Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Mobile (āīūŋńñţđņļ). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Aŋguttara Nikāya
Dasaka-Nipāta
XVII: Jāņussoņi-Vagga

Sutta 177

Jāņussoņī Suttaŋ

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society Aŋguttara-Nikāya
edited by Prof. E. Hardy, PhD., D.D.

 


 

[269]

[1][pts][than] Evaŋ me sutaŋ:|| ||

Ekaŋ samayaŋ Bhagavā Sāvatthiyaŋ viharati.|| ||

Atha kho Jāņussoņī brāhmaņo yena Bhagavā ten'upasaŋkami.|| ||

Upasaŋkamitvā Bhagavatā saddhiŋ sammodi.|| ||

Sammodanīyaŋ kathaŋ sārāņīyaŋ vītisāretvā eka-m-antaŋ nisīdi,||
eka-m-antaŋ nisinno kho Jāņussoņī brāhmaņo Bhagavantaŋ etad avoca:|| ||

Mayam assu bho Gotama brāhmaņā nāma dānāni dema saddhāni karoma:||
'idaŋ dānaŋ petānaŋ ñātisālohitānaŋ upakappatu,||
idaŋ dānaŋ petā ñātisālohitā paribhuñjantu' ti.|| ||

Kacci taŋ bho Gotama dānaŋ petānaŋ ñātisālohitānaŋ upakappati?|| ||

Kacci te petā ñātisālohitā taŋ dānaŋ paribhuñjanti ti?|| ||

Ţhāne kho brāhmaņa upakappati,||
no aţţhāneti.|| ||

Katamañ ca bho Gotama ţhānaŋ?|| ||

Katamaŋ aţţhānanti?|| ||

Idha brāhmaņa ekacco pāņātipātī hoti,||
adinnādāyī hoti||
kāmesu micchācārī hoti,||
musāvādī hoti,||
pisunavāco hoti,||
pharusavāco hoti,||
samphappalāpī hoti,||
abhijjhālū hoti,||
vyāpannacitto hoti,||
micchādiţţhiko hoti,||
so kāyassabhedā paraŋ maraņā Nirayaŋ upapajjati.|| ||

Yo nerayikānaŋ sattānaŋ āhāro tena so tattha yāpeti,||
tena so tattha tiţţhati.|| ||

Idam pi kho brāhmaņa aţţhānaŋ yattha ţhitassa taŋ dānaŋ na upakappati.|| ||

Idha pana brāhmaņa ekacco pāņātipātī hoti,||
adinnādāyī hoti,||
kāmesu micchācārī hoti,||
musāvādī hoti,||
pisunavāco hoti,||
pharusāvāco hoti,||
samphappalāpī hoti,||
abhijjhālū hoti,||
vyāpannacitto hoti,||
micchādiţţhiko hoti.|| ||

So kāyassa bhedā param maraņā tiracchānayoniŋ upapajjati.|| ||

Yo tiracchānayonikānaŋ sattānaŋ āhāro tena so tattha yāpeti,||
tena so tattha tiţţhati.|| ||

Idam pi kho brāhmaņa aţţhānaŋ,||
yattha ţhitassa taŋ dānaŋ na upakappati.|| ||

Idha pana brāhmaņa ekacco pāņātipātā paţivirato hoti,||
adinnādānā paţivirato hoti,||
kāmesu micchācārā paţivirato hoti,||
musā-vādā paţivirato hoti,||
pisunāya [270] vācāya paţivirato hoti,||
pharusāya vācāya paţivirato hoti,||
samphappalāpā paţivirato hoti,||
anabhijjhālū hoti,||
avyāpannacitto hoti,||
sammādiţţhiko hoti.|| ||

So kāyassa bhedā param maraņā manussānaŋ sahavyataŋ upapajjati.|| ||

Yo manussānaŋ āhāro tena so tattha yāpeti,||
tena so tattha tiţţhati.|| ||

Idam pi kho brāhmaņa aţţhānaŋ,||
yattha ţhitassa taŋ dānaŋ na upakappati.|| ||

Idha pana brāhmaņa ekacco pāņātipātā paţivirato hoti,||
adinnādānā paţivirato hoti,||
kāmesu micchācārā paţivirato hoti,||
musā-vādā paţivirato hoti,||
pisunāya vācāya paţivirato hoti,||
pharusāya vācāya paţivirato hoti,||
samphappalāpā paţivirato hoti,||
anabhijjhālū hoti,||
avyāpannacitto hoti,||
sammādiţţhiko hoti.|| ||

