Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
V. MahāVagga
55. Sotapatti Saŋyuttaa
IV: Puññābhisanda Vaggo

Sutta 36

Sabhāgata Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts]] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Catūhi bhikkhave, dhammehi samannāgataɱ attamanā devā sabhāgatā kathenti.|| ||

Katamehi catūhi?|| ||

Idha bhikkhave, ariyasāvako Buddhe avecca pasādena samannāgato hoti:|| ||

'Iti pi so Bhagavā||
arahaɱ||
sammā sambuddho||
vijjā-caraṇa-sampanno||
sugato||
lokavidu||
anuttaro purisa-damma-sārathī||
satthā deva-manussānaɱ||
buddho||
Bhagavā' ti.|| ||

Yā tā devatā Buddhe avecca pasādena samannāgato ito cutā tatrūpapannā.|| ||

Tāsaŋ evaɱ hoti:|| ||

'Yathārūpena kho mayaɱ Buddhe avecca pasādena samannāgatā tato cutā idhūpapannā.|| ||

Ariyasāvako pi tathārūpena Buddhe avecca pasādena samannāgato hoti ehiti[ed1] devānaɱ santike' ti.|| ||

Puna ca'paraɱ bhikkhave, ariyasāvako dhamme avecca pasādena samannāgato hoti:|| ||

'Svākkhāto Bhagavatā dhammo||
sandiṭṭhiko||
akāliko||
ehipassiko||
opanayiko||
paccattaɱ veditabbo viññūhī' ti.|| ||

Yā tā devatā dhamme avecca pasādena samannāgatā ito cutā tatrūpapannā.|| ||

Tāsaŋ evaɱ hoti:|| ||

'Yathārūpena kho mayaɱ dhamme avecca pasādena samannāgatā tato cutā idhūpapannā.|| ||

Ariyasāvako pi tathārūpena dhamme avecca pasādena samannāgato hoti etiti devānaɱ santike" ti.|| ||

Puna ca'paraɱ bhikkhave, ariyasāvako saŋghe avecca pasādena samannāgato hoti:|| ||

'Supaṭipanno Bhagavato sāvakasaŋgho,||
ujupaṭipanno Bhagavato sāvakasaŋgho,||
ñāyapaṭipanno Bhagavato sāvakasaŋgho,||
sāmīcipaṭipanno Bhagavato sāvakasaŋgho,||
yad idaɱ cattāri purisayugāni||
aṭṭhapurisapuggalā,||
esa Bhagavato sāvakasaŋgho.|| ||

Āhuneyyo||
pāhuneyyo||
dakkhiṇeyyo||
añjalikaraṇīyo||
anuttaraɱ puññakettaɱ lokassā' ti.|| ||

Yā tā devatā saŋghe avecca pasādena samannāgatā ito cutā tatrūpapannā.|| ||

Tāsaŋ evaɱ hoti:|| ||

'Yathārūpena kho mayaɱ saŋghe avecca pasādena samannāgatā tato cutā idhūpapannā.|| ||

Ariyasāvako pi tathārūpena saŋghe avecca pasādena samannāgato etīti devānaɱ santike" ti.|| ||

Puna ca'paraɱ bhikkhave, ariyasāvako ariyakantehi sīlehi samannāgato hoti||
akhaṇḍehi||
acchiddehi||
asabalehi||
akammāsehi||
bhujissehi||
viññuppasatthehi||
aparāmaṭṭhehi||
samādhisaŋvattanikehi.|| ||

Yā tā devatā ariyakantehi sīlehi samannāgatā ito cutā tatrūpapannā.|| ||

Tāsaŋ evaɱ hoti:|| ||

'Yathārūpena kho mayaɱ ariyakantehi sīlehi samannāgato tato cutā idhupapannā.|| ||

Ariyasāvako pi tathārūpehi ariyakantehi sīlehi samannāgato hoti etiti devānaɱ santike" ti.|| ||

imehi kho bhikkhave, catūhi dhammehi samannāgataɱ attamanā devā sabhāgatā kathentī" ti.|| ||

 


[ed1] Bhk. Bodhi notes: Be and Ee have ehi ti, presumably understood as an imperative, while Se has etīti, which seems hard to explain. I suggest reading the singular future.

 


Contact:
E-mail
Copyright Statement   Webmaster's Page