Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
II. Dukanipaata

II. I. Adhikara.na Vagga

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[52]

Sutta 11

Balaani Sutta (1)

[11][pts] Dve'maani bhikkhave balaani.|| ||

Katamaani dve?|| ||

Pa.tisa'nkhaanabala~n ca, bhaavanaa-bala~n ca.|| ||

Katama~n ca bhikkhave pa.tisa'nkhaanabala.m?|| ||

Idha, bhikkhave, ekacco iti pa.tisa~ncikkhati:||
kaayaduccaritassa kho paapako vipaako di.t.the va dhamme abhisamparaaya~n ca,||
vaciiduccaritassa paapako vipaako di.t.the va dhamme abhisamparaaya~n ca,||
mano-duccaritassa paapako vipaako di.t.the va dhamme abhisamparaaya~n caa ti.|| ||

So iti pa.tisa'nkhaaya||
kaayaduccarita.m pahaaya kaayasucarita.m bhaaveti,||
vaciiduccarita.m pahaaya vaciisucarita.m bhaaveti,||
mano-duccarita.m pahaaya mano-sucarita.m bhaaveti.|| ||

Suddha.m attaana.m pariharati.|| ||

Ida.m vuccati bhikkhave pa.tisa'nkhaanabala.m.|| ||

Katama~n ca bhikkhave bhaavanaabala.m?|| ||

Tatra, bhikkhave, yam ida.m bhaavanaabala.m sekham eta.m bala.m.|| ||

Sekha.m hi so bhikkhave bala.m aagamma raaga.m pajahati,||
dosa.m pajahati,||
moha.m pajahati,||
raaga.m pahaaya||
dosa.m pahaaya||
moha.m pahaaya||
ya.m akusala.m,||
ta.m na karoti.|| ||

Ya.m paapa.m.|| ||

Ta.m na sevati.|| ||

Ida.m vuccati bhikkhave bhaavanaa-bala.m.|| ||

Imaani kho bhikkhave dve balaanii ti.|| ||

 

§

 

Sutta 12

Balaani Sutta (2)

[12][pts] Dve'maani bhikkhave balaani.|| ||

Katamaani dve?|| ||

Pa.tisa'nkhaana-bala~n ca,||
bhaavanaa bala~n ca.|| ||

Katama~n ca bhikkhave pa.tisa'nkhaana-bala.m?|| ||

Idha, bhikkhave, ekacco iti pa.tisa~ncikkhati:||
kaayaduccaritassa kho paapako vipaako di.t.the va dhamme abhisamparaaya~n ca,||
vaciiduccaritassa paapako vipaako di.t.the va dhamme abhisamparaaya~n ca,||
manoduccaritassa paapako vipaako di.t.the va dhamme abhisamparaaya~n caa ti.|| ||

So iti pa.tisa'nkhaaya||
kaayaduccarita.m pahaaya kaayasucarita.m bhaaveti,||
vaciiduccarita.m pahaaya vaciisucarita.m bhaaveti,||
mano-duccarita.m pahaaya mano-sucarita.m bhaaveti.|| ||

Suddha.m attaana.m pariharati.|| ||

Ida.m vuccati bhikkhave pa.tisa'nkhaanabala.m.|| ||

Katama~n ca bhikkhave bhaavanaa-bala.m?|| ||

Idha, bhikkhave, [53] Bhikkhu satisambojjha'nga.m bhaaveti,||
vivekanissita.m viraaganissita.m nirodhanissita.m vossaggaparinaami.m.|| ||

Dhamma-vicaya-sambojjha'nga.m bhaaveti,||
vivekanissita.m viraaganissita.m nirodhanissita.m vossaggaparinaami.m.|| ||

Viriya-sambojjha'nga.m bhaaveti,||
vivekanissita.m viraaganissita.m nirodhanissita.m vossaggaparinaami.m.|| ||

Piiti-sambojjha'nga.m bhaaveti,||
vivekanissita.m viraaganissita.m nirodhanissita.m vossaggaparinaami.m.|| ||

Passaddhi-sambojjha'nga.m bhaaveti,||
vivekanissita.m viraaganissita.m nirodhanissita.m vossaggaparinaami.m.|| ||