So kāyassa bhedā param maraņā devānaŋ sahavyataŋ upapajjati.|| ||

Yo devānaŋ āhāro tena so tattha yāpeti,||
tena so tattha tiţţhati.|| ||

Idam pi kho brāhmaņa aţţhānaŋ,||
yattha ţhitassa taŋ dānaŋ na upakappati.|| ||

Idha pana brāhmaņa ekacco pāņātipātī hoti,||
adinnādāyī hoti,||
kāmesu mcchācārī hoti,||
musāvādī hoti,||
pisunavāco hoti,||
parusāvāco hoti,||
samphappalāpī hoti,||
abhijjhālū hoti,||
vyāpannacitto hoti,||
micchādiţţhiko hoti.|| ||

So kāyassa bhedā paraŋ maraņā petti visayaŋ upapajjati.|| ||

Yo pettivesayikānaŋ sattānaŋ āhāro,||
tena so tattha yāpeti.|| ||

Tena so tattha tiţţhati.|| ||

Yaŋ vā panassa anuppavecchanti2 mittā vā amaccā vā ñāti vā sālohitā vā,||
tena so tattha yāpeti.|| ||

Tena so tattha tiţţhati.|| ||

Idaŋ kho brāhmaņa ţhānaŋ,||
yattha ţhitassa taŋ dānaŋ upakappatī ti.|| ||

Sace pana bho Gotama so peto ñātisālohito taŋ ţhānaŋ anuppanno hoti,||
ko taŋ dānaŋ paribhuñjatīti? Aññepissa brāhmaņa petā ñāti sālohitā taŋ ţhānaŋ anupapattā honti.|| ||

Te taŋ dānaŋ paribhuñjantī ti.|| ||

Sace pana bho Gotama so c'eva peto ñātisālohito taŋ ţhānaŋ anupapanno hoti,||
aññe pissa petā ñātisālohitā taŋ ţhānaŋ anupapannā hontī.|| ||

Ko taŋ dānaŋ paribhuñjatī ti? Aţţhānaŋ kho etaŋ brāhmaņa,||
anavakāso yaŋ taŋ ţhānaŋ vicittaŋ assa iminā dīghena addhunā yad idaŋ [271] petehi ñāti sālohitehi.|| ||

Api ca brāhmaņa dāyakopi anipphalo hoti.|| ||

Aţţhānepi bhavaŋ Gotamo parikappaŋ vadatīti? Aţţhānepi kho ahaŋ brāhmaņa parikappaŋ vadāmi Idha brāhmaņa ekacco pāņātipātī hoti.|| ||

Adinnādāyī hoti,||
kāmesu micchācārī hoti,||
musāvādī hoti,||
pisunāvāco hoti,||
pharusavāco hoti,||
samphappalāpī hoti,||
abhijjhālū hoti,||
vyāpannacitto hoti,||
micchādiţţhiko hoti,||
so dātā hoti,||
samaņassa vā brāhmaņassa vā annaŋ pānaŋ vatthaŋ yānaŋ mālāgandhavilepanaŋ,||
seyyāvasathapadīpeyyaŋ.|| ||

So kāyassa bhedā paraŋ maraņā hatthinaŋ sahavyataŋ upapajjati.|| ||

So tattha lābhī hoti annassa pānassa mālā nānālaŋkārassa.|| ||

Yaŋ kho brahmaņa idha pāņātipātī,||
adinnādāyī,||
kāmesu micchācārī,||
musāvādī,||
pisunavāco,||
pharusavāco,||
samphappalāpī,||
abhijjhālū,||
vyāpannacitto,||
micchādiţţhiko,||
tena so kāyassabhedā param maraņā hatthīnaŋ sahavyataŋ upapajjati.|| ||

Yaŋ ca kho so dātā hoti samaņassa vā brāhmaņassa vā annaŋ pānaŋ vatthaŋ yānaŋ mālāgandhavilepanaŋ,||
seyyāvasathapadīpeyyaŋ,||
tena so tattha lābhī hoti annassa pānassa mālā nānālaŋkārassa.|| ||

