Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
V. MahāVagga
55. Sotapatti Saŋyuttaa
IV: Puññābhisanda Vaggo

Sutta 35

Dutiya Devapada Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts]] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Cattārimāni bhikkhave, devānaɱ devapadāni avisuddhānaɱ sattānaɱ visuddhiyā apariyodātānaɱ sattānaɱ pariyodapanāya.|| ||

Katame cattāro?|| ||

Idha bhikkhave, ariyasāvako Buddhe aveccappasādena samannāgato hoti:|| ||

'Iti pi so Bhagavā||
arahaɱ||
sammā sambuddho||
vijjā-caraṇa-sampanno||
sugato||
lokavidu||
anuttaro purisa-damma-sārathī||
satthā deva-manussānaɱ||
buddho||
Bhagavā' ti.|| ||

Idha paṭhamaɱ devānaɱ devapadaɱ avisuddhānaɱ sattānaɱ visuddhiyā apariyodātānaɱ sattānaɱ pariyodapanāya.|| ||

Puna ca'paraɱ bhikkhave, ariyasāvako dhamme aveccappasādena samannāgato hoti:|| ||

'Svākkhāto Bhagavatā dhammo||
sandiṭṭhiko||
akāliko||
ehipassiko||
opanayiko||
paccattaɱ veditabbo viññūhī' ti.|| ||

Idaɱ dutiyaɱ devānaɱ devapadaɱ avisuddhānaɱ sattānaɱ visuddhiyā apariyodātānaɱ sattānaɱ pariyodapanāya.|| ||

Puna ca'paraɱ bhikkhave, ariyasāvako saŋghe aveccappasādena samannāgato hoti|| ||

'Supaṭipanno Bhagavato sāvakasaŋgho,||
ujupaṭipanno Bhagavato sāvakasaŋgho,||
ñāyapaṭipanno Bhagavato sāvakasaŋgho,||
sāmīcipaṭipanno Bhagavato sāvakasaŋgho,||
yad idaɱ cattāri purisayugāni||
aṭṭhapurisapuggalā,||
esa Bhagavato sāvakasaŋgho.|| ||

Āhuneyyo||
pāhuneyyo||
dakkhiṇeyyo||
añjalikaraṇīyo||
anuttaraɱ puññakettaɱ lokassā' ti.|| ||

daɱ tatiyaɱ devānaɱ devapadaɱ avisuddhānaɱ sattānaɱ visuddhiyā apariyodātānaɱ sattānaɱ pariyodapanāya.|| ||

Puna ca'paraɱ bhikkhave, ariyasāvako ariyakantehi sīlehi samannāgato hoti||
akhaṇḍehi||
acchiddehi||
asabalehi||
akammāsehi||
bhujissehi||
viññuppasatthehi||
aparāmaṭṭhehi||
samādhisaŋvattanikehi.|| ||

So iti paṭisañcikkhati.|| ||

"Kim nu kho devānaɱ devapadan" ti?|| ||

So evam pajānāti:

"Abyāpajjha parame khvāhaɱ etarahi deve,||
suṇāmi na kho panāhaɱ kañci byābādhemi tasaŋ vā||
thāvaraɱ vā.|| ||

Addhāhaɱ devapada-dhamma-samannāgato vihārāmī" ti.|| ||

Idaɱ [394] catutthaɱ devānaɱ devapadaɱ avisuddhānaɱ sattānaɱ visuddhiyā apariyodātānaɱ sattānaɱ pariyodapanāya.|| ||

Imāni kho bhikkhave, cattāri devānaɱ devapadāni avisuddhānaɱ sattānaɱ visuddhiyā apariyodātānaɱ sattānaɱ pariyodapanāyāti.|| ||

 


Contact:
E-mail
Copyright Statement   Webmaster's Page