Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Mobile (āīūŋńñţđņļ). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
XV. Maŋgala Vagga

Sutta 141

Akusala Suttaŋ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Evaŋ me sutaŋ|| ||

Ekaŋ samayaŋ Bhagavā Sāvatthiyaŋ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuŋ.|| ||

Bhagavā etad avoca:|| ||

Tīhi bhikkhave dhammehi samannāgato yathābhataŋ nikkhitto evaŋ niraye.|| ||

Katamehi tīhi?|| ||

Akusalena kāyakammena,||
akusalena vacīkammena,||
akusalena manokammena.|| ||

Imehi kho bhikkhave tīhi dhammehi samannāgato yathābhataŋ nikkhitto evaŋ niraye.|| ||

Tīhi bhikkhave dhammehi samannāgato yathābhataŋ nikkhitto evaŋ sagge.|| ||

Katamehi tīhi?|| ||

Kusalena kāyakammena,||
kusalena vacīkammena,||
kusalena manokammena.|| ||

Imehi kho bhikkhave tīhi dhammehi samannāgato yathābhataŋ nikkhitto evaŋ saggeti.|| ||

 


Contact:
E-mail
Copyright Statement   Webmaster's Page