Aṅguttara Nikāya


[Home]  [Sutta Indexes]  [Glossology]  [Site Sub-Sections]


 

Aṅguttara Nikāya
Pañcaka Nipāta
III: Pañc'aṅgika Vagga

Sutta 25

Anuggahīta Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[20]

[1][pts][than][bodh] Evaṃ me sutaṃ:|| ||

Ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

"Pañcahi bhikkhave aṅgehi anuggahitā sammā-diṭṭhi||
ceto-vimutti-phalā ca hoti,||
ceto-vimutti-phalā-nisaṃsā ca,||
paññā-vimutti-phalā ca hoti||
paññā-vimutti-phalā-nisaṃsā ca.|| ||

Katamehi pañcahi?|| ||

[21] Idha, bhikkhave, sammā-diṭṭhi sīlā-nuggahitā ca hoti.|| ||

Sutā-nuggahitā ca hoti.|| ||

Sākacchā-nuggahitā ca hoti.|| ||

Samathā-nuggahitā ca hoti.|| ||

Vipassanā-nuggahitā ca hoti.|| ||

Imehi kho bhikkhave pañcahi aṅgehi anuggahitā sammā-diṭṭhi||
ceto-vimutti-phalā ca hoti,||
ceto-vimutti-phalā-nisaṃsā ca,||
paññā-vimutti-phalā ca hoti||
paññā-vimutti-phalā-nisaṃsā ca" ti.|| ||

 


Contact:
E-mail
Copyright Statement