Aṅguttara Nikāya


[Home]  [Sutta Indexes]  [Glossology]  [Site Sub-Sections]


 

Aṅguttara Nikāya
VIII. Navaka Nipāta
IV. Mahā Vagga

Sutta 40

Āraññaka-Nāg'Opama Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[435]

[1][pts][than] Evaṃ me sutaṃ:|| ||

Sāvatthi nidānaṃ.|| ||

"Yasmiṃ bhikkhave samaye āraññakassa nāgassa gocara-pasutassa hatthī pi||
hatthiniyo pi||
hattikalabhā pi||
hatthicchā pi||
purato gantvā tiṇaggāni chindanti,||
tena bhikkhave āraññako nāgo aṭṭhiyati harāyati jigucchati.|| ||

Yasmiṃ bhikkhave, samaye āraññakassa nāgassa gocara-pasutassa hatthī pi||
hatthiniyo pi||
hatthikalabhā pi||
hatthicchāpā pi||
ohaggobhaggaṃ sākhābhaṅgaṃ khādanti.|| ||

Tena bhikkhave, āraññako nāgo aṭṭīyati harāyati jigucchati.|| ||

Yasmiṃ bhikkhave,||
samaye āraññakassa nāgassa ogāhaṃ otiṇṇassa hatthī pi||
hatthiniyo pi||
hatthikalabhā pi||
hatthicchāpā pi||
purato purato ganatvā soṇḍāya udakaṃ ālolonti.|| ||

Tena bhikkhave, āraññako nāgo aṭṭīyati harāyati jigucchati.|| ||

Yasmiṃ bhikkhave, samaye āraññakassa nāgassa ogābhaṃ otiṇṇassa hatthīniyo kāyaṃ upanighaṃsantiyo gacchanti,||
tena bhikkhave,||
āraññako nāgo aṭṭhiyati harāyati jigucchati.|| ||

2. Tasmaṃ bhikkhave, samaye āraññakassa nāgāssa evaṃ hoti:||
'ahaṃ kho etarahi ākaṇṇo viharāmi,||
hatthihi hatthinīhi hatthikalabhehi hatthicchāpehi,||
chinnaggāni c'eva tiṇāni khādāmi.|| ||

Obhaggobhaggañ ca me sākhabhaṅgaṃ khādanti.|| ||

Āvilāni ca pānīyāni pivāmi||
ogāhaṃ ca me otiṇṇassa hatthiniyo kāyaṃ upanighaṃsanniyo gaccanti||
yan nūn-ā-haṃ eko gaṇasmā vūpakaṭṭho vihareyyan' ti.|| ||

So aparena samayena eko gaṇasmā vūpakaṭṭho viharati||
accinnaggāni c'eva tiṇāni khādati.|| ||

Ohaggobhaggañ c'assa [436] sākhābhaṅgaṃ na khādanti anāvilāni ca pāniyāni pivati.|| ||

Ogāhañ c'assa otiṇṇassa na hatthiniyo kāyaṃ upanighaṃsanniyo gaccanti.|| ||

Tasmiṃ bhikkhave, samaye āraññakassa nāgāssa evaṃ hoti:||
'Ahaṃ kho pubbe ākiṇṇo vihāsiṃ hatthihi hatthinīhi hatthīkalabhehi hatthiccāpehi,||
chinnaggāni c'eva tiṇāni khādiṃ,||
ohaggobhaggañ ca me sākhābhaṅghaṃ khādiṃsu.|| ||

Āvilāni ca pānīyāni āpāyiṃ,||
ogāhañ ca me otiṇṇassa hatthiniyo kāyaṃ upanighaṃsanniyo agamaṃsu.|| ||

So'haṃ etarahi eko gaṇasmā vūpakaṭṭho viharāmi,||
acchinnaggāni c'eva tiṇāni khādāmi.|| ||

Obhaggobhaggañ ca me sākhābhaṅgaṃ na khādanti||
anāvilāni ca pānīyāni pivāmi,||
ogāhañ ca otiṇnassa na bhatthiniyo kāyāṃ upanighaṃsantiyo gaccantī' ti.|| ||

'So soṇḍāya sākhābhaṅgaṃ bhañjitvā sākhābhaṅgena kāyaṃ parimadditvā atta-mano kaṇḍuṃ saṃhanti.|| ||

[3] Evam eva kho bhikkhave, yasmiṃ samaye bhikku ākiṇṇo viharati||
bhikkhuhi bhikkhunīhi upāsakehi upāsākāhi||
raññā rāja-mahā-mattehi titthiyehi titthiyasāvakehi,||
tasmiṃ samaye bhikkhussa evaṃ hoti:||
'ahaṃ kho etarahi ākiṇṇo viharāmi,||
bhikkhuhī bhikkhunīhi upāsakehi upāsikāhi||
raññā rāja-mahā-mattehi titthiyehi titthiyasāvakehi.|| ||

