Saṃyutta Nikāya
II. Nidāna Vagga
21. Bhikkhu Saṃyutta
Sutta 7
Visākha Pañcāli-Putta Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][rhyc][bodh] EVAṂ ME SUTAṂ:|| ||
Ekaṃ samayaṃ Bhagavā Vesāliyaṃ viharati||
Mahāvane Kūṭāgāra-sālāyaṃ.|| ||
[2][rhyc] Tena kho pana samayen'āyasmā Visākho Pañcālaputto upaṭṭhāna-sālāyaṃ bhikkhū dhamm-i-kāyā kathāya sandesseti sam-ā-dapeti samuttejeti sampahaṃseti,||
poriyā vācāya vissaṭhāya anelaga'āya atthassa viññāpaniyā pariyāpannāya anissitāya.|| ||
[3][rhyc] Atha kho Bhagavā sāyaṇha samayaṃ patisallānā vuṭṭhito yena upaṭṭhānasālā ten'upasaṅkami.|| ||
Upasaṅkamitvā paññatte āsane nisīdi.|| ||
[4][rhyc] Nisajja kho Bhagavā bhikkhū āmantesi:|| ||
"Ko nu kho bhikkhave,||
upaṭṭhāna-sālāyaṃ bhikkhū dhammiyā kathāya||
sandesseti||
sam-ā-dapeti||
samuttejeti||
sampahaṃseti,||
poriyā vācāya vissaṭṭhāya anelaga'āya atthassa viññāpaniyā pariyāpannāya anissitāya" ti?|| ||
[5][rhyc] "Āyasmā bhante, Visākho Pañcālaputto upaṭṭhāna-sālāyaṃ bhikkhū dhammiyā kathāya||
sandessati||
sam-ā-dapeti||
samuttejeti||
sampahaṃseti,||
poriyā vācāya visisaṭṭhāya anelaga'āya atthassa viññāpaniyā pariyāpannāya anissitāyā" ti.|| ||
[6][rhyc] Atha kho Bhagavā āyasmantaṃ Visākhaṃ Paācāliputtaṃ āmantesi:|| ||
"Sādhu, sādhu, Visākha.|| ||
Sādhu kho tvaṃ Visākha,||
bhikkhū dhammiyā kathāya||
sandassesi||
samādapesi||
samuttejesi||
sampahaṃsesi,||
poriyā vācāya vissaṭṭhāya anelaga'āya atthassa viññāpaniyā pariyāpannāya anissitāyā" ti.|| ||
[7][rhyc] Idam avoca Bhagavā.|| ||
Idaṃ vatvāna Sugato athāparaṃ etad avoca Satthā:|| ||
Na bhāsa-mānaṃ jānanti||
missaṃ bālehi paṇḍitaṃ,||
bhāsa-mānañ ca jānanti||
desentaṃ amataṃ padaṃ.|| ||
Bhāsaye jotaye dhammaṃ||
paggaṇhe isinaṃ dhajaṃ,||
su-bhāsitadhajā isayo||
dhammo hi isinaṃ dhajo' ti.|| ||
