Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Mobile (āīūŋńñţđņļ). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikāya
Chakka-Nipata
III: Anuttariya-Vagga

Sutta 30

Anuttariya Suttaŋ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evaŋ me sutaŋ:|| ||

Ekaŋ samayaŋ Bhagavā Sāvatthiyaŋ viharati||
Jetavane Anāthapiņđikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuŋ.|| ||

Bhagavā etad avoca:|| ||

2. "Cha imāni bhikkhave anuttariyāni.|| ||

Katamāni cha?|| ||

3. Dassanānuttariyaŋ,||
savaņānuttarīyaŋ,||
lābhānuttariyaŋ,||
sikkhānuttariyaŋ,||
pāricariyānuttariyaŋ,||
anussatānuttariyaŋ.|| ||

4. Katamañ ca bhikkhave dassanānuttarīyaŋ?|| ||

Idha bhikkhave ekacco||
hatthi-ratanam pi dassanāya gacchati;||
assa-ratanam pi danāya gacchati;||
maņi-ratanam pi danāya gacchati;||
uccāvacaŋ vā pana dassanāya gacchati;||
samaņaŋ vā||
brāhmaņaŋ vā||
micchādiţţhikaŋ||
micchāpaţipannaŋ dassanāya gacchati.|| ||

Atth'etaŋ bhikkhave dassanaŋ?|| ||

N'etaŋ natthī ti vadāmi.|| ||

Tañ ca kho etaŋ bhikkhave dassanaŋ hīnaŋ gammaŋ||
pothujjanikaŋ,||
anariyaŋ,||
anatthasaŋhitaŋ,||
na nibbidāya,||
na virāgāya,||
na nirodhāya,||
na upasamāya,||
na abhiññāya,||
na sambodhāya,||
na [326] nibbānāya saŋvattatī.|| ||

Yo ca kho bhikkhave Tathāgataŋ vā||
Tathāgatasāvakaŋ vā dassanāya gacchati||
niviţţhasaddho,||
niviţţhapemo,||
ekantagato,||
abhippasanno:||
etad ānuttariyaŋ bhikkhave dassanānaŋ sattānaŋ visuddhiyā soka-pariddavānaŋ samatikkamāya dukkha-domanassānaŋ atthaŋgamāya ñāyassa adhigamāya nibbānassa sacchikiriyāya,||
yad idaŋ Tathāgataŋ vā||
Tathāgatasāvakaŋ vā dassanāya gacchati||
niviţţasaddho,||
niviţţhapemo,||
ekantagato,||
abhippasanno.|| ||

Idaŋ vuccati bhikkhave dassanānuttariyaŋ.|| ||

Iti dassanānuttariyaŋ.|| ||

5. Savaņānutatariyañ ca kathaŋ hoti?|| ||

Idha bhikkhave ekacco||
bherisaddam pi savaņāya gacchati;||
vīņāddam pi vaņāya gacchati;||
gītaddam pi vaņāya gacchati;||
uccāvacaŋ vā pana savaņāya gacchati;||
samaņassa vā,||
brāhmaņassa vā,||
micchādiţţhikassa,||
micchāpaţipannassa,||
dhammasavaņāya gacchati.|| ||

Atth'etaŋ bhikkhave savaņaŋ?|| ||

N'etaŋ natthī ti vadāmi.|| ||

Tañ ca kho etaŋ bhikkhave savaņaŋ hīnaŋ gammaŋ||
pothujjanikaŋ,||
anariyaŋ,||
anatthasaŋhitaŋ,||
na nibbidāya,||
na virāgāya,||
na nirodhāya,||
na upasamāya,||
na abhiññāya,||
na sambodhāya,||
na nibbānāya saŋvattatī.|| ||

Yo ca kho bhikkhave Tathāgatassa vā||
Tathāgatasāvakassa vā||
dhammasavaņāya gacchati||
niviţţhasaddho||
niviţţhapemo||
ekantagato||
abhippasanno:||
etad ānuttariyaŋ bhikkhave savaņānaŋ sattānaŋ visuddhiyā soka-pariddavānaŋ samatikkamāya dukkha-domanassānaŋ atthaŋgamāya ñāyassa adhigamāya nibbānassa sacchikiriyāya,||
yad idaŋ Tathāgatassa vā||
Tathāgatasāvakassa vā||
dhammasavaņāya gacchati||
niviţţhasaddho||
niviţţhapemo||
ekantagato||
abhippasanno.|| ||

