Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Mobile (āīūŋńñţđņļ). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Saŋyutta Nikāya
IV. Saļāyatana Vagga
35: Saļāyatana Saŋyutta
Paññāsaka Tatiya
4. Devadaha Vagga

Sutta 137

Paţhama Palāsinā Suttaŋ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evaŋ me sutaŋ:|| ||

Ekaŋ samayaŋ Bhagavā Sāvatthiyaŋ viharati Jetavane Anāthapiņđikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuŋ.|| ||

3. Bhagavā etad avoca:|| ||

"Yaŋ bhikkhave na tumhākaŋ taŋ pajahatha, taŋ vo pahīnaŋ hitāya sukhāya bhavissati|| ||

Kiñca bhikkhave na tumhākaŋ?|| ||

Cakkhuŋ bhikkhave na tumhākaŋ.|| ||

Taŋ pajahatha.|| ||

Taŋ vo pahīnaŋ hitāya sukhāya bhavissati.|| ||

Sotaŋ na tumhākaŋ.|| ||

Taŋ pajahatha.|| ||

Sā vo pahīnā hitāya sukhāya bhavissati.|| ||

Saddā na tumhākaŋ.|| ||

Te pajahatha.|| ||

Te vo pahīnā hitāya sukhāya bhavissanti.|| ||

Ghānaŋ na tumhākaŋ.|| ||

Taŋ pajahatha.|| ||

Sā vo pahīnā hitāya sukhāya bhavissati.|| ||

Jivhā na tumhākaŋ.|| ||

Taŋ pajahatha.|| ||

Sā vo pahīnā hitāya sukhāya bhavissati.|| ||

Kāyo na tumhākaŋ.|| ||

Taŋ pajahatha.|| ||

Sā vo pahīnā hitāya sukhāya bhavissati.|| ||

Mano na tumhākaŋ.|| ||

Taŋ pajahatha.|| ||

Taŋ vo pahīnaŋ hitāya sukhāya bhavissati.|| ||

 


 

Seyyathā pi, bhikkhave, yaŋ imasmiŋ Jetavane tiņakaţţhasākhāpalāsaŋ,||
taŋ jano hareyya vā||
đaheyya vā||
yathāppaccayaŋ vā kareyya,||
api nu tumhākaŋ evam assa:|| ||

'Amhe jano harati||
vā đahati||
vā yathāppaccayaŋ vā||
karotī'" ti?|| ||

"No h'etaŋ bhante.|| ||

Taŋ kissa hetu?|| ||

Na hi no h'etaŋ bhante attā vā attaniyaŋ vā" ti.|| ||

Evam eva kho bhikkhave cakkhuŋ na tumhākaŋ.|| ||

Taŋ pajahatha.|| ||

Taŋ vo pahīnaŋ hitāya sukhāya bhavissati.|| ||

Sotaŋ na tumhākaŋ.|| ||

Taŋ pajahatha.|| ||

Sā vo pahīnā hitāya sukhāya bhavissati.|| ||

Saddā na tumhākaŋ.|| ||

Te pajahatha.|| ||

Te vo pahīnā hitāya sukhāya bhavissanti.|| ||

Ghānaŋ na tumhākaŋ.|| ||

Taŋ pajahatha.|| ||

Sā vo pahīnā hitāya sukhāya bhavissati.|| ||

Gandhā na tumhākaŋ.|| ||

Te pajahatha.|| ||

Te vo pahīnā hitāya sukhāya bhavissanti.|| ||

Jivhā na tumhākaŋ.|| ||

Taŋ pajahatha.|| ||

Sā vo pahīnā hitāya sukhāya bhavissati.|| ||

Kāyo na tumhākaŋ.|| ||

Taŋ pajahatha.|| ||

Sā vo pahīnā hitāya sukhāya bhavissati.|| ||

Phoţţhabbā na tumhākaŋ.|| ||

Te pajahatha.|| ||

Te vo pahīnā hitāya sukhāya bhavissati.|| ||

Mano na tumhākaŋ.|| ||

Taŋ pajahatha.|| ||

Taŋ vo pahīnaŋ hitāya sukhāya bhavissati" ti.|| ||

 


Contact:
E-mail
Copyright Statement   Webmaster's Page