Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
56. Sacca Saŋyutta
II Dhamma-Cakka-Pavattana Vagga

Sutta 20

Tathā Suttaɱ

Adapted from the 2008 Pali Text Society Saŋyutta-Nikaya, edited by M. Leon Feer

 


 

[1][pts][ati][bd][wp] Evam me sutaɱ:||
Ekaɱ samayam Bhagavā Bārāṇasiyaɱ viharati Isipatane Migadāye.|| ||

2. Cattār'īmāni bhikkhave tathāni avitathāni anaññathāni.|| ||

Katamāni cattāri?|| ||

3. Idaɱ dukkhan ti bhikkhave tatham etam avitatham etam anaññatham etaɱ.|| ||

4. Ayaɱ dukkhasamudayo ti tatham etaɱ avitatham etam anaññatham etaɱ.|| ||

5. Ayaɱ dukkhanirodho ti tatham etaɱ avitatham etam anaññatham etaɱ.|| ||

6. Ayaɱ dukkhanirodhagāminī paṭipadā ti tatham etam avitatham etam anaññatham etaɱ.|| ||

7. Imāni kho bhikkhave cattāri tatthāni avitathāni anaññathāni.|| ||

Tasmā ti ha bhikkhave,||
'idaɱ dukkhan' ti yogo karaṇīyo,||
'ayaɱ dukkhasamudayo' ti yogo karaṇīyo,||
'ayaɱ dukkhanirodho' ti yogo karaṇīyo,||
'ayaɱ dukkhanirodhagāminī paṭipadā' ti,||
yogo karaṇīyo" ti.|| ||

 


Contact:
E-mail
Copyright Statement   Webmaster's Page