Idaŋ vuccati bhikkhave savaņānuttariyaŋ.|| ||

Iti dassanānuttariyaŋ, iti savaņānuttariyaŋ.|| ||

6. Lābhānuttariyaŋ ca kathaŋ hoti?|| ||

Idha bhikkhave ekacco puttalābham pi labhati,||
dāralābham pi labhati,||
dhanalābham pi labhati,||
uccāvacaŋ vā [327] pana lābhaŋ labhati||
samaņe vā||
brāhmaņe vā||
micchadiţţhike micchāpaţipanne saddhaŋ paţilabhati.|| ||

Atth'eso bhikkhave lābho?|| ||

N'eso n'atthī ti vadāmi.|| ||

So ca kho eso bhikkhave lābho hīno gammo||
pothujjaniko,||
anariyo,||
anatthasaŋhito,||
na nibbidāya,||
na virāgāya,||
na nirodhāya,||
na upasamāya,||
na abhiññāya,||
na sambodhāya,||
na nibbānāya saŋvattatī.|| ||

Yo ca kho bhikkhave Tathāgate vā||
Tathāgatasāvake vā||
saddhaŋ paţilabhati||
niviţţasaddho||
niviţţhapemo||
ekantagato||
abhippasanno:||
etad ānuttariyaŋ bhikkhave lābhānaŋ sattānaŋ visuddhiyā soka-pariddavānaŋ samatikkamāya dukkha-domanassānaŋ atthaŋgamāya ñāyassa adhigamāya nibbānassa sacchikiriyāya,||
yad idaŋ Tathāgate vā||
Tathāgatasāvake vā||
saddhaŋ paţilabhati||
niviţţhasaddho||
niviţţhapemo||
ekantagato||
abhippasanno.|| ||

Idaŋ vuccati bhikkhave lābhānuttariyaŋ.|| ||

Iti dassanānuttariyaŋ, savaņānuttariyaŋ, lābhānuttariyaŋ.|| ||

7. Sikkhānuttariyaŋ ca kathaŋ hoti?|| ||

Idha bhikkhave ekacvo hatthismim pi sikkhati,||
assasmim pi sikkhati,||
rathasmim pi sikkhati,||
dhanusmim pi sikkhati,||
tharusmim pi sikkhati,||
uccāvacaŋ vā pana sikkhati||
samaņassa vā||
brāhmaņassa vā||
micchādiţţhikassa micchāpaţipannassa sikkhati.|| ||

Atth'esā bhikkhave sikkhā?|| ||

N'esā n'atthī ti vadāmi.|| ||

Sā ca kho esā bhikkhave sikkhā hīnā gammā pothujjanikā anariyā anatthasaŋhitā,||
na nibbidāya,||
na virāgāya,||
na nirodhāya,||
na upasamāya,||
na abhiññāya,||
na sambodhāya,||
na nibbānāya saŋvattati.|| ||

Yo ca kho bhikkhave Tathāgata-ppavedite dhamma-vinaye adhisīlam pi sikkhati,||
adhicittam pi sikkhati,||
adhipaññam pi sikkhati,||
niviţţhasaddho||
niviţţhapemo||
ekantagato||
abhippasanno:||
etad ānuttariyaŋ bhikkhave sikkhānaŋ||
sattānaŋ visuddhiyā soka-pariddavānaŋ samatikkamāya dukkhadomanassānaŋ atthaŋgamāya ñāyassa adhigamāya nibbānassa [328] sacchikiriyāya,||
yad idaŋ Tathāgata-ppavedite dhamma-vinaye||
adhisīlam pi||
adhicittam pi sikkhati,||
adhipaññam pi sikkhati,||
niviţţhasaddho||
niviţţhapemo||
ekantagato||
abhippasanno.|| ||

