Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Mobile (āīūŋńñţđņļ). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Aŋguttaranikāyo
Catukkanipāto
XXI: Sappurisa Vagga

Sutta 204

Catuttha Sappurisa Suttaŋ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evaŋ me sutaŋ:|| ||

Ekaŋ samayaŋ Bhagavā Sāvatthiyaŋ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuŋ.|| ||

Bhagavā etad avoca:|| ||

'Asappurisañ ca vo bhikkhave desissāmi||
asappurisena asappurisatarañ ca,||
sappurisañ ca||
sappurisena sappurisatarañ ca.|| ||

Taŋ suņātha sādhukaŋ manasi karotha bhāsissāmī ti.'|| ||

'Evaŋ bhante' ti kho te bhikkhū Bhagavato paccassosuŋ.|| ||

Bhagavā etad avoca:|| ||

2. Katamo ca bhikkhave asappuriso?|| ||

Idha, bhikkhave, ekacco pāņātipātī hoti,||
adinnādāyī hoti,||
kāmesu micchācārī hoti,||
musāvādī hoti,||
pisuņāvāco hoti,||
pharusāvāco hoti,||
samphappalāpī hoti,||
abhijjhālū hoti,||
vyāpannacitto hoti,||
micchādiţţhiko hoti.|| ||

Ayaŋ vuccati bhikkhave asappuriso.|| ||

Katamo ca bhikkhave asappurisena asappurisataro?|| ||

Idha, bhikkhave, ekacco attanā ca pāņātipātī hoti,||
parañ ca pāņātipāte samādapeti.|| ||

Attanāna ca adinnādāyī hoti,||
parañ ca adinnādāne samādapeti.|| ||

Attanā ca kāmesu micchācārī hoti,||
parañ ca kāmesu micchācāre samādapeti.|| ||

Attanā musāvādī hoti,||
parañ ca musāvāde samādapeti.|| ||

Attanā ca pisuņāvāco hoti,||
parañ ca pisuņāya vācāya samādapeti.|| ||

Attanā ca pharusāvāco hoti,||
parañ ca parusāya vācāya samādapeti.|| ||

Attanā ca samphappalāpī hoti,||
parañ ca samphappalāpe samādapeti.|| ||

Attanā ca abhijjhālū hoti,,||
parañ ca abhijhāya samādapeti..|| ||

Attanā ca vyapannacitto hoti,,||
parañ ca byāpāde samādapeti..|| ||

Attanā ca micchādiţţhiko hoti,,||
parañ ca micchādiţţhiyā samādapeti.|| ||

Ayaŋ vuccati bhikkhave asappurisena asappurisataro:|| ||

Katamo ca bhikkhave sappuriso?|| ||

Idha, bhikkhave, ekacco pāņātipātā paţivirato hoti,||
adinnādānā paţivirato hoti,||
kāmesu micchācārā paţivirato hoti,||
musā-vādā paţivirato hoti,||
pisuņāvācā paţivirato hoti,||
pharusāvācā paţivirato hoti,||
samphappalāpalā paţivirato hoti,||
anabhijjhālu hoti,||
avyapannacitto hoti,||
sammādiţţhiko hoti.|| ||

Ayaŋ vuccati bhikkhave sappuriso.|| ||

Katamo ca bhikkhave sappurisena sappurisataro?|| ||

Idha, bhikkhave, ekacco attanā ca pāņātipātā paţivirato hoti,||
parañ ca pāņātipātā veramaņiyā samādapeti.|| ||

Attanā ca adinnādānā paţivirato hoti,||
parañ ca adinnādānā veramaņiyā samādapeti.|| ||

Attanā ca kāmesu micchācārā paţivirato hoti,||
parañ ca kāmesu micchācārā veramaņiyā samādapeti.|| ||

Attanā ca musā-vādā paţivirato hoti,||
parañ ca musā-vādā veramaņiyā samādapeti.|| ||

Attanā ca pisuņāvācā paţivirato hoti,||
parañ ca pisuņāvā cā veramaņiyā samādapeti.|| ||

Attanā ca pharusāvācā paţivirato hoti,||
parañ ca pharusāvā cā veramaniyā samādapeti.|| ||

Attanā ca samphappalāpā paţivirato hoti,||
parañ ca samphappalāpā veramaņiyā samādapeti.|| ||

Attanā ca anabhijjhālū hoti,||
parañ ca anabhijjhāya samādapeti.|| ||

Attanā ca avyāpannacitto hoti,||
parañ ca abyāpāde samādapeti.|| ||

Attanā ca sammādiţţhiko hoti,||
parañ ca sammādiţţhiyā samādapeti.|| ||

Ayaŋ vuccati bhikkhave sappurisena sappurisataroti.

 


Contact:
E-mail
Copyright Statement   Webmaster's Page