Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
56. Sacca Saŋyutta
IV. Siŋsapā Vagga

Sutta 37

Paṭhama Suriyupamā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Suriyassa bhikkhave, udayato||
etaɱ pubbaŋgamaɱ||
etaɱ pubbanimittaɱ||
yad idaɱ aruṇaggaɱ.|| ||

Evam eva kho bhikkhave, bhikkhuno catunnaɱ ariyasaccānaɱ yathā-bhūtaɱ abhisamayāya||
etaɱ pubbaŋgamaɱ||
etaɱ pubbanimittaɱ||
yad idaɱ sammā-diṭṭhi.|| ||

Sammā-diṭṭhi-kass'etaɱ bhikkhave, bhikkhuno pāṭikaŋkhaɱ||
'idaɱ dukkhan' ti yathā-bhūtaɱ pajānissati||
'ayaɱ dukkha-samudayo' ti yathā-bhūtaɱ pajānissati||
'ayaɱ dukkha-nirodho' ti yathā-bhūtaɱ pajānissati||
'ayaɱ dukkha-nirodha-gāminī paṭipadā' ti yathā-bhūtaɱ pajānissati.|| ||

Tasmā ti ha bhikkhave,||
'idaɱ dukkhan' ti yogo karaṇīyo,||
'ayaɱ dukkha-samudayo' ti yogo karaṇīyo,||
'ayaɱ dukkha-nirodho' ti yogo karaṇīyo,||
'ayaɱ dukkha-nirodha-gāminī paṭipadā' ti yogo karaṇīyo" ti.|| ||

 


Contact:
E-mail
Copyright Statement   Webmaster's Page