Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Mobile (āīūŋńñţđņļ). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikāya
Atthaka Nipāta
Gotamī Vaggo

Sutta 52

Bhikkhunovādaka Suttaŋ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] Evaŋ me sutaŋ:|| ||

Ekaŋ samayaŋ Bhagavā Vesāliyaŋ viharati Mahāvane Kūţāgārasālāyaŋ.|| ||

Atha kho āyasmā Ānando yena Bhagavā ten'upasaŋkami.|| ||

Upasaŋkamitvā Bhagavantaŋ abhivādetvā eka-m-antaŋ nisīdi.|| ||

Eka-m-antaŋ nisinno kho āyasmā Ānando Bhagavantaŋ etad avoca:|| ||

'Kati hi nū kho bhante,||
dhammehi samannāgato bhikkhu bhikkhuno vādako sammantitabbo' ti?|| ||

2. Aţţhahi kho Ānanda, dhammehi samannāgato bhikkhu bhikkhuno'vādako sammannitabbo.|| ||

Katamehi aţţhahi?|| ||

3. Idha, Ānanda, sīlavā ca hoti pātimokkha-saŋvara-saŋvuto viharati,||
ācāra-gocara-sampanno aņumattesu vajjesu bhaya-dassāvī samādāya sikkhati sikkhāpadesu.|| ||

4. Bahussuto hoti sutadharo sutasannicayo,||
ye te dhammā ādikalyāņā majjhekalyāņā pariyosānakalyāņā sātthaŋ savyañjanaŋ kevalaparipuņņaŋ parisuddhaŋ brahmacariyaŋ abhivadanti,||
tathārūpassa dhammā bahussutā honti.|| ||

Dhatā vacasā paricitā manasānupekkhitā diţţhiyā suppaţividdhā.|| ||

5. Ubhayāni kho pan'assa pātimokkhāni vitthārena svāgatāni honti suvibhattāni suppavattīni suvinicchitāni suttaso anuvyañjanaso.|| ||

6. Kalyāņavāco hoti kalāņavākkaraņo poriya vācaya samannāgato vissaţţhāya anelagaļāya atthassa viññpaniyā.|| ||

7. Paţibalo [280] hoti bhikkhunīsaŋghassa dhammiyā kathāya sandassetuŋ samādapetuŋ samuttejetuŋ sampahaŋsetuŋ.|| ||

8. Yebhuyyena bhikkhunīnaŋ piyo hoti manāpo.|| ||

9. Na kho pan'etaŋ Bhagavantaŋ uddīsaŋ pabbajitāya kāsāyavavatthanivasanāya garudhammaŋ ajjhāpannupubbo hoti.|| ||

10. Vīsativasso vā hoti atirekavīsati vasso vā.|| ||

Imehi kho Ānanda, aţţhahi dhammehi samannāgato bhikkhu bhikkhunovādako sammantitabbo ti.|| ||

 


Contact:
E-mail
Copyright Statement   Webmaster's Page