā,||
esa Bhagavato sāvakasaŋgho.|| ||

Āhuneyyo||
pāhuneyyo||
dakkhiṇeyyo||
añjalikaraṇīyo||
anuttaraɱ puññakettaɱ lokassā' ti.|| ||

Hāsupañño javanapañño||
na ca vimuttiyā samannāgato.|| ||

So pañcannaɱ orambhāgiyānaɱ saŋyojanānaɱ||
parikkhayā opapātiko hoti||
tattha parinibbāyī anāvatti-dhammo tasmā lokā.|| ||

Ayam pi kho Mahānāma, puggalo parimutto nirayā,||
parimutto tiracchānayoniyā,||
parimutto pettivisayā,||
parimutto apāyaduggativinipātā.|| ||

Idha Mahānāma, ekacco puggalo||
buddhe avecca pasādena samannāgato hoti:|| ||

'Iti pi so Bhagavā||
arahaɱ||
sammā sambuddho||
vijjā-caraṇa-sampanno||
sugato||
lokavidu||
anuttaro purisa-damma-sārathī||
satthā deva-manussānaɱ||
buddho||
Bhagavā' ti.|| ||

Dhamme avecca pasādena samannāgato hoti:|| ||

'Svākkhāto Bhagavatā dhammo||
sandiṭṭhiko||
akāliko||
ehipassiko||
opanayiko||
paccattaɱ veditabbo viññūhī' ti.|| ||

Saŋghe avecca pasādena samannāgato hoti:|| ||

'Supaṭipanno Bhagavato sāvakasaŋgho,||
ujupaṭipanno Bhagavato sāvakasaŋgho,||
ñāyapaṭipanno Bhagavato sāvakasaŋgho,||
sāmīcipaṭipanno Bhagavato sāvakasaŋgho,||
yad idaɱ cattāri purisayugāni||
aṭṭhapurisapuggalā,||
esa Bhagavato sāvakasaŋgho.|| ||

Āhuneyyo||
pāhuneyyo||
dakkhiṇeyyo||
añjalikaraṇīyo||
anuttaraɱ puññakettaɱ lokassā' ti.|| ||

Na hāsupañño||
na javanapañño||
na ca vimuttiyā samannāgato.|| ||

So tiṇṇaɱ saŋyojanānaɱ parikkhayā||
rāga-dosa-mohānaɱ tanuttā sakadāgāmī hoti||
sakid eva imaɱ lokaɱ āgantvā dukkhassantaɱ karoti.|| ||

Ayam pi kho Mahānāma, puggalo parimutto nirayā,||
parimutto tiracchānayoniyā,||
parimutto pettivisayā,||
parimutto apāyaduggativinipātā.|| ||

[377] Idha Mahānāma, ekacco puggalo||
buddhe avecca pasādena samannāgato hoti:|| ||

'Iti pi so Bhagavā||
arahaɱ||
sammā sambuddho||
vijjā-caraṇa-sampanno||
sugato||
lokavidu||
anuttaro purisa-damma-sārathī||
satthā deva-manussānaɱ||
buddho||
Bhagavā' ti.|| ||

Dhamme avecca pasādena samannāgato hoti:|| ||

'Svākkhāto Bhagavatā dhammo||
sandiṭṭhiko||
akāliko||
ehipassiko||
opanayiko||
paccattaɱ veditabbo viññūhī' ti.|| ||

Saŋghe avecca pasādena samannāgato hoti:|| ||

'Supaṭipanno Bhagavato sāvakasaŋgho,||
ujupaṭipanno Bhagavato sāvakasaŋgho,||
ñāyapaṭipanno Bhagavato sāvakasaŋgho,||
sāmīcipaṭipanno Bhagavato sāvakasaŋgho,||
yad idaɱ cattāri purisayugāni||
aṭṭhapurisapuggalā,||
esa Bhagavato sāvakasaŋgho.|| ||

Āhuneyyo||
pāhuneyyo||
dakkhiṇeyyo||
añjalikaraṇīyo||
anuttaraɱ puññakettaɱ lokassā' ti.|| ||

Na hāsupañño||
na javanapañño||
na ca vimuttiyā samannāgato.|| ||

So tiṇṇaɱ saŋyojanānaɱ parikkhayā sotāpanno hoti||
avinipāta-dhammo niyato sambodhi-parāyaṇo.|| ||

Ayam pi kho Mahānāma, puggalo parimutto nirayā,||
parimutto tiracchānayoniyā,||
parimutto pettivisayā,||
parimutto apāyaduggativinipātā.|| ||