Samaadhi-sambojjha'nga.m bhaaveti,||
vivekanissita.m viraaganissita.m nirodhanissita.m vossaggaparinaami.m.|| ||

Upekkhaa-sambojjha'nga.m bhaaveti||
vivekanissita.m viraaganissita.m nirodhanissita.m vossaggaparinaami.m.|| ||

Ida.m vuccati bhikkhave bhaavanaabala.m imaani kho bhikkhave dve balaanii ti.|| ||

 

§

 

Sutta 13

Balaani Sutta (3)

[13][pts] Dve'maani bhikkhave balaani.|| ||

Katamaani dve?|| ||

Pa.tisa'nkhaana-bala~n ca,||
bhaavanaa bala~n ca.|| ||

Katama~n ca bhikkhave pa.tisa'nkhaana bala.m:|| ||

Idha, bhikkhave, ekacco iti pa.tisa~ncikkhati:||
kaayaduccaritassa kho paapako vipaako di.t.the va dhamme abhisamparaaya~n ca,||
vaciiduccaritassa paapako vipaako di.t.the va dhamme abhisamparaaya~n ca,||
manoduccaritassa paapako vipaako di.t.the va dhamme abhisamparaaya~n caa ti.|| ||

So iti pa.tisa'nkhaaya||
kaayaduccarita.m pahaaya kaayasucarita.m bhaaveti||
vaciiduccarita.m pahaaya vaciisucarita.m bhaaveti,||
mano-duccarita.m pahaaya manaasucarita.m bhaaveti.|| ||

Suddha.m attaana.m pariharati.|| ||

Ida.m vuccati bhikkhave pa.tisa'nkhaanabala.m.|| ||

Katama~n ca bhikkhave bhaavanaa-bala.m?|| ||

Idha, bhikkhave, Bhikkhu vivicc'eva kaamehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.m-jhaana.m upasampajja viharati.|| ||

Vitakka-vicaaraana.m vupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m-jhaana.m upasampajja viharati.|| ||

Piitiyaa ca viraagaa upekkhako ca viharati sato ca sampajaano,||
sukha~n ca kaayena pa.tisa'nvedeti,||
ya.m ta.m ariyaa aacikkhanti||
'Upekkhako satimaa sukha-vihaarii' ti,||
tatiya.m-jhaana.m upasampajja viharati.|| ||

Sukhassa ca pahaanaa dukkhassa ca pahaanaa pubb'eva somanassa-domanassaana.m attha'ngamaa adukkha.m-asukha.m upekkhaa-sati-paarisuddhi.m catuttha.m-jhaana.m upasampajja viharati.|| ||

Ida.m vuccati bhikkhave bhaavanaabala.m.|| ||

Imaani kho bhikkhave dve balaanii ti.|| ||

 

§

 

Sutta 14

Dhamma Dasanaa Sutta

[14][pts][olds] Dve'maa bhikkhave Tathaagatassa dhamma-desanaa.|| ||

Katamaani dve?|| ||

Sa'nkhittena ca, vitthaarena ca.|| ||

Imaa kho bhikkhave dve Tathaagatassa dhamma-desanaa ti.

 

§

 

Sutta 15

Adhikara.na Sutta

[15][pts] Yasmi.m bhikkhave adhikara.ne aapanno ca Bhikkhu codako ca Bhikkhu na saadhuka.m attanaa va attaana.m paccavekkhanti,||
tasm'eta.m bhikkhave adhikara.ne paa.tika'nkha.m, [54] diighattaaya kharattaaya vaa'attaaya sa.mvattissati,||
bhikkhuu ca na phaasu.m viharissantii ti.|| ||

Yasmi.m ca kho bhikkhave adhikara.ne aapanno ca Bhikkhu codako ca Bhikkhu saadhuka.m attanaa va attaana.m paccavekkhanti,||
tasm'eta.m bhikkhave adhikara.ne paa.tika'nkha.m,||
na diighattaaya kharattaaya vaa'attaaya sa.mvattissati,||
bhikkhuu ca phaasuka.m viharissantii ti:|| ||

