Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tika Nipaato
II. Rathakaara Vagga

Sutta 13

Aasa.msa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][upal] Eva.m me suta.m:

Eva.m me suta.m eka.m samaya.m Bhagavaa Saavatthiya.m viharati Jetavane Anaathapi.n.dakassa aaraame.|| ||

Tayo'me bhikkhave puggalaa santo sa.mvijjamaanaa lokasmi.m.|| ||

Katame tayo?|| ||

Niraaso,||
aasa.mso,||
vigataaso.|| ||

Katamo ca bhikkhave puggalo niraaso?|| ||

Idha bhikkhave ekacco puggalo niice kule paccaajaato hoti,||
ca.n.daalakule vaa nesaadakule vaa ve.nakule vaa rathakaarakule vaa pukkusakule vaa,||
dalidde appannapaanabhojane kasiravuttike yattha kasirena ghaasacchaado labbhati.|| ||

So ca hoti,||
dubba.n.no duddasiko oko.timako bavhaabaadho kaa.no vaa ku.ni vaa kha~njo vaa pakkhahato vaa,||
na laabhii annassa paanassa vattassa yaanassa maalaagandhavilepanassa seyyaavasathapadiipeyyassa.|| ||

So su.naati,||
itthannaamo kira khattiyo khattiyehi khattiyaabhisekena abhisitto ti.|| ||

Tassa na eva.m hoti:||
kudassu naama mam pi khattiyaa khattiyaabhisekena abhisi~ncissantii ti.|| ||

Aya.m vuccati bhikkhave puggalo niraaso.|| ||

Katamo ca bhikkhave puggalo aasa.mso?|| ||

[108] Idha bhikkhave ra~n~no khattiyassa muddhaavasittassa je.t.tho putto hoti,||
aabhiseko anabhisitto-m-acalapatto.|| ||

So su.naati,||
itthannaamo kira khattiyo khattiyehi khattiyaabhisekena abhisitto ti.|| ||

Tassa eva.m hoti:||
kudassu naama mam pi khattiyaa khattiyaabhisekena abhisi~ncissantii ti.|| ||

Aya.m vuccati puggalo aasa.mso.|| ||

Katamo ca bhikkhave puggalo vigataaso?|| ||

Idha bhikkhave raajaa hoti,||
khattiyo muddhaavasitto.|| ||

So su.naati,||
ittannaamo kira khattiyo khattiyehi khattiyaabhisekena abhisitto ti.|| ||

Tassa na eva.m hoti:||
kudassu naama mam pi khattiyaa khattiyaabhisekena abhisi~ncisasantii ti.|| ||

Ta.m kissa hetu?|| ||

Yaa hi'ssa bhikkhave pubbe anabhisittassa abhisekaasaa saa'ssa pa.tippassaddhaa.|| ||

Aya.m vuccati bhikkhave puggalo vigataaso.|| ||

Ime kho bhikkhave tayo puggalaa santo sa.mvijjamaanaa lokasmi.m.|| ||

Evam eva kho bhikkhave tayo puggalaa santo sa.mvijjamaanaa bhikkhuusu.|| ||

Katame tayo?|| ||

Niraaso,||
aasa.mso,||
vigataaso.|| ||

Katamo ca bhikkhave puggalo niraaso?|| ||

Idha, bhikkhave, ekacco puggalo dussiilo hoti,||
paapadhammo asuciisa.mkassarasamaacaaro pa.ticchannakammanto assama.no sama.napa.ti~n~no abrahmacaarii brahmacaariipa.ti~n~no antopuutii avassuto kasambujaato.|| ||

So su.naati:||
itthannaamo kira bhikkhu aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharatii ti.|| ||

Tassa na eva.m hoti:||
kudassu naama aham pi aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharissaamii ti.|| ||

Aya.m vuccati bhikkhave puggalo niraaso.|| ||

Katamo ca bhikkhave puggalo aasa.mso?|| ||

Idha bhikkhave bhikkhu siilavaa hoti,||
kalyaa.nadhammo.|| ||

So [109] su.naati:||
itthannaama kira bhikkhu aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharatii ti.|| ||

Tassa eva.m hoti:||
kudassu naama aham pi aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharissaamii ti.|| ||

Aya.m vuccati bhikkhave puggalo aasa.mso.|| ||

Katamo ca bhikkhave puggalo vigataaso?|| ||

Idha bhikkhave bhikkhu araha.m hoti,||
khii.naasavo.|| ||

So su.naati:||
itthannaamo kira bhikkhu aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharatii ti.|| ||

Tassa na eva.m hoti:||
kudassu naama aham pi aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharissaamii ti.|| ||

Ta.m kissa hetu?|| ||

Yaa hi'ssa bhikkhave pubbe avimuttassa vimuttaasaa,||
saa'ssa pa.tippassaddhaa.|| ||

Aya.m vuccati bhikkhave puggalo vigataaso.|| ||

Ime kho bhikkhave tayo puggalaa santo sa.mvijjamaanaa bhikkhuusu ti.|| ||

 


Contact:
E-mail
Copyright Statement