Aṅguttara Nikāya
VIII. Aṭṭhaka Nipāta
VII. Bhūmi-Cāla Vagga

Sutta 67

Anariya-Vohāra Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

 

[1][pts] Evaṃ me sutaṃ:|| ||

Ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

"Aṭṭh'ime bhikkhave, anariya-vohārā.|| ||

Katame aṭṭha?|| ||

Adiṭṭhe diṭṭha-vāditacā,||
asute suta-vāditā,||
amute muta-vāditā,||
aviññāte viññāta-vāditā,||
diṭṭhe adiṭṭha-vāditi,||
sute asuta-vāditā,||
mute amuta-vāditā,||
viññāte aviññāta-vāditā.|| ||

Imā kho bhikkhave, aṭṭha anariya-vohārā" ti.|| ||