Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
56. Sacca Saŋyutta
V. Papāta Vagga

Sutta 48

Tatiya Chiggaḷa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh][than] Evam me sutaɱ:|| ||

Ekaɱ samayam Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, ayaɱ mahāpaṭhavī ekodikā assa.|| ||

Tatra puriso ekacchigga'aɱ yugaɱ pakkhipeyya.|| ||

Tam enaɱ puratthimo vāto pacchimena saɱhareyya.

Pacchimo vāto puratthimena saɱhareyya.

Uttaro vāto dakkhiṇena saɱhareyya.|| ||

Dakkhiṇo vāto uttarena saɱhareyya.|| ||

Tatr'assa kāṇo kacchapo.|| ||

So vassasatassa vassasatassa accayena sakiɱ sakiɱ ummujjeyya.|| ||

3. Taɱ kiɱ maññatha bhikkhave, api nu so kāṇo kacchapo vassasatassa vassasatassa accayena sakiɱ sakiɱ [457] ummujjanto amusmiɱ ekacchiggale yūge gīvaɱ paveseyyā ti?|| ||

Adhiccam idaɱ bhante, yaɱ so kāṇo kacchapo vassasatassa vassasatassa accayena sakiɱ sakiɱ ummujjanto amusmiɱ ekacchiggale yuge gīvaɱ paveseyyāti.|| ||

4. Evaɱ adhiccam idaɱ bhikkhave, yaɱ manussattaɱ labhati.|| ||

Evaɱ adhiccam idaɱ bhikkhave, yaɱ Tathāgato loke uppajjati arahaɱ Sammā-sambuddho.|| ||

Evaɱ adhiccam idaɱ bhikkhave, yaɱ Tathāgatappavedito dhammavinayo loke dippati.|| ||

5. Tass'idaɱ bhikkhave, manussattaɱ laddhaɱ.|| ||

Tathāgato ca loke uppanno arahaɱ Sammā-sambuddho.|| ||

Tathāgatappavedito ca dhammavinayo loke dippati.|| ||

Tasmāt iha bhikkhu,||
'idaɱ dukkhan' ti yogo karaṇīyo||
'ayaɱ dukkha-samudayo' ti yogo karaṇīyo||
'ayaɱ dukkhanirodho' ti yogo karaṇīyo||
'ayaɱ dukkha-nirodha-gāminī paṭipadā' ti yogo karaṇīyo" ti.|| ||

 


Contact:
E-mail
Copyright Statement   Webmaster's Page