Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saṃyutta Nikāya
5. Mahā-Vagga
54. Ānāpāna Saṃyutta
1. Eka-Dhamma Vagga

Sutta 5

Dutiya Phalā Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[314]

[1-2][pts][bodh][olds] Evam me sutaṃ:|| ||

Ekaṃ samayam Bhagavā Sāvatthiyaṃ viharati||
Jetavane Anāthapindikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

"Ānāpāna-sati bhikkhave||
bhāvitā||
bahulī-katā||
maha-p-phalā hoti||
mahā-nisaṃsā.|| ||

Kathaṃ bhāvitā ca bhikkhave||
ānāpāna-sati||
kathaṃ bahulī-katā||
maha-p-phalā hoti||
mahā-nisaṃsā?|| ||

[4] Idha, bhikkhave, bhikkhū arañña-gato vā||
rukkha-mūla-gato vā||
suññāta-gato vā||
nisīdati pallaṅkaṃ ābhujitvā ujuṃ kāyaṃ paṇidhāya||
parimukhaṃ satiṃ upaṭṭha-petvā||
so sato va assasati||
sato va passasati.|| ||

[5] Dīghaṃ vā assasanto dīghaṃ assasāmī' ti pajānāti.|| ||

Dīghaṃ vā passasanto 'dīghaṃ passasāmī' ti pajānāti.|| ||

Rassaṃ vā assasanto 'rassaṃ assasāmī' ti pajānāti.|| ||

Rassaṃ vā passasanto 'rassaṃ passasāmī' ti pajānāti.|| ||

[6] 'Sabba-kāya-paṭisaṃvedī assasissāmī' ti sikkhati.|| ||

'Sabba-kāya-paṭisaṃvedī passissāmī' ti sikkhati.|| ||

'Passam-bhayaṃ kāya-saṅkhāraṃ assasissāmī' ti sikkhati.|| ||

'Passam-bhayaṃ kāya-saṅkhāraṃ passasissāmī' ti sikkhati.|| ||

[7] 'Pīti-paṭisaṃvedī assasissāmī' ti sikkhati.|| ||

'Pīti-paṭisaṃvedī passasissāmī' ti sikkhati.|| ||

'Sukha-paṭisaṃvedī assasissāmī' ti sikkhati.|| ||

'Sukha-paṭisaṃvedī passasissāmī' ti sikkhati.|| ||

'Citta-saṅkhāra-paṭisaṃvedī assasissāmī' ti sikkhati.|| ||

'Citta-saṅkhāra-paṭisaṃvedī passasissāmī' ti sikkhati.|| ||

'Passam-bhayaṃ citta-saṅkhāraṃ assasissāmī' ti sikkhati.|| ||

'Passam-bhayaṃ citta-saṅkhāraṃ passasissāmī' ti sikkhati.|| ||

[8] 'Citta-saṅkhāra-paṭisaṃvedī assasissāmī' ti sikkhati.|| ||

'Citta-saṅkhāra-paṭisaṃvedī passasissāmī' ti sikkhati.|| ||

'Passam-bhayaṃ citta-saṅkhāraṃ assasissāmī' ti sikkhati.|| ||

'Passam-bhayaṃ citta-saṅkhāraṃ passasissāmī' ti sikkhati.|| ||

'Citta-paṭisaṃvedī assasissāmī' ti sikkhati.|| ||

'Citta-paṭisaṃvedī passasissāmī' ti sikkhati.|| ||

[9] 'Abhi-p-pamodayaṃ cittaṃ assasissāmī' ti sikkhati.|| ||

'Abhi-p-pamodayaṃ cittaṃ passasissāmī' ti sikkhati.|| ||

'Samādahaṃ cittaṃ assasissāmī' ti sikkhati.|| ||

'Samādahaṃ cittaṃ passasissāmī' ti sikkhati.|| ||