Katha~n ca bhikkhave aapanno Bhikkhu saadhuka.m attanaa va attaana.m paccavekkhanti?|| ||

Idha, bhikkhave, aapanno Bhikkhu iti pa.tisa~ncikkhati,||
aha.m kho akusala.m aapanno ka~ncid'eva desa.m kaayena.|| ||

Ta.m ma.m so Bhikkhu addasa akusala.m aapajjamaana.m ka~ncid'eva desa.m kaayena.|| ||

No ce aha.m akusala.m aapajjeyya.m ka~ncid'eva desa.m kaayena,||
na ma.m so Bhikkhu passeyya akusala.m aapajjamaana.m ka~ncid'eva desa.m kaayena.|| ||

Yasmaa ca kho aha.m akusala.m aapanno ka~ncid'eva desa.m kaayena,||
tasmaa ma.m so Bhikkhu addasa akusala.m aapajjamaana.m ka~ncid'eva desa.m kaayena.|| ||

Disvaa ca pana ma.m so Bhikkhu akusala.m aapajjamaana.m ka~ncid'eva desa.m kaayena anattamano ahosi.|| ||

Anattamano samaano anattamanavacana.m ma.m so Bhikkhu avaca.|| ||

Anattamanavacanaahan tena Bhikkhunaa vutto samaano anattamano ahosi.|| ||

Anattamano samaano paresa.m aarocesi.m.|| ||

Iti mam eva tattha accayo accagamaa su'nkadaayika.m va bha.n.dasmin ti.|| ||

Eva.m kho bhikkhave aapanno Bhikkhu saadhuka.m attanaa va attaana.m paccavekkhati.|| ||

Kata~n ca bhikkhave codako Bhikkhu saadhuka.m attanaa va attaana.m paccavekkhati?|| ||

Idha, bhikkhave, codako Bhikkhu iti pa.tisa~ncikkhati,||
aya.m kho Bhikkhu akusala.m aapanno ka~ncid'eva desa.m kaayena.|| ||

Taaha.m ima.m Bhikkhu.m addasa.m akusala.m aapajjamaana.m ka~ncid'eva desa.m kaayena.|| ||

No ce aya.m Bhikkhu akusala.m aapajjeyya ka~ncid'eva desa.m kaayena,||
naaha.m ima.m Bhikkhu.m passeyya.m akusala.m aapajjamaana.m ka~ncid'eva [55] desa.m kaayena.|| ||

Yasmaa ca kho aya.m Bhikkhu akusala.m aapanno ka~ncid'eva desa.m kaayena,||
tasmaa aha.m ima.m Bhikkhu.m addasa.m akusala.m aapajjamaana.m ka~ncid'eva desa.m kaayena.|| ||

Disvaa ca panaaha.m ima.m Bhikkhu.m akusala.m aapajjamaana.m ka~ncid'eva desa.m kaayena anattamano ahosi.|| ||

Anattamano samaano anattamanavacanaaha.m ima.m Bhikkhu.m avaca.m.|| ||

Anattamanavacanaaya.m Bhikkhu mayaa vutto samaano anattamano ahosi.|| ||

Anattamano samaano paresa.m aarocesi.|| ||

Iti mam eva tattha accayo accagamaa su'nkadaayaka.mva bha.n.dasmin ti.|| ||

Eva.m kho bhikkhave codako Bhikkhu saadhuka.m attanaa va attaana.m paccavekkha ti.|| ||

Yasmi.m bhikkhave adhikara.ne aapanno ca Bhikkhu codako ca Bhikkhu na saadhuka.m attanaa va attaana.m paccavekkhanti,||
tasm'eta.m bhikkhave adhikara.ne paa.tika'nkha.m,||
diighattaaya kharattaaya vaa'attaaya sa.mvattissati,||
bhikkhuu ca na phaasu.m viharissantii ti.|| ||

Yasmi.m kho bhikkhave adhikara.ne aapanno ca Bhikkhu codako ca Bhikkhu saadhuka.m attanaa va attaana.m paccavekkhanti,||
tasm'eta.m bhikkhave adhikara.ne paa.tika'nkha.m,||
na diighattaaya kharattaaya vaa'attaaya sa.mvattissati,||
bhikkhuu ca phaasu.m viharissantii ti.|| ||

