Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
56. Sacca Saŋyutta
II Dhamma-Cakka-Pavattana Vagga

Sutta 19

Sankāsanā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"'Idaɱ dukkhaɱ ariyasaccan' ti bhikkhave,||
mayā paññattaɱ.|| ||

Tattha aparimāṇā vaṇṇā,||
aparimāṇā vyañjanā,||
aparimāṇā sankāsanā,||
iti pi 'idaɱ dukkhaɱ ariyasaccan' ti.|| ||

'Idaɱ dukkha-samudayo ariyasaccan' ti bhikkhave,||
mayā paññattaɱ.|| ||

Tattha aparimāṇā vaṇṇā,||
aparimāṇā vyañjanā,||
aparimāṇā sankāsanā,||
iti pi 'idaɱ dukkha-samudayo ariyasaccan' ti.|| ||

'Idaɱ dukkha-nirodho ariyasaccan' ti bhikkhave,||
mayā paññattaɱ.|| ||

Tattha aparimāṇā vaṇṇā,||
aparimāṇā vyañjanā,||
aparimāṇā sankāsanā,||
iti pi 'idaɱ dukkha-nirodho ariyasaccan' ti.|| ||

'Idaɱ dukkha-nirodha-gāminī paṭipadā ariyasaccan' ti bhikkhave,||
mayā paññattaɱ.|| ||

Tattha aparimāṇā vaṇṇā,||
aparimāṇā vyañjanā,||
aparimāṇā sankāsanā||
iti pi 'idaɱ dukkha-nirodha-gāminī paṭipadā ariyasaccan' ti.|| ||

Tasmā ti ha bhikkhu,||
'Idaɱ dukkhan' ti yogo karaṇīyo,||
'Ayaɱ dukkha-samudayo' ti yogo karaṇīyo,||
'Ayaɱ dukkha-nirodho' ti yogo karaṇīyo,||
'Ayaɱ dukkha-nirodha-gāminī paṭipadā' ti yogo karaṇīyo" ti.|| ||

 


Contact:
E-mail
Copyright Statement   Webmaster's Page