Yan nūn-ā-haṃ eko gaṇasmā vūpakaṭṭho vihareyyan' ti.|| ||

So vicittaṃ sen'āsanaṃ bhajati araññaṃ [437] rukkha-mūlaṃ pabbataṃ kandaraṃ giri-guhaṃ susānaṃ vana-patthaṃ abbhokāsaṃ palālapuñjaṃ.|| ||

So arañña-gato vā rukkhamūgato vā suññ-ā-gāra-gato vā nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭha-petvā.|| ||

So abhijjhaṃ loke pahāya vigatābhijejhana cetasā viharati,||
abhijjhāya cittaṃ parisodheti.|| ||

Vyāpāda-padosaṃ pahāya akhyāpannacitto viharati||
sabba-pāṇa-bhuta-hit-ā-nukampī,||
vyāpāda-padosā cittaṃ parisodheti.|| ||

Thīna middhaṃ pahāya vigata-thīna-middho viharati||
āloka-saññi sato sampajāno,||
thinamiddhā cittaṃ parisodheti.|| ||

Uddhacca-kukkuccaṃ pahāya anuddhato viharati||
ajjhattaṃ vūpasanta-citto uddhacca-kukkuccā cittaṃ parisodheti.|| ||

Vici-kicchaṃ pahāya tiṇṇa-vici-kiccho viharati||
akathaṃ-kathi kusalesu dhammesu,||
vicikicchāya cittaṃ parisodheti.|| ||

So ime pañca nīvaraṇe pahāya cetaso upakkilese paññāya dubbalī-karaṇe vivicc'eva kāmehi||
vivicca akusalehi dhammehi||
sa-vitakkaṃ sa-vicāraṃ||
viveka-jaṃ pīti-sukhaṃ||
paṭhamaṃ-jhānaṃ upasampajja viharati.|| ||

So atta-mano kaṇḍuṃ saṃhanti.|| ||

vitakka-vicārānaṃ vūpasamā||
ajjhattaṃ sampasādanaṃ||
cetaso ekodi-bhāvaṃ||
avitakkaṃ avicāraṃ||
samādhi-jaṃ pīti-sukhaṃ||
dutiyaṃ-jhānaṃ upasampajja viharati.|| ||

So atta-mano kaṇḍuṃ saṃhanti.|| ||

Pītiyā ca virāgā upekkhako ca||
viharati sato ca sampajāno,||
sukhañ ca kāyena paṭisaṃvedeti,||
yaṃ taṃ ariyā āvikkhanti upekkhako satimā sukha-vihārī ti,||
tatiyaṃ-jhānaṃ upasampajja viharati.|| ||

So atta-mano kaṇḍuṃ saṃhanti.|| ||

Sukhassa ca pahānā dukkhassa ca pahānā||
pubb'eva somanassa-domanassānaṃ atthaṅ-gamā||
adukkha-ṃ-asukhaṃ upekkhā-sati-pārisuddhiṃ||
catutthaṃ-jhānaṃ upasampajja viharati.|| ||

So atta-mano kaṇḍuṃ saṃhanti.|| ||

Sabbaso rūpa-saññānaṃ samati-k-kamā paṭigha-saññānaṃ atthaṅ-gamā nānatta-saññānaṃ amanasikārā 'anatto ākāso' ti,||
Ākāsanañ-c'āyatanaṃ upasampajja viharati.|| ||

So atta-mano kaṇḍuṃ saṃhanti.|| ||

Sabbaso Ākāsanañ-c'āyatanaṃ samati-k-kama 'anantaṃ viññāṇan' ti,||
Viññānañ-c'āyatanaṃ upasampajja viharati.|| ||

So atta-mano kaṇḍuṃ saṃhanti.|| ||

Sabbaso Viññānañ-c'āyatanaṃ samati-k-kamma 'n'atthi kiñci' ti||
Ākiñcaññ'āyatanaṃ upasampajja viharati.|| ||

So atta-mano kaṇḍuṃ saṃhanti.|| ||

Sabbaso Ākiñcaññ'āyatanaṃ samati-k-kamma N'eva-saññā-nā-saññ'āyatanaṃ upasampajja viharati.|| ||

So atta-mano kaṇḍuṃ saṃhanti.|| ||

Sabbaso N'eva-saññā-nā-saññ'āyatanaṃ [438] samati-k-kamma saññā-vedayita nirodhaṃ upasampajja viharati.|| ||

Paññāya c'assa disvā āsavā parikkhiṇā honti.|| ||

So atta-mano kaṇḍuṃ saṃhantī" ti.|| ||

 


Contact:
E-mail
Copyright Statement