Abhidhamma Pitaka


[Home]  [Sutta Indexes]  [Glossology]  [Site Sub-Sections]


 

Puggala-Paññatti
Edited by Richard Morris, M.A., LL.D.
Chapter 5: Pañca Puggalā

§ 5.1
[pts]

Ō The Pali Text Society

 


 

Tatra yvāyaṃ puggalo ārabhati ca vippaṭisārī ca hoti tañ ca ceto-vimuttiṃ paññā-vimuttiṃ yathā-bhūtaṃ na-p-pajānāti yatth'assa te uppannā pāpakā akusalā dhammā aparisesā nirujjhanti, so evaṃ assa vacanīyo: - āyasmato kho ārambhajā āsavā saṃvijjanti vippaṭi-sārajā āsavā pavaḍḍhanti, sādhu vatāyasmā ārambhaje āsave pahāya vippaṭisāraje āsave paṭivinodetvā cittaṃ paññañ ca bhāvetu, evam āyasmā, amunā pañcamena puggalena samasamo bhavissatī ti.|| ||

Tatra yvāyaṃ puggalo ārabhati na vippaṭisārī hoti tañ ca ceto-vimuttiṃ paññā-vimuttiṃ yathā-bhūtaṃ na-p-pajānāti yatth'assa te uppannā pāpakā akusalā dhammā aparisesā nirujjhanti so evaṃ assa vacanīyo: - āyasmato kho ārambhajā āsavā samvijjanti vippaṭi-sārajā āsavā nappavaḍḍhanti, sādhu vatāyasmā ārambhajā āsave pahāya cittaṃ paññañ ca bhāvetu, evam āyasmā amunā pañcamena puggalena samasamo bhavissatī ti.|| ||

Tatra yvdyam puggalo na ārabhati vippaṭisārī hoti tañ ca ceto-vimuttiṃ paññā-vimuttiṃ yathā-bhūtaṃ na-p-pajānāti yatth'assa te uppannā pāpakā akusalā dhammā aparisesā nirujjhanti, so evaṃ assa vacanīyo: - āyasmato kho ārambhajā āsavā na samvijjanti vippaṭi-sārajā āsavā pavaḍḍhanti, sādhu vatāyasmā vippatisaraje āsave pativinodetva cittaṃ paññañ ca bhāvetu, evam āyasmā amunā pañcamena puggalena samasamo bhavissatī ti.|| ||

Tatra yvdyam puggalo na ārabhati na vippaṭisārī hoti tañ ca ceto-vimuttiṃ paññā-vimuttiṃ yathā-bhūtaṃ na-p-pajānāti yatth'assa te uppannā pāpakā akusalā dhammā aparisesā nirujjhanti, so evaṃ assa vacanīyo: - āyasmato kho ārambhajā āsavā na samvijjanti vippaṭi-sārajā āsavā nappavaḍḍhanti, sādhu vatāyasmā cittaṃ paññañ ca bhāvetu, evam āyasmā amunā pañcamena puggalena samasamo bhavissatī ti.|| ||

Ime cattaro puggala amunā pañcamena puggalena evaṃ ovadiyamānā evam anusasiyamānā anupubbena āsavānaṃ khayam pāpuṇanti.|| ||

 


Contact:
E-mail
Copyright Statement