Idha pana Mahānāma ekacco puggalo||
na h'eva kho buddhe avecca pasādena samannāgato hoti::|| ||

'Iti pi so Bhagavā||
arahaɱ||
sammā sambuddho||
vijjā-caraṇa-sampanno||
sugato||
lokavidu||
anuttaro purisa-damma-sārathī||
satthā deva-manussānaɱ||
buddho||
Bhagavā' ti.|| ||

Na Dhamme avecca pasādena samannāgato hoti:|| ||

'Svākkhāto Bhagavatā dhammo||
sandiṭṭhiko||
akāliko||
ehipassiko||
opanayiko||
paccattaɱ veditabbo viññūhī' ti.|| ||

Na Saŋghe avecca pasādena samannāgato hoti:|| ||

'Supaṭipanno Bhagavato sāvakasaŋgho,||
ujupaṭipanno Bhagavato sāvakasaŋgho,||
ñāyapaṭipanno Bhagavato sāvakasaŋgho,||
sāmīcipaṭipanno Bhagavato sāvakasaŋgho,||
yad idaɱ cattāri purisayugāni||
aṭṭhapurisapuggalā,||
esa Bhagavato sāvakasaŋgho.|| ||

Āhuneyyo||
pāhuneyyo||
dakkhiṇeyyo||
añjalikaraṇīyo||
anuttaraɱ puññakettaɱ lokassā' ti."|| ||

Na hāsupañño||
na javanapañño||
na ca vimuttiyā samannāgato||
api c'assa ime dhammā honti||
saddhindriyaɱ||
viriyindrayaɱ||
satindriyaɱ||
samādhindriyaɱ||
paññindriyaɱ.|| ||

Tathāgatappaveditā c'assa dhammā||
paññāya||
mattaso nijjhānaɱ khamanti.|| ||

Ayam pi kho Mahānāma, puggalo parimutto nirayā,||
parimutto tiracchānayoniyā,||
parimutto pettivisayā,||
parimutto apāyaduggativinipātā.|| ||

Idha pana Mahānāma ekacco puggalo||
na h'eva kho buddhe avecca pasādena samannāgato hoti::|| ||

'Iti pi so Bhagavā||
arahaɱ||
sammā sambuddho||
vijjā-caraṇa-sampanno||
sugato||
lokavidu||
anuttaro purisa-damma-sārathī||
satthā deva-manussānaɱ||
buddho||
Bhagavā' ti.|| ||

Na Dhamme avecca pasādena samannāgato hoti:|| ||

'Svākkhāto Bhagavatā dhammo||
sandiṭṭhiko||
akāliko||
ehipassiko||
opanayiko||
paccattaɱ veditabbo viññūhī' ti.|| ||

Na Saŋghe avecca pasādena samannāgato hoti:|| ||

'Supaṭipanno Bhagavato sāvakasaŋgho,||
ujupaṭipanno Bhagavato sāvakasaŋgho,||
ñāyapaṭipanno Bhagavato sāvakasaŋgho,||
sāmīcipaṭipanno Bhagavato sāvakasaŋgho,||
yad idaɱ cattāri purisayugāni||
aṭṭhapurisapuggalā,||
esa Bhagavato sāvakasaŋgho.|| ||

Āhuneyyo||
pāhuneyyo||
dakkhiṇeyyo||
añjalikaraṇīyo||
anuttaraɱ puññakettaɱ lokassā' ti."|| ||

Na hāsupañño||
na javanapañño||
na ca vimuttiyā samannāgato,||
api c'assa ime dhammā honti||
saddhindriyaɱ||
viriyindrayaɱ||
satindriyaɱ||
samādhindriyaɱ||
paññindriyaɱ.|| ||

Tathāgate c'assa||
saddhāmattaɱ hoti,||
pemamattaɱ.|| ||

Ayam pi kho Mahānāma, puggalo parimutto nirayā,||
parimutto tiracchānayoniyā,||
parimutto pettivisayā,||
parimutto apāyaduggativinipātā.|| ||

Ime ce pi Mahānāma, mahāsālā||
subhāsitaɱ||
dubbhāsitaɱ ājāneyyuɱ,||
ime cāhaɱ mahāsāle vyākareyyaɱ:||
'sotāpannā||
avinipātadhammā||
niyatā||
sambodhi-parāyaṇā' ti.|| ||

Kimaŋga pana Sarakāniɱ sakkaɱ.|| ||

Sarakāni Mahānāma Sakko||
māraṇakāle pana sikkhaɱ samādiyī" ti.|| ||

 


Contact:
E-mail
Copyright Statement   Webmaster's Page