 

§

 

Sutta 16

A~n~nataro Braahma.na Sutta

[16][pts] Atha kho a~n~nataro braahma.no yena Bhagavaa ten'upasa'nkami.|| ||

Upasa'nkamitvaa Bhagavataa saddhi.m sammodi.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.|| ||

Eka-m-anta.m nisinno kho so braahma.no Bhagavanta.m etad avoca:|| ||

Ko nu kho bho Gotama hetu,||
ko paccayo,||
yena-m-idh'ekacce sattaa kaayassa bhedaa param mara.naa apaaya.m duggati.m vinipaata.m Niraya.m upapajjantii ti?|| ||

[Bhagavaa:]

Adhammacariyaa visamacariyaa hetu kho braahma.na evam idh'ekacce sattaa kaayassa bhedaa param mara.naa apaaya.m duggati.m vinipaata.m Niraya.m upapajjantii ti.|| ||

[Braahma.no:]

Ko pana bho Gotama hetu,||
ko paccayaa||
yena-m-idh'ekacce sattaa kaayassa bhedaa param mara.naa sugati.m sagga.m loka.m upapajjantii ti?|| ||

[Bhagavaa:]

Dhammacariyaa samacariyaa hetu kho braahma.na [56] evan idh'ekacce sattaa kaayassa bhedaa param mara.naa sugati.m sagga.m loka.m upapajjantii ti.|| ||

[Braahma.no:]

Abhikkanta.m bho Gotama!||
Abhikkanta.m bho Gotama!||
seyyathaa pi bho Gotama nikkujjita.m vaa ukkujjeyya,||
pa.ticchanna.m vaa vivareyya,||
muu.lhassa vaa magga.m aacikkheyya,||
andhakaare vaa telapajjota.m dhaareyya,||
'cakkhumanto ruupaani dakkhinti' ti,||
evam'eva kho bhotaa Gotamena aneka-pariyaayena dhammo pakaasito.|| ||

Esaaha.m Bhagavanta.m Gotama.m sara.na.m gacchaami dhamma~n ca Bhikkhusa'ngha~n ca.|| ||

Upaasaka.m ma.m bhava.m Gotamo dhaaretu ajjatagge paa.nupeta.m sara.na.m gatan ti.|| ||

 

§

 

Sutta 17

Jaanussoni Sutta

[17][pts] Atha kho Jaanussoni braahma.no yena Bhagavaa ten'upasa'nkami.|| ||

Upasa'nkamitvaa Bhagavataa saddhi.m sammodi.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.|| ||

Eka-m-anta.m nisinno kho so Jaanussoni braahma.no Bhagavanta.m etad avoca:|| ||

Ko nu kho bho Gotama hetu,||
ko paccayo,||
yena-m-idh'ekacce sattaa kaayassa bhedaa param mara.naa apaaya.m duggati.m vinipaata.m Niraya.m upapajjantii ti?|| ||

[Bhagavaa:]

Katattaa ca braahma.na akatattaa ca evan idh'ekacce sattaa kaayassa bhedaa param mara.naa apaaya.m duggati.m vinipaata.m Niraya.m upapajjantii ti.|| ||

[Braahma.no:]

Ko pana bho Gotama hetu,||
ko paccayo,||
yena-m-idh'ekacce sattaa kaayassa bhedaa param mara.naa sugati.m sagga.m loka.m upapajjantii ti.|| ||

[Bhagavaa:]

Katattaa ca brahma.na akatattaa ca evan idh'ekacce sattaa kaayassa bhedaa param mara.naa sugati.m sagga.m loka.m upapajjantii ti.|| ||

[Braahma.no:]

Na kho aha.m imassa bhoto Gotamassa sa.mkhittena bhaasitassa vitthaarena attha.m avibhattassa vitthaarena attha.m aajaanaami.|| ||

Saadhu me bhava.m Gotamo tathaa dhamma.m desetu,||
yathaa aha.m imassa bhoto Gotamassa sa'nkhittena bhaasitassa vitthaarena attha.m aajaaneyyan ti.|| ||

