Aṅguttara Nikāya


[Home]  [Sutta Indexes]  [Glossology]  [Site Sub-Sections]


 

Aṅguttara-Nikāya
III. Tika Nipāta
VII. Mahā Vagga

Sutta 64

Sarabha Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[185]

[1][pts][bodh] Evaṃ me sutaṃ.|| ||

Ekaṃ samayaṃ Bhagavā Rājagahe viharati Gijjhakume pabbate tena kho pana samayena sarabho nāma paribbājako acira-pakkanto hoti imasmā Dhamma-Vinayā.|| ||

So Rājagahe parisatiṃ evaṃ vācaṃ bhāsati:|| ||

"Aññāto mayā samaṇānaṃ Sakya-puttiyānaṃ dhammo.|| ||

Aññāya ca panāhaṃ samaṇānaṃ saka-puttiyānaṃ dhammaṃ evāhaṃ tasmā Dhamma-Vinayā apakkanto" ti.|| ||

Atha kho sambahulā bhikkhū pubbaṇha-samayaṃ nivāsetvā patta-cīvaraṃ ādāya rāhagahaṃ piṇḍāya pavisuṃsu.|| ||

Assosuṃ ko te bhikkhu sarabhassa paribbājakassa Rājagahe parisatiṃ evaṃ vācaṃ bhāsa-mānassa:|| ||

"Aññāto mayā samaṇanaṃ Sakya-puttiyānaṃ dhammo.|| ||

Aññāya ca panāhaṃ samaṇānaṃ Sakya-puttiyānaṃ dhammaṃ evāhaṃ tasmā Dhamma-Vinayā apakkanto" ti.|| ||

Atha kho te bhikkhū Rājagahe piṇḍāya caritvā pacchā-bhattaṃ piṇḍa-pāta-paṭikkantā yena Bhagavā ten'upasaṅkamiṃsu.|| ||

Upasaṅkamitvā Bhagavantaṃ abhivādetvā eka-m-antaṃ nisīdiṃsu.|| ||

Eka-m-antaṃ nisinnā kho te bhikkhu Bhagavantaṃ etad avocuṃ:|| ||

Sahabho nāma bhante paribbājako acira-pakkanto imasmā Dhamma-Vinayā.|| ||

So Rājagahe parisatiṃ evaṃ vācaṃ bhāsati.|| ||

"Aññāto mayā samaṇānaṃ Sakya-puttiyānaṃ dhammo.|| ||

Aññāya ca panāhaṃ samaṇānaṃ Sakya-puttiyānaṃ dhammaṃ evāhaṃ tasmā Dhamma-Vinayā apakkantoti.|| ||

Sādhu bhante Bhagavā yena sappīnikātīraṃ yena paribbājakārāmo,||
yena sarabho paribbājako, ten'upasaṅkamatu anukampaṃ upādāyāti.|| ||

Adhivāsesi Bhagavā tuṇhi-bhāvena.|| ||

Atha kho Bhagavā sāyaṇha-samayaṃ patisallānā vuṭṭhito yena sappinikātīraja yena paribbājakārāmo yena sarabo paribbājako ten'upasaṅkami,||
upasaṅkamitvā paññātte āsane [186] nisīdi.|| ||

Nisajja kho Bhagavā Sahabhaṃ paribbājakaṃ etad avoca:|| ||

"Saccaṃ kira tvaṃ sarabha evaṃ vadesi:|| ||

"Aññato mayā samaṇānaṃ Sakya-puttiyānaṃ dhammo.|| ||

Aññāya ca panāhaṃ samaṇānaṃ Sakya-puttiyānaṃ dhammaṃ evāhaṃ tasmā Dhamma-Vinayā apakkanto" ti?|| ||

Evaṃ vutteSahabho paribbājako tuṇhī ahosi.|| ||

Dutiyam pi kho Bhagavā Sahabhaṃ paribbājakaṃ etad avoca:|| ||

"Vadehi Sahabha!|| ||

Kinti te aññato samaṇānaṃ Sakya-puttiyānaṃ dhammo;||
Sace te aparipūraṃ bhavissati,||
ahaṃ paripūressāmi,||
sace pana te paripūraṃ bhavissati.|| ||

Ahaṃ anumodissāmī" ti.|| ||

Dutiyam pi kho Sahabho paribbājako tuṇhī ahosi.|| ||

Tatiyam pi kho Bhagavā Sahabhaṃ paribbājakaṃ etad avoca:|| ||

"Vadehi Sahabha!|| ||

Kinti te aññato samaṇānaṃ Sakya-puttiyānaṃ dhammo;||
Sace te aparipūraṃ bhavissati,||
ahaṃ paripūressāmi,||
sace pana te paripūraṃ bhavissati.|| ||

Ahaṃ anumodissāmī" ti.|| ||

Tatiyam pi kho Sahabho paribbājako tuṇhī ahosi.|| ||

Atha kho te paribbājakā sarabhaṃ paribbājakaṃ etad avocuṃ:|| ||

"Yad eva kho tvaṃ āvuso Sahabha,||
samaṇaṃ Gotamaṃ yāveyyāsi.|| ||

Tad eva te Samaṇo Gotamo pavāreti.|| ||

Vadeh'āvuso Sahabha,||
kinti te aññāto samaṇānaṃ Sakya-puttiyānaṃ dhammo,||
sace te aparipūraṃ bhavissati.|| ||

