Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
II. Dukanipaata

I. I. Kammakaara.na Vagga

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[47]

Namo tassa Bhagavato arahato sammaa sambuddhassa

Sutta 1

Vajjasutta.m

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

Bhikkhavo ti!|| ||

Bhadante ti te bhikkhuu Bhagavato paccassosu.m.|| ||

Bhagavaa etad avoca:|| ||

Dve'maani bhikkhave vajjaani.|| ||

Katamaani dve?|| ||

Di.t.thadhammika~n ca vajja.m,||
samparaayika~nca vajja.m.|| ||

Katama~n ca bhikkhave di.t.thadhammika.m vajja.m?|| ||

Idha, bhikkhave, ekacco passati cora.m aagucaari.m raajaano gahetvaa vividhaa kammakaara.naa kaarente,||
kasaahi pi taa'ente,||
vettehi pi taa'ente,||
addhada.n.dakehi pi taa'ente,||
hattham pi chindante,||
paadam pi chindante,||
hatthapaadam pi chindante,||
ka.n.nam pi chindante,||
naasam pi chindante,||
ka.n.nanaasam pi chindante,||
bila'ngathaalikam pi karonte,||
sa'nkhamu.n.dikam pi karonte,||
raahumukham pi karonte,||
jotimaalikam pi karonte,||
hatthapajjotikam pi karonte,||
erakavattikam pi karonte,||
[48] ciirakavaasikam pi karonte,||
e.neyyakam pi karonte,||
balisama.msikam pi karonte,||
kahaapa.nakam pi karonte,||
khaaraapatacchikam pi karonte,||
palighaparivattikam pi karonte,||
palaalapi.thikam pi karonte,||
tattena pi telena osi~ncante,||
sunakhehi pi khaadaapente,||
jiivantam pi suule uttaasente,||
asinaa pi siisa.m chindante.|| ||

Tassa eva.m hoti:||
yathaaruupaana.m kho paapakaana.m kammaana.m hetu cora.m aagucaari.m raajaano gahetvaa vividhaa kammakaara.naa kaarenti,||
kasaahi pi taa'ente,||
vettehi pi taa'ente,||
addhada.n.dakehi pi taa'ente,||
hattham pi chindante,||
paadam pi chindante,||
hatthapaadam pi chindante,||
ka.n.nam pi chindante,||
naasam pi chindante,||
ka.n.nanaasam pi chindante,||
bila'ngathaalikam pi karonte,||
sa'nkhamu.n.dikam pi karonte,||
raahumukham pi karonte,||
jotimaalikam pi karonte,||
hatthapajjotikam pi karonte,||
erakavattikam pi karonte,||
ciirakavaasikam pi karonte,||
e.neyyakam pi karonte,||
balisama.msikam pi karonte,||
kahaapa.nakam pi karonte,||
khaaraapatacchikam pi karonte,||
palighaparivattikam pi karonte,||
palaalapi.thikam pi karonte,||
tattena pi telena osi~ncante,||
sunakhehi pi khaadaapente,||
jiivantam pi suule uttaasente,||
asinaa pi siisa.m chindante.|| ||

Aha.m ce va kho pana evaruupa.m paapakamma.m kareyya.m,||
mam pi raajaano gahetvaa evaruupaa vividhaa kammakaara.naa kaareyyu.m,||
kasaahi pi taa'ente,||
vettehi pi taa'ente,||
addhada.n.dakehi pi taa'ente,||
hattham pi chindante,||
paadam pi chindante,||
hatthapaadam pi chindante,||
ka.n.nam pi chindante,||
naasam pi chindante,||
ka.n.nanaasam pi chindante,||
bila'ngathaalikam pi karonte,||
sa'nkhamu.n.dikam pi karonte,||
raahumukham pi karonte,||
jotimaalikam pi karonte,||
hatthapajjotikam pi karonte,||
erakavattikam pi karonte,||
ciirakavaasikam pi karonte,||
e.neyyakam pi karonte,||
balisama.msikam pi karonte,||
kahaapa.nakam pi karonte,||
khaaraapatacchikam pi karonte,||
palighaparivattikam pi karonte,||
palaalapi.thikam pi karonte,||
tattena pi telena osi~ncante,||
sunakhehi pi khaadaapente,||
jiivantam pi suule uttaasente,||
asinaa pi siisa.m chindeyyunti.|| ||

So di.t.thadhammikassa vajjassa bhiito na paresa.m paabhata.m palumpanno carati.|| ||

Ida.m vuccati bhikkhave di.t.thadhammika.m vajja.m.|| ||

Katama~n ca bhikkhave samparaayika.m vajja.m:|| ||

Idha, bhikkhave, ekacco iti pa.tisa~ncikkhati:||
kaayaduccaritassa kho paapako vipaako abhisamparaaya.m,||
vaciiduccaritassa kho paapako vipaako abhisamparaaya.m,||
manoduccaritassa kho paapako vipaako abhisamparaaya.m.|| ||

