Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
56. Sacca Saŋyutta
IV. Siŋsapā Vagga

Sutta 36

Pāṇā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh][than] Evam me sutaɱ:|| ||

Ekaɱ samayam Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, puriso yaɱ imasmiɱ Jambudīpe tiṇakaṭṭhasākhāpalāsaɱ tam chetvā ekajjhaɱ saɱhareyya.|| ||

Ekajjhaɱ saɱharitvā sūlaɱ kareyya.|| ||

Sūlaɱ karitvā ye mahāsamudde mahantakā pāṇā te mahantakesu sūlesu āvuṇeyya.|| ||

Ye mahāsamudde majjhimakā pāṇā te majjhimakesu sūlesu āvuṇeyya.|| ||

Ye mahāsamudde sukhumakā pāṇā te subumakesu sūlesu āvuṇeyya.|| ||

Apariyādinnā ca bhikkhave, mahāsamudde o'ārikā pāṇā assu.|| ||

Atha te imasmiɱ Jambudīpe tiṇakaṭṭhasākhāpalāsaɱ parikkhayaɱ pariyādānaɱ gaccheyya.|| ||

Ito bahutarā kho bhikkhave, mahāsamudde sukhumakā pāṇā,||
ye na sukarā sūlesu āvuṇituɱ.|| ||

Taɱ kissa hetu?|| ||

[442] Sukhumattā bhikkhave, attabhāvassa.|| ||

Evaɱ mahā kho bhikkhave, apāyo.|| ||

Evaɱ mahantasmā kho bhikkhave,||
apāyasmā parimutto diṭṭhisampanno puggalo yo "idaɱ dukkhanti" ti yathābhūtaɱ pajānāti.||
"Ayaɱ dukkhasamudayo" ti yathābhūtaɱ pajānāti.||
"Ayaɱ dukkhanirodho" ti yathā-bhūtaɱ pajānāti.||
"Ayaɱ dukkhanirodhagāminī paṭipadā" ti yathā-bhūtaɱ pajānāti.|| ||

4. Tasmā ti ha bhikkhave, "idaɱ dukkhan" ti yogo karaṇīyo,||
"ayaɱ dukkhasamudayo" ti yogo karaṇīyo,||
"ayaɱ dukkhanirodhagāminī paṭipadā" ti yogo karaṇīyo ti.|| ||

 


Contact:
E-mail
Copyright Statement   Webmaster's Page