Idaŋ vuccati bhikkhave sikkhānuttariyaŋ.|| ||

Iti danānuttariyaŋ, savaņānuttariyaŋ, lābhānuttariyaŋ, sikkhānuttariyaŋ.|| ||

8. Pāricariyānuttariyañ ca kathaŋ hoti?|| ||

Idha, bhikkhave, ekacco khattiyam pi paricarati,||
brāhmaņam pi paricarati,||
gahapatim pi parivarati,||
uccāvacaŋ vā pana paricarati||
samaņaŋ vā||
brāhmaņaŋ vā||
micchādiţţhikaŋ micchāpaţipannaŋ paricarati.|| ||

Atth'esā bhikkhave pāricariyā?|| ||

N'esā n'atthī ti vadāmi.|| ||

Sā ca kho esā bhikkhave pāricariyā hīnā gammā pothujjanikā anariyā anatthasaŋhitā,||
na nibbidāya||
na virāgāya||
na nirodhāya||
na upasamāya||
na abhiññāya||
na sambodhāya||
na nibbānāya saŋvattati.|| ||

Yo ca kho bhikkhave Tathāgataŋ vā||
Tathāgatasāvakaŋ vā paricarati||
niviţţhasaddho||
niviţţhapemo||
ekantagato||
abhippasanno:||
etad ānuttariyaŋ bhikkhave pārivariyānaŋ||
attānaŋ visuddhiyā soka-pariddavānaŋ samatikkamāya dukkhadomanassānaŋ atthaŋgamāya ñāyassaadhigamāya nibbānassa sacchikiriyāya,||
yad idaŋ Tathāgataŋ vā||
Tathāgatasāvakaŋ vā paricarati||
niviţţhasaddho||
niviţţhapemo||
ekantagato||
abhippasanno.|| ||

Idaŋ vuccati bhikkhave pāricariyānuttariyaŋ.|| ||

Iti dassanānuttariyaŋ, savaņānuttariyaŋ, lābhānuttariyaŋ, sikkhānuttariyaŋ, pāricariyānuttariyaŋ.|| ||

9. Anussatānuttariyaŋ ca kathaŋ hoti?|| ||

Idha, bhikkhave, ekacco puttalābham pi anussarati,||
dāralābham pi anussarati,||
dhanalābham pi anussarati,||
uccāvacaŋ vā lābhaŋ pana anussarati||
samaņā vā||
brāhmaņaŋ vā||
micchādiţţhikaŋ vā||
micchāpaţipannaŋ anussarati.|| ||

Atth'esā bhikkhave anussati?|| ||

N'esā n'atthī ti vadāmi.|| ||

Sā ca kho esā bhikkhave anassati hīnā gammā pothujjanikā anariyā anatthasaŋhitā,||
na nibbidāya||
na virāgāya||
na nirodhāya||
na upasamāya||
na abhiññāya||
na sambodhāya||
na nibbānāya saŋvattati.|| ||

Yo ca kho bhikkhave Tathāgataŋ vā||
[329] Tathāgatasāvakaŋ vā anussarati||
niviţţhasaddho||
niviţţhapemo||
ekantagato||
abhippasanno:||
etad ānuttariyaŋ bhikkhave anussatīnaŋ||
satatānaŋ visuddhiyā soka-pariddavānaŋ samatikkamāya dukkha-domanassānaŋ atthaŋgamāya ñāyassa adhigamāya nibbānassa sacchikiriyāya,||
yad idaŋ Tathāgataŋ vā||
Tathāgatasāvakaŋ vā anussarati||
niviţţhasaddho||
niviţţhapemo||
ekantagato||
abhippasanno.|| ||

Idaŋ vuccati bhikkhave anussatānuttariyaŋ.|| ||

Iti anussatānuttariyaŋ.|| ||

Imāni kho bhikkhave cha anuttariyānī, tī.|| ||

Ye dassanavaraŋ laddhā savaņañ ca anuttaraŋ,||
Lābhānuttariyaŋ laddhā, sikhkhānuttariye ratā,||
Upaţţhitā pāricariye bhāvayanti anussatiŋ||
Vivekapaţisaŋyuttaŋ khemaŋ amatagāminiŋ,||
Appamāde pamoditā nipakā sīlasaŋvutā:||
Te ve kālena paccnti, yettha dukkhaŋ nirujjhatī ti.|| ||

Anuttariyavaggo tatiyo.|| ||

 


Contact:
E-mail
Copyright Statement   Webmaster's Page