Aha.m ce va kho pana kaayena duccarita.m careyya.m,||
vaacaaya duccarita.m careyya.m,||
manasaa duccarita.m careyya.m,||
ki~n ca ta.m,||
yenaaga.m na kaayassa bhedaa param mara.naa apaaya.m duggati.m vinipaata.m Niraya.m upapajjeyyan ti.|| ||

[49] So samparaayikassa vajjassa bhiito kaayaduccarita.m pahaaya kaayasucarita.m bhaaveti,||
vaciiduccarita.m pahaaya vaciisucarita.m bhaaveti,||
mano-duccarita.m pahaaya mano-sucarita.m bhaaveti,||
suddha.m attaana.m pariharati.|| ||

Ida.m vuccati bhikkhave samparaayika.m vajja.m.|| ||

Imaani kho bhikkhave dve vajjaani.|| ||

Tasmaat iha bhikkhave eva.m sikkhitabba.m:||
di.t.thadhammikassa vajjassa bhaayissaama,||
samparaayikassa vajjassa bhaayissaama.|| ||

Vajjabhiiruno bhavissaama vajjabhayadassaavino ti.|| ||

Eva.m hi vo bhikkhave sikkhitabba.m.|| ||

Vajjabhiiruno bhikkhave vajja-bhayadassaavino eta.m paa.tika'nkha.m,||
ya.m parimuccissati sabbavajjehii ti.|| ||

 

§

 

Sutta 2

Padhaanasutta.m

[2][pts] Dve'maani bhikkhave padhaanaani durabhisambhavaani lokasmi.m.|| ||

Katamaani dve?|| ||

Ya~n ca gihiina.m agaara.m ajjhaavasara.m ciivara-pi.n.dapaata-senaasana-gilaana-paccaya-bhesajja-parikkhaaraanuppadaanattha.m padhaana.m,||
ya~n ca agaarasmaa anagaariya.m pabbajitaana.m sabbuupadhi-pa.tinissaggatthaaya padhaana.m.|| ||

Imaani kho bhikkhave dve padhaanaani durabhisa.mbhavaani lokasmi.m.|| ||

Etad agga.m bhikkhave imesa.m dvinna.m padhaanaana.m yad ida.m sabbuupadhi-pa.tinissaggattha.m padhaana.m.|| ||

Tasmaat iha bhikkhave eva.m sikkhitabba.m:||
sabbuupadhi-pa.tinissaggattha.m padhaana.m padahissaamaa ti.|| ||

Eva.m hi vo bhikkhave sikkhitabban ti.|| ||

 

§

 

Sutta 3

Tapaniiyasutta.m

[3][pts] Dve'me bhikkhave dhammaa tapaniiyaa.|| ||

Katame dve?|| ||

Idha, bhikkhave, ekaccassa kaayaduccarita.m kata.m hoti,||
akata.m hoti kaayasucarita.m;||
vaciiduccarita.m kata.m hoti,||
akata.m hoti vaciisucarita.m;||
manoduccarita.m kata.m hoti,||
akata.m hoti mano-sucarita.m.|| ||

So kaayaduccarita.m me katan ti tappati,||
akata.m me kaayasucaritan ti tappati,||
vaciiduccarita.m me katan ti tappati,||
akata.m me vaciisucaritanti tappati;||
manoduccarita.m me katan ti tappati,||
akata.m me manosucaritanti tappati.|| ||

Ime kho bhikkhave dve dhammaa tapaniiyaa ti.|| ||

 

§

 

Sutta 4

Atapaniiyasutta.m

[4][pts] Dve'me bhikkhave dhammaa atapaniiyaa.|| ||

[50] Katame dve?|| ||

Idha, bhikkhave, ekaccassa kaayasucarita.m kata.m hoti,||
akata.m hoti kaayaduccarita.m;||
vaciisucarita.m kata.m hoti,||
akata.m hoti vaciiduccarita.m;||
manosucarita.m kata.m hoti,||
akata.m hoti mano-duccarita.m;

So kaayasucarita.m me katan ti na tappati,||
akata.m me kaayaduccaritan ti na tappati,||
vaciisucarita.m me katan ti na tappati,||
akata.m me vaciiduccaritan ti na tappati;||
manosucarita.m me kattan ti na tappati,||
akata.m me manoduccaritanti na tappati.|| ||

Ime kho bhikkhave dve dhammaa atapaniiyaa ti.|| ||

 

§

 

Sutta 5

Upa~n~naata Sutta.m

[5][pts][than] Dvinnaaha.m bhikkhave dhammaana.m upa~n~naasi.m:||
yaa ca asantu.t.thitaa kusalesu dhammesu,||
yaa ca appa.tivaa.nitaa padhaanasmi.m.|| ||

Appa.tivaa.na.m sudaaha.m bhikkhave padahaami:||
kaama.m taco ca nahaaru ca a.t.thi ca avasissatu sariire,||
upasussatu ma.msalohita.m,||
ya.m ta.m purisa-thaamena purisa-viriyena purisa-parakkamena pattabba.m,||
na ta.m apaapu.nitvaa viriyassa santhaana.m bhavissatii ti.|| ||