Idha brāhmaņa ekacco pāņātipātī hoti.|| ||

Adinnādāyī hoti,||
kāmesu micchācārī hoti,||
musāvādī hoti,||
pisunāvāco hoti,||
pharusavāco hoti,||
samphappalāpī hoti,||
abhijjhālū hoti,||
vyāpannacitto hoti,||
micchādiţţhiko hoti,||
so dātā hoti,||
samaņassa vā brāhmaņassa vā annaŋ pānaŋ vatthaŋ yānaŋ mālāgandhavilepanaŋ,||
seyyāvasathapadīpeyyaŋ.|| ||

So kāyassa bhedā paraŋ maraņā assānaŋ sahavyataŋ upapajjati.|| ||

So tattha lābhī hoti annassa pānassa mālā nānālaŋkārassa.|| ||

Idha brāhmaņa ekacco pāņātipātī hoti.|| ||

Adinnādāyī hoti,||
kāmesu micchācārī hoti,||
musāvādī hoti,||
pisunāvāco hoti,||
pharusavāco hoti,||
samphappalāpī hoti,||
abhijjhālū hoti,||
vyāpannacitto hoti,||
micchādiţţhiko hoti,||
so dātā hoti,||
samaņassa vā brāhmaņassa vā annaŋ pānaŋ vatthaŋ yānaŋ mālāgandhavilepanaŋ,||
seyyāvasathapadīpeyyaŋ.|| ||

So kāyassa bhedā paraŋ maraņā gunnaŋ sahavyataŋ upapajjati.|| ||

So tattha lābhī hoti annassa pānassa mālā nānālaŋkārassa.|| ||

Idha brāhmaņa ekacco pāņātipātī hoti.|| ||

Adinnādāyī hoti,||
kāmesu micchācārī hoti,||
musāvādī hoti,||
pisunāvāco hoti,||
pharusavāco hoti,||
samphappalāpī hoti,||
abhijjhālū hoti,||
vyāpannacitto hoti,||
micchādiţţhiko hoti,||
so dātā hoti,||
samaņassa vā brāhmaņassa vā annaŋ pānaŋ vatthaŋ yānaŋ mālāgandhavilepanaŋ,||
seyyāvasathapadīpeyyaŋ.|| ||

So kāyassa bhedā paraŋ maraņā kukkurānaŋ sahavyataŋ upapajjati.|| ||

So tattha lābhī hoti annassa pānassa mālā nānālaŋkārassa.|| ||

Yaŋ kho brahmaņa idha pāņātipātī,||
adinnādāyī,||
kāmesu micchācārī,||
musāvādī,||
pisunavāco,||
pharusavāco,||
samphappalāpī,||
abhijjhālū,||
[272] vyāpannacitto,||
micchādiţţhiko,||
so tena kāyassabhedā param maraņā kukkurānaŋ sahavyataŋ upapajjati.|| ||

Yaŋ ca kho so dātā hoti samaņassa vā brāhmaņassa vā annaŋ pānaŋ vatthaŋ yānaŋ mālāgandhavilepanaŋ,||
seyyāvasathapadīpeyyaŋ,||
tena so tattha lābhī hoti annassa pānassa mālā nānālaŋkārassa.|| ||

Idha pana brāhmaņa ekacco pāņātipātā paţivirato hoti,||
adinnādānā paţivirato hoti,||
kāmesu micchācārā paţivirato hoti,||
musā-vādā paţivirato hoti,||
pisunāvācā paţivirato hoti,||
pharusāya vācāya paţivirato hoti,||
samphappalāpā paţivirato hoti,||
anabhijjhālū hoti,||
avyāpannacitto hoti,||
sammādiţţhiko hoti.|| ||

So dātā hoti samaņassa vā brāhmaņassa vā annaŋ pānaŋ vatthaŋ yānaŋ mālāgandhavilepanaŋ seyyāvasathapadīpeyyaŋ.|| ||

