Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
56. Sacca Saŋyutta
I. Samādhi Vaggo

Sutta 5

Paṭhama Samaṇa-Brāhmaṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Ye hi keci, bhikkhave,||
atītam addhānaɱ samaṇā vā brāhmaṇā va||
yathā-bhūtaɱ abhisambujjhiɱsu,||
sabbe te cattāri ariyasaccāni||
yathābhunaɱ abhisambujjhiɱsu.|| ||

Ye hi keci, bhikkhave,||
anāgatam addhānaɱ samaṇā vā brāhmaṇā vā||
yathā-bhūtaɱ abhisambujjhissati,||
sabbe te cattāri ariyasaccāni||
yathā-bhūtaɱ abhisambujjhissanti.|| ||

Ye hi keci bhikkhave,||
etarahi samaṇā vā brāhmaṇā vā||
yathā-bhūtaɱ abhisambujjhanti,||
sabbe te cattāri ariyasaccāni||
yathā-bhūtaɱ abhisambujjhanti.|| ||

Katamāni cattāri?

Dukkhaɱ ariya-saccaɱ,||
dukkha-samudayaɱ ariya-saccaɱ,||
dukkha-nirodhaɱ ariya-saccaɱ,||
dukkha-nirodha-gāminī paṭipadā ariya-saccaɱ.|| ||

Ye hi keci, bhikkhave,||
atītam addhānaɱ samaṇā vā brāhmaṇā va||
yathā-bhūtaɱ abhisambujjhiɱsu,||
sabbe te cattāri ariyasaccāni||
yathābhunaɱ abhisambujjhiɱsu.|| ||

Ye hi keci, bhikkhave,||
anāgatam addhānaɱ samaṇā vā brāhmaṇā vā||
yathā-bhūtaɱ abhisambujjhissati,||
sabbe te cattāri ariyasaccāni||
yathā-bhūtaɱ abhisambujjhissanti.|| ||

Ye hi keci bhikkhave,||
etarahi samaṇā vā brāhmaṇā vā||
yathā-bhūtaɱ abhisambujjhanti,||
sabbe te cattāri ariyasaccāni||
yathā-bhūtaɱ abhisambujjhanti.|| ||

Tasmā ti ha bhikkhave,||
'idaɱ dukkhan' ti yogo karaṇīyo,||
'ayaɱ dukkha-samudayo' ti yogo karaṇīyo,||
'ayaɱ dukkha-nirodho' ti yogo karaṇīyo,||
'ayaɱ dukkha-nirodha-gāminī paṭipadā' ti yogo karaṇīyo" ti.|| ||

 


Contact:
E-mail
Copyright Statement   Webmaster's Page