Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tika Nipaato
II. Rathakaara Vagga

Sutta 12

Saara.niiya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][upal] Eva.m me suta.m:

Eva.m me suta.m eka.m samaya.m Bhagavaa Saavatthiya.m viharati Jetavane Anaathapi.n.dakassa aaraame.|| ||

Tii.n'imaani bhikkhave ra~n~no khattiyassa muddhaavasittassa yaavajiiva.m saaraa.niyaani bhavanti.|| ||

Katamaani tii.ni?|| ||

Yasmi.m bhikkhave padese raajaa khattiyo muddhaavasitto jaato hoti.|| ||

Ida.m, bhikkhave, pa.thama.m ra~n~no khattiyassa muddhaavasittassa yaavajiiva.m saaraa.niiya.m hoti.|| ||

Puna ca para.m bhikkhave yasmi.m padese raajaa khattiyo muddhaavasitto hoti.|| ||

Ida.m, bhikkhave, dutiya.m ra~n~no khattiyassa muddhaavasittassa yaavajiiva.m saaraa.niiya.m hoti.|| ||

Puna ca para.m bhikkhave yasmi.m padese raajaa khattiyo muddhaavasitto sa'ngaama.m abhivijinitvaa vijitasa'ngaamo tam eva sa'ngaamasiisa.m ajjhaavasati.|| ||

Ida.m bhikkhava tatiya.m ra~n~no khattiyassa muddhaavasittassa yaavajiiva.m saaraa.niiya.m hoti.|| ||

Imaani kho bhikkhave tii.ni ra~n~no khattiyassa muddhaavasittassa yaavajiiva.m saaraa.niyaani bhavanti.|| ||

[107] Evam eva kho bhikkhave ti.n'imaani bhikkhussa yaavajiiva.m saaraa.niyaani bhavanti.|| ||

Katamaani tii.ni?|| ||

Yasmi.m bhikkhave padese bhikkhu kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbajito hoti.|| ||

Ida.m, bhikkhave, pa.thama.m bhikkhussa yaavajiiva.m saaraa.niya.m hoti.|| ||

Puna ca para.m bhikkhave yasmi.m padese bhikkhu||
ida.m dukkhan ti yathaabhuuta.m pajaanaati,||
aya.m dukkhasamudayo ti yathaabhuuta.m pajanaati,||
aya.m dukkhanirodho ti yathaabhuuta.m pajaanaati,||
aya.m dukkhanirodhagaaminii pa.tipadaa ti yathaabhuuta.m pajaanaati.|| ||

Ida.m bhikkhave dutiya.m bhikkhussa yaavajiiva.m saaraa.niya.m hoti.|| ||

Puna ca para.m bhikkhave yasmi.m padese bhikkhu aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Ida.m, bhikkhave, tatiya.m bhikkhussa yaavajiiva.m saaraa.niya.m hoti.|| ||

Imaani kho bhikkhave tii.ni bhikkhussa yaavajiiva.m saaraa.niyaani bhavantii ti.|| ||

 


Contact:
E-mail
Copyright Statement