So kāyassa bhedā paraŋ maraņā manussānaŋ sahavyataŋ upapajjati.|| ||

So tattha lābhī hoti mānusakānaŋ pañcannaŋ kāmaguņānaŋ.|| ||

Yaŋ kho brāhmaņa idha pāņātipātāpaţivirato hoti,||
adinnādānā paţivirato hoti,||
kāmesu micchācārā paţivirato hoti,||
musā-vādā paţivirato hoti,||
pisunāvācā paţivirato hoti,||
pharusāyavācāya paţivirato hoti,||
samphappalāpā paţivirato hoti,||
anabhijjhālū hoti,||
avyāpannacitto hoti,||
sammādiţţhiko.|| ||

Tena so kāyassa bhedā param maraņā manussānaŋ sahavyataŋ upapajjati,||
yañ ca kho so dātā hoti||
samaņassa vā brāhmaņassa vā annaŋ pānaŋ vatthaŋ yānaŋ mālāgandhavilepanaŋ seyyāvasathapadīpeyyaŋ.|| ||

Tena so tattha lābhī hoti||
mānusakānaŋ pañcannaŋ kāmaguņānaŋ.|| ||

Idha pana brāhmaņa ekacco pāņātipātā paţivirato hoti,||
adinnādānā paţivirato hoti,||
kāmesu micchācārā paţivirato hoti,||
musā-vādā paţivirato hoti,||
pisunāvācā paţivirato hoti,||
pharusāya vācāya paţivirato hoti,||
samphappalāpā paţivirato hoti,||
anabhijjhālū hoti,||
avyāpannacitto hoti,||
sammādiţţhiko hoti.|| ||

So dātā hoti samaņassa vā brāhmaņassa vā annaŋ pānaŋ vatthaŋ yānaŋ mālāgandhavilepanaŋ seyyāvasathapadīpeyyaŋ.|| ||

So kāyassa bhedā paraŋ maraņā devānaŋ sahavyataŋ upapajjati.|| ||

So tattha [273] lābhī hoti dibbānaŋ pañcannaŋ kāmaguņānaŋ.|| ||

Yaŋ kho brāhmaņa idha pāņātipātā paţivirato hoti,||
adinnādānā paţivirato hoti,||
kāmesumicchācārā paţivirato hoti,||
musā-vādā paţivirato hoti,||
pisunāvācā paţivirato hoti,||
pharusāya vācāya paţivirato hoti,||
samphappalāpā paţivirato hoti,||
anabhijjhālū hoti,||
avyāpannacitto hoti,||
sammādiţţhiko.|| ||

Tena so kāyassa bhedā paraŋ maraņā devānaŋ sahavyataŋ upapajjati.|| ||

Yañ ca kho so dātā hoti samaņassa vā brāhmaņassa vā annaŋ pānaŋ vatthaŋ yānaŋ mālāgandhavilepanaŋ seyyāvasathapadīpeyyaŋ,||
tena so tattha lābhī hoti dibbānaŋ pañcannaŋ kāmaguņānaŋ.|| ||

Api ca brāhmaņa,||
dāyako pi anipphalo ti.|| ||

Acchariyaŋ bho Gotama,||
abbhūtaŋ bho Gotama,||
yāvañ c'idaŋ bho Gotama alam eva dānāni dātuŋ,||
alaŋ saddhāni kātuŋ,||
yatrahi nāma dāyako pi anipphalo hoti.|| ||

Eva me taŋ brāhmaņa,||
evam etaŋ brāhmaņa,||
dāyakopi hi brāhmaņa anipphalo hoti.|| ||

Abhikkantaŋ bho Gotama abhikkantaŋ bho Gotama.|| ||

seyyathā pi bho Gotama,||
nikkujjitaŋ vā ukkujjeyya paţicchannaŋ vā vivareyya,||
mūļhassa vā maggaŋ ācikkheyya,||
andhakāre vā telapajjotaŋ dhāreyya cakkhumanto rūpāni dakkhinti.|| ||

Evam evaŋ bhotā Gotamena aneka-pariyāyena dhammo pakāsito.|| ||

Ete mayaŋ bhavantaŋ Gotamaŋ saraņaŋ gacchāma dhammañca bhikkhu-saŋghañ ca.|| ||

Upāsakaŋ maŋ bhavaŋ Gotamo dhāretu ajjatagge pāņupetaŋ saraņaŋ gatanti.|| ||

Jāņussoņīvaggo dutiyo.

 


Contact:
E-mail
Copyright Statement   Webmaster's Page