Tena hi braahma.na su.naahi, saadhuka.m manasikarohi, bhaasissaamii ti.|| ||

[57] Evam bho ti kho Jaa.nusso.ni braahma.no Bhagavato paccassosi.|| ||

Bhagavaa etad avoca:|| ||

Idha braahma.na ekaccassa kaayaduccarita.m kata.m hoti,||
akata.m hoti kaayasucarita.m.|| ||

Vaciiduccarita.m kata.m hoti,||
akata.m hoti vaciisucarita.m.|| ||

Manoduccarita.m kata.m hoti,||
akata.m hoti manosucarita.m.|| ||

Eva.m kho braahma.na katattaa ca akatattaa ca evan idh'ekacce sattaa kaayassa bhedaa param mara.naa apaaya.m duggati.m vinipaata.m Niraya.m upapajjan ti.|| ||

Idha pana braahma.na ekaccassa kaayasucarita.m kata.m hoti,||
akata.m hoti kaayaduccarita.m.|| ||

Vaciisucarita.m kata.m hoti,||
akata.m hoti vaciiduccarita.m.|| ||

Manosucarita.m kata.m hoti,||
akata.m hoti manoduccarita.m.|| ||

Eva.m kho braahma.na katattaa ca akatattaa ca evan idh'ekacce sattaa kaayassa bhedaa param mara.naa sugati.m sagga.m loka.m upapajjantii ti.|| ||

[Braahma.no:]

Abhikkanta.m bho Gotama!||
Abhikkanta.m bho Gotama!||
seyyathaa pi bho Gotama nikkujjita.m vaa ukkujjeyya,||
pa.ticchanna.m vaa vivareyya,||
muu.lhassa vaa magga.m aacikkheyya,||
andhakaare vaa telapajjota.m dhaareyya,||
'cakkhumanto ruupaani dakkhinti' ti,||
evam'eva kho bhotaa Gotamena aneka-pariyaayena dhammo pakaasito.|| ||

Esaaha.m Bhagavanta.m Gotama.m sara.na.m gacchaami Dhamma~n ca Bhikkhusa.mgha~n ca.|| ||

Upaasaka.m ma.m bhava.m Gotamo dhaaretu ajjatagge paa.nupeta.m sara.na.m gatan ti.|| ||

 

§

 

Sutta 18

Eka.msena Sutta

[18.1][pts][than] Atha kho aayasmaa Aanando yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho aayasmanta.m Aananda.m Bhagavaa etad avoca:|| ||

Eka.m senaaha.m Aananda akara.niiya.m vadaami kaayaduccarita.m vaciiduccarita.m manoduccaritan ti.|| ||

[Aanando:]

Yam ida.m bhante Bhagavato eka.msena akara.niiya.m akkhaata.m kaayaduccarita.m vaciiduccarita.m manoduccarita.m,||
tasmi.m akara.niiye kayiramaane ko aadiinavo paa.tika'nkho ti?|| ||

[Bhagavaa:]

Yam ida.m Aananda mayaa eka.msena akara.niiya.m akkhaata.m kaayaduccarita.m vaciiduccarita.m manoduccarita.m,||
tasmi.m akara.niiye kayiramaane aya.m aadiinavo paa.tika'nkho?|| ||

Attaa pi attaana.m upavadati,||
anuvicca vi~n~nuu garahanti,||
paapako kittisaddo abbhuggacchati,||
sammuu'ho kaala.m karoti,||
kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

Yam ida.m Aananda mayaa eka.msena akara.niiya.m akkhaata.m kaayaduccarita.m vaciiduccarita.m manoduccarita.m,||
tasmi.m akara.niiye kayiramaane aya.m aadiinavo paa.tika'nkho?|| ||

Eka.m senaaha.m Aananda [58] kara.niiya.m vadaami kaayasucarita.m vaciisucarita.m manosucaritan ti.|| ||

[Aanando:]

Yam ida.m bhante Bhagavataa eka.msena kara.niiya.m akkhaata.m kaayasucarita.m vaciisucarita.m manosucarita.m,||
tasmi.m kara.niiye kayiramaane ko aanisa.mso paa.tika'nkho ti?|| ||

[Bhagavaa:]

