Aṅguttara Nikāya
VIII. Navaka Nipāta
IV. Mahā Vagga
Sutta 38
Lokāyatika Brāhmaṇa Suttaṃ aka Nibbāna-Sukha Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than] Evaṃ me sutaṃ:|| ||
Sāvatthi nidānaṃ.|| ||
Atha kho dve lokāya-tikā brahmaṇā yena Bhagavā ten'upasaṅkamiṃsu.|| ||
Upasaṅkamitvā bhagakavatā saddhi sammodiṃsu.|| ||
Sammodanīyaṃ kathaṃ sārāṇīyaṃ vīti-sāretvā eka-m-antaṃ nisīdiṃsu.|| ||
Eka-m-antaṃ nisinnā kho te brāhmaṇā Bhagavantaṃ etad avocuṃ:|| ||
2. "Pūraṇo bho Gotama Kassapo sabbaññū sabba-dassāvī aparisesa ñāṇa-dassanaṃ paṭijānāti:|| ||
'Carato ca me tiṭṭhito ca suttassa ca jāgarassa ca satataṃ samitaṃ ñāṇa-dassanaṃ pacc'upatthikan' ti.|| ||
So evam āha:|| ||
'Ahaṃ anantena ñāṇena antavantaṃ lokaṃ jānaṃ passaṃ viharāmī' ti.|| ||
■
[429] Ayam pi bho Gotama,||
Nigaṇṭho Nātaputto sabbaññū sabba-dassāvī aparisesa ñāṇa-dassanaṃ paṭijānāti|| ||
'Carato ca me tiṭṭhito ca suttassa ca jāgarassa ca satataṃ samitaṃ ñāṇa-dassanaṃ pacc'upatthikan' ti.|| ||
So evam āha:|| ||
'Ahaṃ antavantena āṇena antavantaṃ lokaṃ jānaṃ passaṃ viharāmī' ti.|| ||
■
Imesaṃ bho Gotama,||
uhinnaṃ ñāṇa-vādānaṃ uhinnaṃ añña-maññaṃ vipacca-nīka-vādānaṃ ko saccaṃ āha ko musā" ti?|| ||
3. "Alaṃ brāhmaṇā, tiṭṭhate taṃ:
'Imesaṃ uhinnaṃ ñāṇa-vādānaṃ ubhinnaṃ añña-maññaṃ vipacca-nīka-vādānaṃ ko saccaṃ āha ko musā' ti?|| ||
Dhammaṃ vo brāhmaṇā desessāmi.
Taṃ suṇātha,||
sādhukaṃ manasi karotha,||
bhāsissāmīti."|| ||
"Evaṃ bho" ti kho te brāhmaṇā Bhagavato paccassosuṃ.
Bhagavā etad avoca:|| ||
§
4. "Seyyathā pi brāhmaṇā,||
cattāro purisā catu-d-disā ṭitā paramāya gatiyā ca javena ca samannāgatā paramena ca padavītihārena.|| ||
Te eva-rūpena javena samannāgatā assu,||
seyyathā pi nāma brāhmaṇā,||
daḷha-dhammo dhanuggaho sikkhito katahattho katupāsāno lahukena asanena appakasirena tiriyaṃ tālacchāyaṃ atipāteyya,||
eva-rūpena ca padavītihārena.|| ||
■
Seyyathā pi nāma puratthimā samuddā pacchimo samuddo.|| ||
Atha puratthimāya disāya ṭhito puriso evaṃ vadeyya:|| ||
'Ahaṃ gamanena lokassa antaṃ pāpuṇissāmī' ti.|| ||
So aññatr'eva asita-pīta-khāyita-sāyitā aññatr'eva uccāra-passāva-kammā aññatr'eva niddā-kilamatha-paṭivinodanā vassa-satāyuko vassa-sata-jīvī vassa-sataṃ gantvā appatvāva lokassa antaṃ antarā [430] kālaṃ kareyya.|| ||
Atha pacchi-māya disāya ṭhito puriso evaṃ vadeyya:|| ||
'Ahaṃ gamanena lokassa antaṃ pāpuṇissāmī' ti.|| ||
So aññatr'eva asita-pīta-khāyita-sāyitā aññatr'eva uccāra-passāva-kammā aññatr'eva niddā-kilamatha-paṭivinodanā vassa-satāyuko vassa-sata-jīvī vassa-sataṃ gantvā appatvāva lokassa antaṃ antarā kālaṃ kareyya.|| ||
Atha uttarāya disāya ṭhito puriso evaṃ vadeyya:|| ||
