Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Mobile (āīūŋńñţđņļ). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Saŋyutta Nikāya
IV. Saļāyatana Vagga
35: Saļāyatana Saŋyutta
Paññāsaka Tatiya
4. Devadaha Vagga

Sutta 135

Khaņa (aka Saŋgayha) Suttaŋ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than][bodh] Evaŋ me sutaŋ:|| ||

Ekaŋ samayaŋ Bhagavā sakkesu viharati devadahaŋ nāma Sakyānaŋ nigamo.|| ||

Tatra kho Bhagavā bhikkhū āmantesi:|| ||

Lābhā vo bhikkhave,||
suladdhaŋ vo bhikkhave,||
khaņo vo paţiladdho brahmacariyāvāsāya.|| ||

Diţţhā mayā bhikkhave cha phassāyatanikā nāma nirayā.|| ||

Tattha yaŋ kiñci cakkhunā rūpaŋ passati||
aniţţharūpaŋ yeva passati no iţţharūpaŋ||
akantarūpaŋ yeva passati no kantarūpaŋ||
amanāparūpaŋ yeva passati no manāparūpaŋ.|| ||

Yaŋ kiñci sotena saddaŋ suņāti||
aniţţharūpaŋ yeva passati no iţţharūpaŋ||
akantarūpaŋ yeva passati no kantarūpaŋ||
amanāparūpaŋ yeva passati no manāparūpaŋ.|| ||

Yaŋ kiñci ghānena gandhaŋ ghāyati||
aniţţharūpaŋ yeva passati no iţţharūpaŋ||
akantarūpaŋ yeva passati no kantarūpaŋ||
amanāparūpaŋ yeva passati no manāparūpaŋ.|| ||

Yaŋ kiñci jivhāya rasaŋ sāyati||
aniţţharūpaŋ yeva passati no iţţharūpaŋ||
akantarūpaŋ yeva passati no kantarūpaŋ||
amanāparūpaŋ yeva passati no manāparūpaŋ.|| ||

Yaŋ kiñci kāyena phoţţhabbaŋ phusati||
aniţţharūpaŋ yeva passati no iţţharūpaŋ||
akantarūpaŋ yeva passati no kantarūpaŋ||
amanāparūpaŋ yeva passati no manāparūpaŋ.|| ||

Yaŋ kiñci manasā dhammaŋ vijānāti||
aniţţharūpaŋ yeva passati no iţţharūpaŋ||
akantarūpaŋ yeva passati no kantarūpaŋ||
amanāparūpaŋ yeva passati no manāparūpaŋ.|| ||

Lābhā vo bhikkhave,||
suladdhaŋ vo bhikkhave,||
khaņo vo paţiladdho brahmacariyavāsāya.|| ||

 


 

Diţţhā mayā bhikkhave cha phassāyatanikā nāma saggā.|| ||

Tattha yaŋ kiñci cakkhunā rūpaŋ passati||
iţţharūpaŋ yeva passati no aniţţharūpaŋ,||
kantarūpaŋ yeva passati no akantarūpaŋ,||
manāparūpaŋ yeva passati no amanāparūpaŋ.|| ||

Yaŋ kiñci sotena saddaŋ suņāti||
iţţharūpaŋ yeva passati no aniţţharūpaŋ,||
kantarūpaŋ yeva passati no akantarūpaŋ,||
manāparūpaŋ yeva passati no amanāparūpaŋ.|| ||

Yaŋ kiñci ghānena gandhaŋ ghāyati||
iţţharūpaŋ yeva passati no aniţţharūpaŋ,||
kantarūpaŋ yeva passati no akantarūpaŋ,||
manāparūpaŋ yeva passati no amanāparūpaŋ.|| ||

Yaŋ kiñci jivhāya rasaŋ sāyati||
iţţharūpaŋ yeva passati no aniţţharūpaŋ,||
kantarūpaŋ yeva passati no akantarūpaŋ,||
manāparūpaŋ yeva passati no amanāparūpaŋ.|| ||

Yaŋ kiñci kāyena phoţţhabbaŋ phusati||
iţţharūpaŋ yeva passati no aniţţharūpaŋ,||
kantarūpaŋ yeva passati no akantarūpaŋ,||
manāparūpaŋ yeva passati no amanāparūpaŋ.|| ||

Yaŋ kiñci manasā dhammaŋ vijānāti||
iţţharūpaŋ yeva passati no aniţţharūpaŋ,||
kantarūpaŋ yeva passati no akantarūpaŋ,||
manāparūpaŋ yeva passati no amanāparūpaŋ.|| ||

Lābhā vo bhikkhave,||
suladdhaŋ vo bhikkhave,||
khaņo vo paţiladdho brahmacariyavāsāyā" ti.|| ||

 


Contact:
E-mail
Copyright Statement   Webmaster's Page