Yam ida.m Aananda mayaa eka.msena kara.niiya.m akkhaata.m kaayasucarita.m vaciisucarita.m manosucarita.m,||
tasmi.m kara.niiye kayiramaane aya.m aanisa.mso paa.tika'nkho?|| ||

Attaa pi attaana.m na upavadati,||
anuvicca vi~n~nuu pasa.msanti,||
kalyaa.no kittisaddo abbhuggacchati,||
asammuu'ho kaala.m karoti,||
kaayassa bhedaa param mara.naa sugati.m sagga.m loka.m upapajja ti.|| ||

Yam ida.m Aananda mayaa eka.msena kara.niiya.m akkhaata.m kaayasucarita.m vaciisucarita.m manosucarita.m.|| ||

Tasmi.m kara.niiye kayiramaane aya.m aanisa.mso paa.tika'nkho ti.|| ||

 

§

 

Sutta 19

Kusala

[19][pts][than][olds] "Akusala.m bhikkhave pajahatha.|| ||

Sakkaa bhikkhave akusala.m pajahitu.m.|| ||

No ce ta.m bhikkhave sakkaa abhavissa akusala.m pajahitu.m,||
naaha.m eva.m vadeyya.m||
'akusala.m bhikkhave pajahathaa' ti.|| ||

Yasmaa ca kho bhikkhave sakkaa akusala.m pajahitu.m,||
tasmaaha.m eva.m vadaami||
'akusala.m bhikkhave pajahathaa' ti.|| ||

Akusala.m ca h'ida.m bhikkhave pahiina.m ahitaaya dukkhaaya sa'nvatteyya,||
naaha.m eva.m vadeyya.m||
'akusala.m bhikkhave pajahathaa' ti.|| ||

Yasmaa ca kho bhikkhave akusala.m pahiina.m hitaaya sukhaaya sa.mvattati,||
tasmaaha.m eva.m vadaami||
'akusala.m bhikkhave pajahathaa' ti.|| ||

Kusala.m bhikkhave bhaavetha.|| ||

Sakkaa bhikkhave kusala.m bhaavetu.m.|| ||

No ce ta.m bhikkhave sakkaa abhavissa kusala.m bhaavetu.m,||
naaha.m eva.m vadeyya.m||
'kusala.m bhikkhave bhaavethaa' ti.|| ||

Yasmaa ca kho bhikkhave sakkaa kusala.m bhaavetu.m,||
tasmaaha.m eva.m vadaami||
'kusala.m bhikkhave bhaavethaa' ti.|| ||

Kusala.m ca h'ida.m bhikkhave bhaavita.m ahitaaya dukkhaaya sa'nvatteyya,||
naaha.m vadeyya.m||
'kusala.m bhikkhave bhaavethaa' ti.|| ||

Yasmaa ca kho bhikkhave kusala.m bhaavita.m hitaaya sukhaaya sa.mvattati,||
tasmaaha.m eva.m vadaami||
'kusala.m bhikkhave bhaavethaa' ti."|| ||

 

§

 

Sutta 20

Saddhamma

[20][pts][olds] "Dve me bhikkhave dhammaa saddhammassa sammosaaya antaradhaanaaya sa'nvantanti.|| ||

Katame dve?|| ||

[59] Dunnikkhitta~n ca padavya~njana.m,||
attho ca dunniito.|| ||

Dunnikakhittassa bhikkhave padavya~njanassa attho pi dunnayo hoti.|| ||

Ime kho bhikkhave dve dhammaa saddhammassa sammosaaya antaradhaanaaya sa.mvattantii ti.|| ||

Dve me bhikkhave dhammaa saddhammassa .thitiyaa asammosaaya anantaradhaanaaya sa'nvantanti.|| ||

Katame dve?|| ||

Sunikkhitta~n ca padavya~njana.m,||
attho ca suniito.|| ||

Sunikkhittassa bhikkhave padavya~njanassa attho pi sunayo hoti.|| ||

Ime kho bhikkhave dve dhammaa saddhammassa .thitiyaa asammosaaya anantaradhaanaaya sa.mvattantii ti."|| ||

Adhikara.navagago dutiyo

 


Contact:
E-mail
Copyright Statement