'Ahaṃ gamanena lokassa antaṃ pāpuṇissāmī' ti.|| ||
So aññatr'eva asita-pīta-khāyita-sāyitā aññatr'eva uccāra-passāva-kammā aññatr'eva niddā-kilamatha-paṭivinodanā vassa-satāyuko vassa-sata-jīvī vassa-sataṃ gantvā appatvāva lokassa antaṃ antarā kālaṃ kareyya.|| ||
Atha dakkhiṇāya disāya ṭhito puriso evaṃ vadeyya:|| ||
'Ahaṃ gamanena lokassa antaṃ pāpuṇissāmī' ti.|| ||
So aññatr'eva asita-pīta-khāyita-sāyitā aññatr'eva uccāra-passāva-kammā aññatr'eva niddā-kilamatha-paṭivinodanā vassa-satāyuko vassa-sata-jīvī vassa-sataṃ gantvā appatvāva lokassa antaṃ antarā kālaṃ kareyya.|| ||
Taṃ kissa hetu?|| ||
Nāhaṃ brāhmaṇā,||
eva-rūpāya sandhāvanikānaya lokassa antaṃ ñāteyyaṃ daṭṭheyyaṃ patteyyanti vadāmi.|| ||
Na c'āhaṃ brāhmaṇā,||
appattāva lokassa antaṃ dukkhassantakiriyaṃ vadāmī.|| ||
§
5. Pañc'ime brāhmaṇā,||
kāma-guṇā ariyassa vinaye lokoti vuccati.|| ||
Katame pañca?|| ||
6. Cakkhu viññeyyā rūpā||
iṭṭhā kantā manāpā piya-rūpā kām'ūpasaṃ-hitā rajanīyā,||
sota viññeyyā saddā||
iṭṭhā kantā manāpā piya-rūpā kām'ūpasaṃ-hitā rajanīyā,||
ghāna viññeyyā gandhā||
iṭṭhā kantā manāpā piya-rūpā kām'ūpasaṃ-hitā rajanīyā,||
jivhā viññeyyā rasā||
iṭṭhā kantā manāpā piya-rūpā kām'ūpasaṃ-hitā rajanīyā,||
kāya viññeyyā phoṭṭhabbā||
iṭṭhā kantā manāpā piya-rūpā kām'ūpasaṃ-hitā rajanīyā.|| ||
Ime kho brāhmaṇā,||
pañca kāma-guṇā ariyassa vinaye lokoti vuccati.|| ||
§
7. Idha, brāhmaṇā bhikkhave, vivicc'eva kāmehi vivicca akusalehi dhammehi sa-vitakkaṃ sa-vicāraṃ viveka-jaṃ pīti-sukhaṃ paṭhamaṃ-jhānaṃ upasampajja viharati.|| ||
Ayaṃ vuccati brāhmaṇā,||
bhikkhu lokassa antaṃ āgamma lokassa ante viharati.|| ||
Tam aññe evam āhaṃsu:|| ||
'Ayam pi loka-pariyāpanno,||
anissaṭo lokamhā' ti.|| ||
Aham pi brāhmanā,||
evaṃ vadāmi:|| ||
'Ayam pi loka-pariyāpanno,||
ayam pi anissaṭo lokāmhā' ti.|| ||
■
[431] 8. Puna ca paraṃ brāhmaṇā,||
bhikkhu vitakka-vicārānaṃ vūpasamā ajjhattaṃ sampasādanaṃ cetaso ekodi-bhāvaṃ avitakkaṃ avicāraṃ samādhi-jaṃ pīti-sukhaṃ dutiyaṃ-jhānaṃ upasampajja viharati.|| ||
Ayaṃ vuccati brāhmaṇā,||
bhikkhu lokassa antaṃ āgamma lokassa ante viharati.|| ||
Tamaññe evam āhaṃsu:|| ||
'Ayam pi loka-pariyāpanno,||
anissaṭo lokamhā' ti.|| ||
Aham pi brāhmanā,||
evaṃ vadāmi:|| ||
'Ayam pi loka-pariyāpanno,||
ayam pi anissaṭo lokāmhā' ti.|| ||
■
Pītiyā ca virāgā upekkhako ca viharati sato ca sampajāno,||
sukhañca kāyena paṭisaṃvedeti,||
yaṃ taṃ ariyā āvikkhanti
'Upekkhako satimā sukha-vihārī' ti,||
tatiyaṃ-jhānaṃ upasampajja viharati.|| ||
Ayaṃ vuccati brāhmaṇā,||
bhikkhu lokassa antaṃ āgamma lokassa ante viharati.|| ||
Tamaññe evam āhaṃsu:|| ||