'Vimocayaṃ cittaṃ assasissāmī' ti sikkhati.|| ||

'Vimocayaṃ cittaṃ passasissāmī' ti sikkhati.|| ||

[10] 'Anicc-ā-nupassī assasissāmī' ti sikkhati.|| ||

'Anicc-ā-nupassī passasissāmī' ti sikkhati.|| ||

Virāg-ā-nupassī assasissāmī' ti sikkhati.|| ||

Virāg-ā-nupassī passasissāmī' ti sikkhati.|| ||

Nirodh-ā-nupassī assasissāmī' ti sikkhati.|| ||

Nirodh-ā-nupassī passasissāmī' ti sikkhati.|| ||

Paṭinissagg-ā-nupassī passasissāmī' ti sikkhati.|| ||

Paṭinissagg-ā-nupassī passasissāmī' ti sikkhati.|| ||

[11] Evaṃ bhāvitā kho bhikkhave,||
ānāpāna-sati||
evaṃ bahuḷī-katā||
maha-p-phalā hoti||
mahā-nisaṃsā.|| ||

[12] Evam bhāvitāya kho bhikkhave||
ānāpāna-satiyā||
evam bahuḷī-katāya||
satta phalā||
satt-ā-nisaṃsā||
paṭikaṇkhās.|| ||

Katame satta phalā satt-ā-nisaṃsā?|| ||

[13] Diṭṭheva dhamme paṭigacca aññaṃ ārādheti.|| ||

No ce diṭṭhe'va dhamme paṭigacca aññaṃ ārādheti,||
atha maraṇa-kāle aññaṃ ārādheti.|| ||

No ce diṭṭhe'va dhamme paṭigacca aññaṃ ārādheti,||
no ce maraṇa-kāle aññaṃ ārādheti||
atha pañcantaṃ ora-m-bhāgiyānaṃ saṃyojanānaṃ pari-k-khayā antarā parinibbāyī hoti.|| ||

No ce diṭṭhe'va dhamme paṭigacca aññaṃ ārādheti,||
no ce maraṇa-kāle aññaṃ ārādheti,||
no atha pañcantaṃ ora-m-bhāgiyānaṃ saṃyojanānaṃ pari-k-khayā antarā parinibbāyī hoti,||
upahacca-parinibbāyī hoti.|| ||

No ce diṭṭhe'va dhamme paṭigacca aññaṃ ārādheti,||
no ce maraṇa-kāle aññaṃ ārādheti,||
no atha pañcantaṃ ora-m-bhāgiyānaṃ saṃyojanānaṃ pari-k-khayā,||
antarā parinibbāyī hoti,||
no upahacca-parinibbāyī hoti,||
asaṅkhāra-parinibbāyī hoti.|| ||

No ce diṭṭhe'va dhamme paṭigacca aññaṃ ārādheti,||
no ce maraṇa-kāle aññaṃ ārādheti,||
no atha pañcantaṃ ora-m-bhāgiyānaṃ saṃyojanānaṃ pari-k-khayā,||
antarā parinibbāyī hoti,||
no upahacca-parinibbāyī hoti,||
no asaṅkhāra-parinibbāyī hoti,||
sa-saṅkhāra-parinibbāyī hoti.|| ||

No ce diṭṭhe'va dhamme paṭigacca aññaṃ ārādheti,||
no ce maraṇa-kāle aññaṃ ārādheti,||
no atha pañcantaṃ ora-m-bhāgiyānaṃ saṃyojanānaṃ pari-k-khayā,||
antarā parinibbāyī hoti,||
no upahacca-parinibbāyī hoti,||
no asaṅkhāra-parinibbāyī hoti,||
no sa-saṅkhāra-parinibbāyī hoti,||
uddhaṃ-soto hoti Akaniṭṭha-gāmī.|| ||

[14] Evaṃ bhāvitāya kho bhikkhave,||
ānāpāna-satiyā||
evaṃ bahulī-katāya||
ime satta-phalā||
satt-ā-nisaṃsā pāṭikaṅkhā" ti.|| ||

 


Contact:
E-mail
Copyright Statement