Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
56. Sacca Saŋyutta
III. Koṭigāma Vagga

Sutta 28

Pariññeyyaɱ or Abhiññeyya Suttaɱ

Adapted from the 2008 Pali Text Society Saŋyutta-Nikaya, edited by M. Leon Feer

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Cattār'imāni bhikkhave, ariyasaccāni.|| ||

Katamāni cattāri?|| ||

Dukkhaɱ ariyasaccaɱ,||
dukkhasamudayo ariyasaccaɱ||
dukkhanirodho ariyasaccaɱ||
dukkhanirodhagāminī paṭipadā ariyasaccaɱ.|| ||

Imesaɱ kho bhikkhave, catunnaɱ ariyasaccānaɱ||
atthi ariyasaccaɱ pariññeyyaɱ,||
atthi ariyasaccaɱ pahātabbaɱ,||
atthi ariyasaccaɱ sacchikātabbaɱ,||
atthi ariyasaccaɱ bhāvetabbaɱ.|| ||

Katamañ ca bhikkhave,||
ariyasaccaɱ pariññeyyaɱ?|| ||

Dukkhaɱ bhikkhave,||
ariyasaccaɱ pariññeyyaɱ.|| ||

Katamañ ca bhikkhave,||
ariyasaccaɱ pahātabbaɱ?|| ||

Dukkha-samudayo||
ariyasaccaɱ pahātabbaɱ.|| ||

Katamañ ca bhikkhave,||
ariyasaccaɱ sacchikātabbaɱ?|| ||

Dukkha-nirodho||
ariyasaccaɱ sacchikātabbaɱ,|| ||

Katamañ ca bhikkhave,||
ariyasaccaɱ bhāvetabbaɱ?|| ||

Dukkha-nirodha-gāminī paṭipadā||
ariyasaccaɱ bhāvetabbaɱ.|| ||

Tasmā ti ha bhikkhave,||
'idaɱ dukkhan' ti yogo karaṇīyo,||
'ayaɱ dukkha-samudayo' ti yogo karaṇīyo,||
'ayaɱ dukkha-nirodho' ti yogo karaṇīyo,||
'ayaɱ dukkha-nirodha-gāmin paṭipadā' ti yogo karaṇīyo" ti.|| ||

 


Contact:
E-mail
Copyright Statement   Webmaster's Page