Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Mobile (āīūŋńñţđņļ). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tika Nipāto
III. Puggala Vagga

Sutta 30

Avakujja Suttaŋ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh] Evaŋ me sutaŋ|| ||

Ekaŋ samayaŋ Bhagavā Sāvatthiyaŋ viharati,||
Jetavane Anāthapiņđikassa ārāme.|| ||

Tayo'me bhikkhave puggalā santo saŋvijjamānā lokasmiŋ.|| ||

Katame tayo?|| ||

Avakujjapañño puggalo,||
ucchaŋgapañño puggalo,||
puthupañño puggalo.|| ||

Katamo ca bhikkhave avakujjapañño puggalo?|| ||

Idha bhikkhave ekacco puggalo ārāmaŋ gantā hoti abhikkhaņaŋ bhikkhūnaŋ santike dhammasavaņāya.|| ||

Tassa bhikkhū dhammaŋ desenti,||
ādi kalyāņaŋ majjhe kalyāņaŋ pariyosāna-kalyāņaŋ,||
sātthaŋ savyañjanaŋ kevalaparipuņņaŋ parisuddhaŋ brahmacariyaŋ pakāsenti.|| ||

So tasmiŋ āsane nisinno tassā kathāya n'eva ādiŋ manasikaroti,||
na majjhaŋ manasikaroti,||
na pariyosānaŋ manasikaroti.|| ||

Vuţţhito pi tamhā āsanā tassā kathāya n'eva ādiŋ manasikaroti,||
na majjhaŋ manasikaroti,||
na pariyosānaŋ manasikaroti.|| ||

seyyathā pi, bhikkhave, kumbho nikkujjo,||
tatra udakaŋ āsittaŋ vivaţţati, no saņţhāti.|| ||

Evam eva kho bhikkhave idh'ekacco puggalo ārāmaŋ gantā hoti abhikkhaņaŋ bhikkhūnaŋ santike dhammasavaņāya.|| ||

Tasasa bhikkhū dhammaŋ desenti,||
ādi kalyāņaŋ majjhe kalyāņaŋ pariyosāna-kalyāņaŋ,||
sātthaŋ savyañjanaŋ kevalaparipuņņaŋ parisuddhaŋ brahmacariyaŋ pakāsenti.|| ||

So tasmiŋ āsane nisinno tassā kathāya n'eva ādiŋ manasikaroti,||
na majjhaŋ manasikaroti,||
na pariyosānaŋ manasikaroti.|| ||

Vuţţhito pi tamhā āsanā tassā kathāya n'eva ādiŋ manasikaroti,||
na majjhaŋ manasikaroti,||
na pariyosānaŋ manasikaroti.|| ||

Ayaŋ vuccati bhikkhave avakujjapañño puggalo.|| ||

Katamo ca bhikkhave ucchaŋgapañño puggalo?|| ||

Idha bhikkhave ekacco puggalo ārāmaŋ gantā hoti abhikkhaņaŋ bhikkhūnaŋ santike dhammasavaņāya.|| ||

Tassa bhikkhū dhammaŋ desenti,||
ādi kalyāņaŋ majjhe kalyāņaŋ pariyosāna-kalyāņaŋ,||
sātthaŋ savyañjanaŋ kevalaparipuņņaŋ parisuddhaŋ brahmacariyaŋ pakāsenti.|| ||

So tasmiŋ āsane nisinno tassā kathāya ādim pi manasikaroti,||
majjham pi manasikaroti,||
pariyasonam pi manasikaroti.|| ||

Vuţţhito pi tamhā āsanā tassā kathāya n'eva ādiŋ manasikaroti,||
na majjhaŋ manasikaroti,||
na pariyosānaŋ manasikaroti.|| ||

Seyyathā pi, bhikkhave, purisassa ucchaŋge nānākhajjakāni ākiņņāni tilā taņđulā modakā badarā,||
so tambhā āsanā vuţţha- [131] hanto satisammosā pakireyya.|| ||

Evam eva kho bhikkhave idh'ekacco puggalo ārāmaŋ gantā hoti abhikkhaņaŋ bhikkhūnaŋ santike dhammasavaņāya.|| ||