Samaṇo Gotamo paripūressatī.|| ||

Sace pana te paripūraṃ bhavissati.|| ||

Samaṇo Gotamo paripūressati.|| ||

Sace pana te paripūraṃ bhavissati.|| ||

Samaṇo Gotamo anumodissatī" ti.|| ||

Evaṃ vutte Sahabho paribbājako tuṇhī-bhūto maṅku-bhūto patta-k-khandho adho-mukho pajjhāyanto appaṭibhāno nisīdu.|| ||

Atha kho Bhagavā Sahabhaṃ paribbājakaṃ tuṇhī-bhūtaṃ maṅku-bhūtaṃ patta-k-khandhaṃ adho-mukhaṃ pajjhāyan taṃ appaṭibhānaṃ viditvā te paribbājake etad avoca:|| ||

"Yo kho maṃ paribbājakā evaṃ vadeyya.|| ||

Sammā Sambuddhassa te paṭijānato ime dhammā anabhi-sambuddhāti,||
tam ahaṃ tattha sādhukaṃ samanuyuñjeyyaṃ,||
samanugāheyyaṃ,||
samanubhāseyyaṃ.|| ||

[187] So vata mayā sādhukaṃ samanuyuñjiyemāno samanugāhiyamāno||
samanubhāsiyamāno||
aṭṭhāname taṃ anavakāso,||
yaṃ so tuṇṇaṃ ṭhānānaṃ nāññataraṃ ṭhānaṃ niga-c-cheyya aññena vā aññaṃ paṭicarissati,||
bahiddhā kathaṃ apanāmessati,||
kopañ ca||
dosañ ca||
a-p-paccayañ ca pātu-karissati.|| ||

Tuṇahībhūto vā maṅku-bhūto patta-k-khandho adho-mukho pajjhāyanto appaṭibhāno nisīdissatī.|| ||

Seyyathā pi Sahabho paribbājako.|| ||

Yo kho maṃ paribbājakā evaṃ vadeyya:|| ||

Khīṇ'āsavassa te paṭijānato ime āsavā apari-k-khīṇāti,||
tam ahaṃ tattha sādhukaṃ samanuyuñjeyyaṃ||
samanugāheyyaṃ||
samanubhāseyyaṃ.|| ||

So vata mayā sādhukaṃ samanuyuñjiyamāno||
samanugāhiyamāno||
samanubhāsiyamāno||
aṭṭhāname taṃ anavakāso yaṃ so tiṇṇaṃ ṭhānānaṃ nāññataraṃ ṭhānaṃ niga-c-cheyya, aññena vā aññaṃ paṭivarissati,||
bahiddhā kathaṃ apanāmessati,||
kopañ ca||
dosañ ca||
a-p-paccayañ ca pātu-karissati.|| ||

Tuṇhībhūto vā maṅku-bhūto patta-k-khandho adho-mukho pajjhāyanto appaṭibhāno nisīdissati,||
seyyathā pi Sahabho paribbājako.|| ||

Yo kho maṃ paribbājakā evaṃ vadeyya:|| ||

Yassa kho pana te atthāya dhammo desito,||
so na niyyāti takkarassa sammā dukkha-k-khayāyā ti.|| ||

Taṃ ahaṃ tattha sādhukaṃ samuyuñkyyeṃ,||
samanugāheyyaṃ,||
samanubhāseyyaṃ.|| ||

So vata mayā sādhukaṃ samanuyuñjiyamāno||
samanugāhiyamāno||
samanubhāsiyamāno||
aṭṭhāname taṃ anavakāso yaṃ so tiṇṇaṃ ṭhānānaṃ nāññataraṃ ṭhānaṃ niga-c-cheyya,||
aññena vā aññaṃ paṭivarissati,||
bahiddhā kathaṃ apanāmessati,||
kopañ ca||
dosañ ca||
a-p-paccayañ ca pātu-karissati.|| ||

Tuṇhībhūto vā maṅku-bhūto patta-k-khandho adho-mukho pajjhāyanto appaṭibhāno nisīdissati,||
seyyathā pi Sahabho paribbājako.|| ||

Atha kho Bhagavā sappinikātīre paribbājakārāme ti-k-khattuṃ sīha-nādaṃ nadītvā vehāsaṃ pakkāmi.|| ||

Atha kho te paribbājakā acira-pakkantassa Bhagavato Sahabhaṃ paribbājakaṃ samantato vācāsattitodakena sañjambhariṃ akaṃsu:|| ||

Seyyathā pi āvuso Sahabha brahāraññe jarasigālo sīha-nādaṃ nadissāmī ti segālakaṃ yeva nadati,||
bheraṇḍakaṃ yeva nadati.|| ||

Evam eva kho tvaṃ āvuso Sahabha aññatr'eva samaṇena Gotamena sīha-nādaṃ [188] nadissāmī ti segālakaṃ yeva nadasi,||
bheranḍakaṃ yeva nadasi.|| ||

Seyyathā pi āvuso Sahabha ambakamaddarī phussakaravitaṃ ravissāmī ti ambakamaddariravitaṃ yeva ravati.|| ||

Evam eva kho tvaṃ āvuso Sahabha aññatr'eva samaṇena Gotamena phussakaravitaṃ ravissāmī ti ambakamaddariravitaṃ yeva ravasi.|| ||

Seyyathā pi āvuso Sahabha usabho suññāya gosālāya gambhīraṃ naditabbaṃ maññati.|| ||

Evam eva kho tvaṃ āvuso Sahabha aññatr'eva samaṇena Gotamena gambhīraṃ naditabbaṃ maññasī ti.|| ||

Atha kho te paribbājakā Sahabhaṃ paribbājakaṃ samantato vācāsattitodakenasañjamhariṃ akaṃsū" ti.|| ||

 


Contact:
E-mail
Copyright Statement