Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Mobile (āīūŋńñţđņļ). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Aŋguttara-Nikāya
Pañcaka-Nipāta
24. Āvāsika Vagga

Sutta 236

Paţhama Avaņņāraha Suttaŋ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] Evaŋ me sutaŋ.|| ||

Ekaŋ samayaŋ Bhagavā Sāvatthiyaŋ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuŋ.

Bhagavā etad avoca:|| ||

"Pañcahi bhikkhave, dhammehi samannāgato āvāsiko bhikkhu yathābhataŋ nikkhitto evaŋ niraye.|| ||

Katamehi pañcahi?|| ||

Ananuvicca apariyogāhetvā avaņņārahassa vaņņaŋ bhāsati;||
ananuvicca apariyogāhetvā vaņņārahassa avaņņaŋ bhāsati;||
ananuvicca apariyogāhetvā appasādanīye ţhāne pasādaŋ upadaŋseti;||
ananuvicca apariyogāhetvā pasādanīye ţhāne appasādaŋ upadaŋseti,||
saddhādeyyaŋ vinipāteti.|| ||

Imehi kho bhikkhave, pañcahi dhammehi samannāgato āvāsiko bhikkhu yathābhataŋ nikkhitto evaŋ niraye.|| ||

 


 

Pañcahi bhikkhave dhammehi samannāgato āvāsiko bhikkhu yathābhataŋ nikkhitto evaŋ sagge.|| ||

Katamehi pañcahi?|| ||

Anuvicca pariyogāhetvā avaņaņārahassa avaņaņaŋ bhāsati;||
anuvicca pariyogāhetvā vaņaņārahassa vaņaņaŋ bhāsati;||
anuvicca pariyogāhetvā appasādanīye ţhāne appasādaŋ upadaŋseti;||
anuvicca pariyogāhetvā pasādaniye ţhāne pasādaŋ upadaŋseti;||
saddhādeyyaŋ na vinipāteti.|| ||

Imehi kho bhikkhave pañcahi dhammehi samannāgato āvāsiko bhikkhu yathābhataŋ nikkhitto evaŋ sagge" ti.|| ||


Contact:
E-mail
Copyright Statement   Webmaster's Page