Tassa bhikkhū dhammaŋ desenti,||
ādi kalyāņaŋ majjhe kalyāņaŋ pariyosāna-kalyāņaŋ,||
sātthaŋ savyañjanaŋ kevalaparipuņņaŋ parisuddhaŋ brahmacariyaŋ pakāsenti.|| ||

So tasmiŋ āsane nisinno tassā kathāya ādim pi manasikaroti,||
majjham pi manasikaroti,||
pariyesānam pi manasikaroti.|| ||

Vuţţhito pi tamhā āsanā tassā kathāya n'eva ādiŋ manasikaroti,||
na majjhaŋ manasikaroti,||
na pariyosānaŋ manasikaroti.|| ||

Ayaŋ vuccati bhikkhave ucchaŋgapañño puggalo.|| ||

Katamo ca bhikkhave puthupañño puggalo?|| ||

Idha bhikkhave ekacco puggalo ārāmaŋ gantā hoti abhikkhaņaŋ bhikkhūnaŋ santike dhammasavaņāya.|| ||

Tassa bhikkhū dhammaŋ desenti,||
ādi kalyāņaŋ majjhe kalyāņaŋ pariyosāna-kalyāņaŋ,||
sātthaŋ savyañjanaŋ kevalaparipuņņaŋ parisuddhaŋ brahmacariyaŋ pakāsenti.|| ||

So tasmiŋ āsane nisinno tassā kathāya ādim pi manasikaroti,||
majjham pi manasikaroti,||
pariyasonam pi manasikaroti.|| ||

Vuţţhito pi tamhā āsanā tassā kathāya ādim pi manasikaroti,||
majjham pi manasikaroti,||
pariyosānam pi manasikaroti.|| ||

Seyyathā pi, bhikkhave, kumbho ukkujjo,||
tatra udakaŋ āsittaŋ saņţhāti, no vivaţţati.|| ||

Evam eva kho bhikkhave idh'ekacco puggalo ārāmaŋ gantā hoti abhikkhaņaŋ bhikkhūnaŋ santike dhammasavaņāya.|| ||

Tassa bhikkhū dhammaŋ desenti,||
ādi kalyāņaŋ majjhe kalyāņaŋ pariyosāna-kalyāņaŋ,||
sātthaŋ savyañjanaŋ kevalaparipunņaŋ parisuddhaŋ brahmacariyaŋ pakāsenti.|| ||

So tasmiŋ āsane nisinno tassā kathāya ādim pi manasikaroti,||
majjham pi manasikaroti,||
pariyosānam pi manasikaroti.|| ||

Vucţhito pi tamhā āsanā tassā kathāya ādim pi manasikaroti,||
majjham pi manasikaroti,||
pariyosānam pi manasikaroti.|| ||

Ayaŋ vuccati bhikkhave puthupañño puggalo.|| ||

Ime kho bhikkhave tayo puggalā santo saŋvijjamānā lokasmin ti.|| ||

9. Avakujjapañño puriso dummedho avicakkhaņo,||
Abhikkhaņam pi ce hoti gantā bhikkhūnaŋ santike.|| ||

10. Ādiŋ kathāya majjhañ ca pariyosānañ ca tādiso.||
Uggahetuŋ na sakkoti paññā hi'ssa na vijjati.|| ||

11. Ucchaŋgapañño puriso seyyo etena vuccati.||
Abhikkhaņam pi ce hoti gantā bhikkhūna santike.|| ||

12. Ādiŋ kathāya majjhañ ca pariyāsānañ ca tādiso,||
Nisinno āsane tasmiŋ uggahetvāna vyañjanaŋ,||
Vuţţhito na pajānāti gahitam pi'ssa mussati.|| ||

13. Puthupañño ca puriso seyyo etehi vuccati,||
Abhikkhaņam pi ce hoti gantā bhikkhūna santike.|| ||

14. Ādiŋ kathāya majjhañ ca pariyosānañ ca tādiso,||
Nisinno āsane tasmiŋ uggahetvāna vyañjanaŋ.|| ||

15. Dhāreti seţţhasaŋkappo avyaggamanaso naro,||
Dhammānudhammapaţipanno dukkhassantakaro siyā ti.|| ||

 

Puggalavaggo tatiyo

 


Contact:
E-mail
Copyright Statement   Webmaster's Page