Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
56. Sacca Saŋyutta
IV. Siŋsapā Vagga

Sutta 35

Sattisata Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh][than] Evam me sutaɱ:|| ||

Ekaɱ samayam Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, puriso vassasatāyuko vassasatajīvitam enaɱ evaɱ vadeyyuɱ "eh'ambho purisa pubbaṇhasamayaɱ taɱ sattisatena hanissanti,||
majjhantikaɱ samayaɱ sattisatena hanissanti.|| ||

Sāyanhasamayaɱ sattisatehi hanissanti.|| ||

So kho tvaɱ ambho purisa,||
divase divase tīhi tīhi sattisatehi haññamāno vassasatāyuko vassatajīvī vassasatassa accayena anabhisametāni cattāri ariyasaccāni [441]abhisamessasī ti.|| ||

Atthavasikena bhikkhave, kulaputtena alaɱ upagantuɱ.|| ||

Taɱ kissa hetu?|| ||

3. Anamataggo'yaɱ bhikkhave, saɱsāro,||
pubbākoṭi na paññāyati sattipahārānaɱ asipahārānaɱ parasupahārānam.|| ||

Evañ ce taɱ bhikkhave, assa.|| ||

Na kho panāhaɱ bhikkhave, saha dukkhena saha domanassena catunnaɱ ariyasaccānaɱ abhisamayaɱ vadāmi.|| ||

Api cāhaɱ bhikkhave, saha sukhena saha somanassena catunnaɱ ariyasaccānaɱ abhisamayaɱ vadāmi.|| ||

Katamesaɱ catunnaɱ:|| ||

4. Ddukkhassa ariyasaccassa,||
dukkhasamudayo ariyasaccassa,||
dukkhanirodho ariyasaccassa,||
dukkhanirodhagāminī paṭipadāya ariyasaccassa.|| ||

Tasmā ti ha bhikkhave,||
'idaɱ dukkhan' ti yogo karaṇīyo,||
'ayaɱ dukkhasamudayo' ti yogo karaṇīyo,||
'ayaɱ dukkhanirodho' ti yogo karaṇīyo,||
'ayaɱ dukkhanirodhagāminī paṭipadā' ti,||
yogo karaṇīyo" ti.|| ||

 


Contact:
E-mail
Copyright Statement   Webmaster's Page