Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Mobile (āīūŋńñţđņļ). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Saŋyutta Nikāya
3. Khandha Vagga
22. Khandha Saŋyutta
2. Anicca Vagga

Sutta 18

Paţhama Hetu Suttaŋ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[23]

[1][pts][bodh] Evaŋ me sutaŋ.|| ||

Ekaŋ samayaŋ Bhagavā Sāvatthiyaŋ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuŋ|| ||

Bhagavā etad avoca:|| ||

"Rūpaŋ bhikkhave aniccaŋ.|| ||

Yo pi hetu||
yo pi paccayo||
rūpassa uppādāya,||
so pi anicco.|| ||

Anicca-sambhūtaŋ bhikkhave,||
rūpaŋ kuto niccaŋ bhavissati?|| ||

"Vedanā bhikkhave aniccaŋ.|| ||

Yo pi hetu||
yo pi paccayo||
vedanāya uppādāya,||
so pi anicco.|| ||

Anicca-sambhūtaŋ bhikkhave,||
vedanā kuto niccaŋ bhavissati?|| ||

"Saññā bhikkhave aniccaŋ.|| ||

Yo pi hetu||
yo pi paccayo||
saññāāya uppādāya,||
so pi anicco.|| ||

Anicca-sambhūtaŋ bhikkhave,||
saññā kuto niccaŋ bhavissati?|| ||

"Sankhārā bhikkhave aniccaŋ.|| ||

Yo pi hetu||
yo pi paccayo||
sankhāresu uppādāya,||
so pi anicco.|| ||

Anicca-sambhūtaŋ bhikkhave,||
sankhārā kuto niccaŋ bhavissati?|| ||

"Viññāņam bhikkhave aniccaŋ.|| ||

Yo pi hetu||
yo pi paccayo||
viññāņassa uppādāya,||
so pi anicco.|| ||

Anicca-sambhūtaŋ bhikkhave,||
viññāņaŋ kuto niccaŋ bhavissati?|| ||

Evaŋ passaŋ bhikkhave, sutavā ariyasāvako||
rūpasmim pi nibbindati,||
vedanāya pi nibbindati,||
saññāya pi nibbindati||
saŋkhāresu pi nibbindati,||
viññāņasmim pi nibbindati.|| ||

Nibbindaŋ virajjati,||
virāgā vimuccati,||
vimuttasmiŋ vimuttamiti||
ñāņaŋ hoti:|| ||

'Khīņā jāti||
vusitaŋ brahmacariyaŋ||
kataŋ karaņīyaŋ||
nāparaŋ itthattāyā' ti pajānātī" ti.|| ||

 


Contact:
E-mail
Copyright Statement   Webmaster's Page