Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
56. Sacca Saŋyutta
I. Samādhi Vaggo

Sutta 7

Vitakkā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Mā bhikkhave, pāpake akusale vitakke vitakkeyyātha.|| ||

Seyyathīdaɱ:|| ||

Kāma-vitakkaɱ||
vyāpāda-vitakkaɱ||
vihiŋsāvitakkaɱ.|| ||

Taɱ kissa hetu?|| ||

N'ete bhikkhave, vitakkā atthasaŋhitā||
n'ādibrahmacariyakā||
[418] na nibbidāya||
na virāgāya||
na nirodhāya||
na upasamāya||
na abhiññāya||
na sambodhāya||
na nibbānāya saŋvattanti.|| ||

Vitakkento ca kho tumhe bhikkhave,||
'idaɱ dukkhan' ti vitakkeyyātha,||
'ayaɱ dukkha-samudayo' ti vitakkeyyātha,||
'ayaɱ dukkha-nirodho' ti vitakkeyyātha,||
'ayaɱ dukkha-nirodha-gāminī paṭipadā' ti vitakkeyyātha.|| ||

Taɱ kissa hetu?|| ||

Ete bhikkhave, vitakkā atthasaŋhitā ete ādibrahmacariyakā||
ete nibbidāya||
virāgāya||
nirodhāya||
upasamāya||
abhiññāya||
sambodhāya||
nibbānāya saŋvattanti. || ||

Tasmā ti ha bhikkhave,||
'idaɱ dukkhan' ti yogo karaṇīyo,||
'ayaɱ dukkha-samudayo' ti yogo karaṇīyo,||
'ayaɱ dukkha-nirodho' ti yogo karaṇīyo,||
'ayaɱ dukkha-nirodha-gāminī paṭipadā' ti yogo karaṇīyo" ti.|| ||

 


Contact:
E-mail
Copyright Statement   Webmaster's Page