Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
5. Mahā-Vagga
55. Sot'Āpatti Saɱyutta
6. Sappañña Vagga

Sutta 59

Paṭhama Paññā-Paṭilābhāya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[411]

[1][pts][olds] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Cattāro me bhikkhave, dhammā bhāvitā||
bahulī-katā||
paññā-paṭilābhāya saŋvattanti.|| ||

Katame cattāro?|| ||

Sappurisa-saŋsevo||
Sad'Dhamma-savanaɱ||
yoniso-mana-sikāro||
Dhamm-ā-nu-Dhamma-paṭipatti.|| ||

Ime kho bhikkhave, cattāro dhammā bhāvitā||
bahulī-katā||
paññā-paṭilābhāya saŋvattantī" ti.|| ||

 


Contact:
E-mail
Copyright Statement