Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaya:
Dukanipata

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

III. Baala Vagga

 


 

Sutta 21

[21] [pts] [than] [olds] Dve'me bhikkhave baalaa.|| ||

Katame dve?|| ||

Yo ca accaya.m accayato na passati,||
yo ca accaya.m desentassa yathaadhamma.m na patiga.nhaati.|| ||

Ime kho bhikkhave dve baalaa ti.|| ||

Dve'me bhikkhave pa.n.ditaa.|| ||

Katame dve?|| ||

Yo ca accaya.m accayato passati,||
yo ca accaya.m desentassa yathaadhamma.m patiga.nhaati.|| ||

Ime kho bhikkhave dve pa.n.ditaa ti.|| ||

Sutta 22

[22] [pts] [olds] Dve'me bhikkhave Tathaagata.m abbhaacikkhanti.|| ||

Katame dve?|| ||

Du.t.tho vaa dosantaro,||
saddho vaa duggahiitena.|| ||

Ime kho bhikkhave dve Tathaagata.m abbhaacikkhantii ti.|| ||

Sutta 23

[23] [pts] [olds] Dve'me bhikkhave Tathaagata.m abbhaacikkhanti.|| ||

Katame dve?|| ||

[60] Yo ca abhaasita.m alapita.m Tathaagatena bhaasita.m lapita.m Tathaagatenaa ti diipeti,||
yo ca bhaasita.m lapita.m Tathaagatena abhaasita.m alapita.m Tathaagatenaa ti diipeti.|| ||

Ime kho bhikkhave dve Tathaagata.m abbhaacikkhantii ti.|| ||

Sutta 24

[24] [pts] [olds] Dve'me bhikkhave Tathaagata.m naabbhaacikkhanti.|| ||

Katame dve?|| ||

Yo ca abhaasita.m alapita.m Tathaagatena abhaasita.m alapita.m Tathaagatenaa ti diipeti,||
yo ca bhaasita.m lapita.m Tathaagatena bhaasita.m lapita.m Tathaagatenaa ti diipeti.|| ||

Ime kho bhikkhave dve Tathaagata.m naabbhaacikkhantii ti.|| ||

Sutta 25

[25] [pts] [than] [olds] Dve'me bhikkhave Tathaagata.m abbhaacikkhanti.|| ||

Katame dve?|| ||

Yo ca neyyattha.m suttanta.m niitattho suttanto ti diipeti,||
yo ca niitattha.m suttanta.m neyyattho suttanto ti diipeti.|| ||

Ime kho bhikkhave dve Tathaagata.m abbhaacikkhantii ti.|| ||

Sutta 26

[26] [pts] [olds] Dve'me bhikkhave Tathaagata.m naababhaacikkhanti.|| ||

Katame dve?|| ||

Yo ca neyyattha.m suttanta.m neyyattho suttanto ti diipeti,||
yo ca niitattha.m suttanta.m niitattho suttanto ti diipeti.|| ||

Ime kho bhikkhave dve Tathaagata.m naabbhaacikkhantii ti.|| ||

Sutta 27

[27] [pts] [olds] Pa.ticchannakammantassa bhikkhave dvinna.m gatiina.m a~n~nataraa gati paa.tika'nkhaa:||
nirayo vaa tiracchaanayoni vaa ti.|| ||

Appa.ticchannakammantassa bhikkhave dvinna.m gatiina.m a~n~nataraa gati paa.tika'nkhaa:||
devaa vaa manussaa vaa ti.|| ||

Sutta 28

[28] [pts] [olds] Micchaadi.t.thikassa bhikkhave dvinna.m gatiina.m a~n~nataraa gati paa.tika'nkhaa:||
nirayo vaa tiracchaanayoni vaa ti.|| ||

Sammaadi.t.thikassa bhikkhave dvinna.m gatiina.m a~n~nataraa gati paa.tika'nkhaa:||
devaa vaa manussaa vaa ti.|| ||

Dussiilassa bhikkhave dve pa.tiggaahaa:||
nirayo vaa tiracchaanayoni vaa ti.|| ||

Siilavato bhikkhave dve pa.tiggaahaa:||
devaa vaa manussaa vaa ti.|| ||

Sutta 29

[29] [pts] [olds] Dvaaha.m bhikkhave atthavase sampassamaano ara~n~ne vanapatthaani pantaani senaasanaani pa.tisevaami.|| ||

Katame dve?|| ||

Attano ca di.t.thadhammasukhavihaara.m sampassamaano,||
[61] pacchima~n ca janata.m anukampamaano.|| ||

Ime kho aha.m bhikkhave dve atthavase sampassamaano ara~n~ne vanapatthaani pantaani senaasanaani pa.tisevaamii ti.|| ||

Sutta 30

[30] [pts] [than] [olds] Dve'me bhikkhave dhammaa vijja-bhaagiyaa.|| ||

Katame dve?|| ||

Samatho ca vipassanaa ca.|| ||

Samatho ca bhikkhave bhaavito kam attham anubhoti?|| ||

Citta.m bhaaviiyati.|| ||

Citta.m bhaavita.m kam attham anubhoti?|| ||

Yo raago, so pahiiyati.|| ||

Vipassanaa bhikkhave bhaavito kam attham anubhoti?|| ||

Pa~n~naa bhaaviiyati.|| ||

Pa~n~naa bhaavitaa kam attham anubhoti?|| ||

Yaa avijjaa, saa pahiiyati|| ||

Raagupakkili.t.tha.m vaa bhikkhave citta.m na vimuccati.|| ||

Avijjupakkili.t.thaa vaa pa~n~naa na bhaaviiyati.|| ||

Iti kho bhikkhave raagaviraagaa ceto-vimutti,||
avijjaaviraagaa pa~n~naavimuttii ti.|| ||

 

Baalavaggo tatiyo

 


Contact:
E-mail
Copyright Statement