Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
56. Sacca Saŋyutta
III. Koṭigāma Vagga

Sutta 21

Paṭhama Vijjā Suttaɱ

Adapted from the 2008 Pali Text Society Saŋyutta-Nikaya, edited by M. Leon Feer

 


 

[1][pts][bodh] Evam me sutaɱ:|| ||

Evaɱ me sutaɱ ekaɱ samayaɱ Bhagavā Vajjīsu viharati Koṭigāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Catunnaɱ bhikkhave,||
ariyasaccānaɱ ananubodhā||
appaṭivedhā||
evam idaɱ dīgham addhānaɱ||
sandhāvitaɱ||
saŋsaritaɱ||
mamañ c'eva||
tumhākañ ca.|| ||

Katamesaŋ catunnaɱ?|| ||

 


 

Dukkhassa bhikkhave, ariyasaccassa ananubodhā||
appaṭivedhā||
evam idaɱ dīgham addhānaɱ||
sandhāvitaɱ||
saŋsaritaɱ||
mamañ c'eva||
tumhākañ ca.|| ||

Dukkhasamudayassa ariyasaccassa ananubodhā||
appaṭivedhā||
evam idaɱ dīgham addhānaɱ||
sandhāvitaɱ||
saŋsaritaɱ||
mamañ c'eva||
tumhākañ ca.|| ||

Dukkhanirodhassa ariyasaccassa ananubodhā||
appaṭivedhā||
evam idaɱ dīgham addhānaɱ||
sandhāvitaɱ||
saŋsaritaɱ||
mamañ c'eva||
tumhākañ ca.|| ||

Dukkhanirodhagāminiyā paṭipadāya ariyasaccassa ananubodhā||
[432] appaṭivedhā||
evam idaɱ dīgham addhānaɱ||
sandhāvitaɱ||
saŋsaritaɱ||
mamañ c'eva||
tumhākañ ca.|| ||

 


 

Ta-y-idaɱ, bhikkhave, dukkhaɱ ariyasaccaɱ anubuddhaɱ||
paṭividdhaɱ.|| ||

Dukkhasamudayo ariyasaccaɱ anubuddhaɱ||
paṭividdhaɱ.|| ||

Dukkhanirodho ariyasaccaɱ anubuddhaɱ||
paṭividdhaɱ.|| ||

Dukkhanirodhagāminī paṭipadā ariyasaccaɱ anubuddhaɱ||
paṭividdhaɱ.|| ||

Ucchinnā bhavataṇhā||
khīṇā bhavanetti||
n'atthi dāni punabbhavo" ti.|| ||

Idam avoca Bhagavā.|| ||

Idaɱ vatvā sugato athāparaɱ etad avoca satthā:|| ||

"Catunnaɱ ariyasaccānaɱ yathā-bhūtaɱ adassanā,||
saŋsaraɱ dīgham addhānaɱ tāsu tāsv eva jātisu.||
yāni etāni diṭṭhāni. Bhavanetti samuhatā.||
Ucchinnaɱ mūlaɱ dukkhassa. N'atthi dāni punabbhavo" ti.|| ||

 


Contact:
E-mail
Copyright Statement   Webmaster's Page