Tassa mayha.m bhikkhave appamaadaadhigataa bodhi,||
appamaadaadhigato anuttaro yogakkhemo.|| ||

Tumhe ce pi bhikkhave appa.tivaana.m padaheyyaatha:||
kaama.m taco ca nahaaru ca a.t.thi ca avasissatu sariire,||
upasussatu ma.msalohita.m,||
ya.m ta.m purisa-thaamena purisa-viriyena purisa-parakkamena pattabba.m,||
na ta.m apaapu.nitvaa viriyassa santhaana.m bhavissatii ti.|| ||

Tumhe pi bhikkhave na cirass'eva yass'atthaaya kulaputtaa sammad eva agaarasmaa anagaariya.m pabbajanti,||
tad anuttara.m brahmacariya-pariyosaana.m di.t.the va dhamme saya.m abhi~n~naa sacchikatvaa upasampajja viharissatha.|| ||

Tasmaat iha bhikkhave eva.m sikkhitabba.m:||
appa.tivaana.m padahissaama,||
kaama.m taco ca nahaaru ca a.t.thi ca avasissatu sariire,||
upasussatu ma.msalohita.m,||
ya.m ta.m purisa-thaamena purisa-viriyena purisa-parakkamena pattabba.m,||
na ta.m apaapu.nitvaa viriyassa santhaana.m bhavissatii ti.|| ||

Eva.m hi vo bhikkhave sikkhitabban ti.|| ||

 

§

 

Sutta 6

Sa~n~nojaniiya Sutta.m

[6][pts] Dve'me bhikkhave dhammaa.|| ||

Katame dve?|| ||

Yaa ca sa~n~nojaniiyesu dhammesu assaadaanupassitaa,||
yaa ca sa~n~nojaniiyesu dhammesu nibbidaanupassitaa.|| ||

Sa~n~nojaniiyesu bhikkhave dhammesu assaadaanupassii viharanto||
raaga.m nappa- [51] jahati,||
dosa.m nappajahati,||
moha.m nappajahati.|| ||

Raaga.m appahaaya||
dosa.m appahaaya||
moha.m appahaaya||
na parimuccati jaatiyaa jaraaya mara.nena sokehi paridevehi dukkhehi domanassehi upaayaasehi.|| ||

Na parimuccati dukkhasmaa ti vadaami.|| ||

Sa~n~nojaniiyesu bhikkhave dhammesu nibbidaanupassii viharanto||
raaga.m pajahati,||
dosa.m pajahati,||
moha.m pajahati.|| ||

Raaga.m pahaaya||
dosa.m pahaaya||
moha.m pahaaya||
parimuccati jaatiyaa jaraaya mara.nena sokehi paridevehi dukkhehi domanassehi upaayaasehi.|| ||

Parimuccati dukkhasamaa ti vadaami.|| ||

Ime kho bhikkhave dve dhammaa ti.|| ||

 

§

 

Sutta 7

Ka.nha Sutta.m

[7][pts] Dve'me bhikkhave dhammaa ka.nhaa.|| ||

Katame dve?|| ||

Ahirika~n ca anottappa~n ca.|| ||

Ime kho bhikkhave dve dhammaa ka.nhaa ti.|| ||

 

§

 

Sutta 8

Sukka Sutta.m

[8][pts] Dve'me bhikkhave dhammaa sukkaa.|| ||

Katame dve?|| ||

Hiri ca ottappa~n ca.|| ||

Ime kho bhikkhave dve dhammaa sukkaa ti.|| ||

 

§

 

Sutta 9

Cariyaa Sutta.m

[9][pts][than][olds][irel] Dve'me bhikkhave sukkaa dhammaa loka.m paalenti.||
Katame dve?|| ||

Hiri ca ottappa~n ca.||
Ime kho bhikkhave dve sukkaa dhammaa loka.m na paaleyyu.m,||
nayidha pa~n~naayetha maataa ti vaa maatucchaa ti vaa maatulaanii ti vaa aacariya-bhariyaa ti vaa garuuna.m daaraa ti vaa,||
sambheda.m loko aagamissati,||
yathaa aje.lakaa kukku.ta-suukaraa sona-sigaalaa.|| ||

Yasmaa ca kho bhikkhave ime dve sukkaa dhammaa loka.m paalenti,||
tasmaa pa~n~naayati maataa ti vaa maatucchaa ti vaa maatulaanii ti vaa aacariya-bhariyaa ti vaa garuuna.m daaraa ti vaa ti.|| ||

 

§

 

Sutta 10

Vassuupanaayikaa Sutta.m

[10][pts] Dve'maa bhikkhave vassuupanaayikaa.|| ||

Katamaa dve?|| ||

Purimikaa ca pacchimikaa ca.|| ||

Imaa kho bhikkhave dve vassuupanaayikaa ti.|| ||

[Kammakara.na pa.thamo]

 


Contact:
E-mail
Copyright Statement