'Ayam pi loka-pariyāpanno,||
anissaṭo lokamhā' ti.|| ||
Aham pi brāhmanā,||
evaṃ vadāmi:|| ||
'Ayam pi loka-pariyāpanno,||
ayam pi anissaṭo lokāmhā' ti.|| ||
■
Sukhassa ca pahānā dukkhassa ca pahānā pubb'eva somanassa-domanassānaṃ atthaṅ-gamā adukkha-ṃ-asukhaṃ upekkhā-sati-pārisuddhiṃ catutthaṃ-jhānaṃ upasampajja viharati.|| ||
Ayaṃ vuccati brāhmaṇā,||
bhikkhu lokassa antaṃ āgamma lokassa ante viharati.|| ||
Tamaññe evam āhaṃsu:|| ||
'Ayam pi loka-pariyāpanno,||
anissaṭo lokamhā' ti.|| ||
Aham pi brāhmanā,||
evaṃ vadāmi:|| ||
'Ayam pi loka-pariyāpanno,||
ayam pi anissaṭo lokāmhā' ti.|| ||
■
9. Puna ca paraṃ brāhmaṇā,||
bhikkhu sabbaso rūpa-saññānaṃ samati-k-kamā paṭigasaññānaṃ atthaṅ-gamā nānatta-saññānaṃ amanasikārā ananto ākāsoti Ākāsanañ-c'āyatanaṃ upasampajja viharati.|| ||
Ayaṃ vuccati brāhmaṇā,||
bhikkhu lokassa antaṃ āgamma lokāssa ante viharati,||
tamaññe evam āhaṃsu:|| ||
'Ayaṃm pi loka-pariyāpanno,||
ayam pi anissaṭo lokamhā' ti.|| ||
Aham pi brāhmaṇā evaṃ vadāmi:|| ||
'Ayam pi loka-pariyāpanno,||
ayam pi anissaṭo lokāmhā' ti.|| ||
■
10. Puna ca paraṃ brāhmaṇā,||
bhikkhu sabbaso Ākāsanañ-c'āyatanaṃ samati-k-kamma ''Anantaṃ viññāṇan' ti Viññāṇañ-c'āyatanaṃ upasampajja viharati.|| ||
Ayaṃ vuccati brāhmaṇā,||
bhikkhu lokassa antaṃ āgamma lokassa ante viharati.|| ||
Tamaññe evam āhaṃsu:|| ||
'Ayam pi loka-pariyāpanno,||
anissaṭo lokamhā' ti.|| ||
Aham pi brāhmanā,||
evaṃ vadāmi:|| ||
'Ayam pi loka-pariyāpanno,||
ayam pi anissaṭo lokāmhā' ti.|| ||
■
11. Puna ca paraṃ brāhmaṇa,||
bhikkhu sabbaso Viññāṇañ-c'āyatanaṃ samati-k-kamma n'atthi kiñcī' ti Ākiñcaññ'āyatanaṃ upasampajja viharati.|| ||
Ayaṃ vuccati brāhmaṇā,||
bhikkhu lokassa antaṃ āgamma lokassa ante viharati.|| ||
Tamaññe evam āhaṃsu:|| ||
'Ayam pi loka-pariyāpanno,||
anissaṭo lokamhā' ti.|| ||
Aham pi brāhmanā,||
evaṃ vadāmi:|| ||
'Ayam pi loka-pariyāpanno,||
ayam pi anissaṭo lokāmhā' ti.|| ||
■
12. Puna ca paraṃ brāhmaṇa,||
bhikkhu sabbaso Ākiñcaññ'āyatanaṃ samati-k-kamma N'eva-saññā-nā-saññ'āyatanaṃ upasampajja viharati.|| ||
Ayaṃ vuccati brāhmaṇā,||
bhikkhu lokassa antaṃ āgamma lokasse ante viharati.|| ||
Tamaññe evam āhaṃsu:|| ||
'Ayam pi loka-pariyāpanto ayam pi anissaṭo lokāmhā' ti.|| ||
Aham pi brāhmaṇā, evaṃ vadāmi:|| ||
'Ayam pi loka-pariyāpanno,||
ayam pi anissaṭo lokamhā' ti.|| ||
■
13. Puna ca paraṃ brāhmaṇā,||
bhikkhu sabbaso N'eva-saññā-nā-saññ'āyatanaṃ samati-k-kamma saññā-vedayita-nirodhaṃ upasampajja viharati.|| ||
Paññāya c'assa disvā āsavā parikkhiṇā honti.|| ||
Ayaṃ vuccati brāhmaṇā,||
bhikkhu lo [432] kassa antaṃ āgamma lokassa ante viharati
tiṇṇo loke visattikan" ti.|| ||
