Saṃyutta Nikāya
5. Mahā-Vagga
46. Bojjhaṅga Saṃyutta
5. Cakka-Vatti Vagga
Sutta 41
Vidhā Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evam me sutaṃ:|| ||
Ekaṃ samayam Bhagavā Sāvatthiyaṃ viharati Jetavane Anāthapindikassa ārāme.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Ye hi keci bhikkhave, atītam addhānaṃ||
samaṇā vā brāhmaṇā vā||
tisso vidhā pajahiṃsu||
sabbe te sattannaṃ bojjh'aṅgānaṃ bhāvittatā||
bahulī-kattatā.|| ||
Ye hi keci bhikkhave, anāgatam addhānaṃ samaṇā vā brāhmaṇā vā tisso vidhā pajahissanti||
sabbe te sattannaṃ bojjh'aṅgānaṃ bhāvittatā||
bahulī-katattā.|| ||
Ye hi keci bhikkhave, etarahi samaṇā vā brāhmaṇā vā tisso vidhā pajahanti,||
sabbe te sattannaṃ bojjh'aṅgānaṃ bhāvittatā||
bahulī-kattatā.|| ||
■
Katamesaṅ sattannaṃ?|| ||
Sati-sambojjh'aṅgassa||
dhamma-vicaya-sambojjh'aṅgassa||
viriya-sambojjh'aṅgassa||
pīti-sambojjh'aṅgassa||
passaddhi-sambojjh'aṅgassa||
samādhi-sambojjh'aṅgassa||
upekhā-sambojjh'aṅgassa.|| ||
■
Ye hi keci bhikkhave, atītam addhānaṃ samaṇā vā brāhmaṇā vā tisso vidhā pajahiṃsu,||
sabbe te imesaṅ sattannaṃ bojjh'aṅgānaṃ bhāvittatā||
bahulī-katattā.|| ||
Ye hi keci bhikkhave, anāgatam addhānaṃ samaṇā vā brāhmaṇā vā tisso vidhā pajahissanti,||
sabbe te imesaṅ sattannaṃ bojjh'aṅgānaṃ bhāvittatā||
bahulī-katattā.|| ||
Ye hi keci bhikkhave, etarahi samaṇā vā brāhmaṇā vā tisso vidhā pajahanti,||
sabbe te imesaṅ ca sattannaṃ bojjh'aṅgānaṃ bhāvittatā||
bahulī-katattā" ti.|| ||
