Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tika Nipaato
II. Rathakaara Vagga

Sutta 14

Cakkavatti Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][upal] Eva.m me suta.m:

Eva.m me suta.m eka.m samaya.m Bhagavaa Saavatthiya.m viharati Jetavane Anaathapi.n.dakassa aaraame.|| ||

Yo pi so bhikkhave raajaa cakkavattii dhammiko dhammaraajaa so pi na araajaka.m cakka.m vattetii ti.|| ||

Eva.m vutte a~n~nataro bhikkhu Bhagavanta.m etad avoca:|| ||

Ko pana bhante ra~n~no cakkavattissa dhammikassa dhammara~n~no raajaa ti?|| ||

Dhammo bhikkhuu ti.|| ||

Bhagavaa avoca:|| ||

Idha bhikkhu raajaa cakkavattii dhammiko dhammaraajaa dhamma.m yeva nissaaya dhamma.m sakkaronto dhamma.m garukaronto dhamma.m apacaayamaano dhammaddhajo dhammaketu dhammaadhipateyyo dhammika.m rakkhaavara.nagutti.m sa.mvidahati anto janasmi.m.|| ||

Puna ca para.m bhikkhu raajaa cakkavattii dhammiko dhammaraajaa dhamma.m yeva nissaaya dhamma.m sakkaronto dhamma.m garukaronto dhamma.m apacaayamaano dhammaddhajo dhammaketu dhammaadhipateyyo dhammika.m rakkhaavara.nagutti.m sa.mvidahati khattiyesu anuyuttesu balakaayasmi.m [110] braahma.nagahapatikesu,||
negamajaanapadesu,||
sama.nabraahma.nesu,||
migapakkhiisu.|| ||

Sa kho so bhikkhu raajaa cakkavattii dhammiko dhammaraajaa dhamma.m yeva nissaaya dhamma.m sakkaronto dhamma.m garukaronto dhamma.m apacaayamaano dhammaddhajo dhammaketu dhammaadhipateyyo||
dhammika.m rakkhaavara.nagutti.m sa.mvidahitvaa anto janasmi.m,||
dhammika.m rakkhaavara.nagutti.m sa.mvidahitva khattiyesu anuyuttesu balakaayasmi.m braahma.nagahapatikesu,||
negamajaanapadesu,||
sama.nabraahma.nesu,||
migapakkhiisu dhammen'eva cakka.m pavatteti.|| ||

Ta.m hoti cakka.m appativattiya.m kenaci manussabhuutena paccatthikena paa.ninaa.|| ||

Evam eva kho bhikkhu Tathaagato araha.m Sammaa-sambuddho dhammiko dhammaraajaa dhamma.m yeva nissaaya dhamma.m sakkaronto dhamma.m garukarontaa dhamma.m apacaayamaano dhammaddhajo dhammaketu dhammaadhipateyyo dhammika.m rakkhaavara.nagutti.m sa.mvidahati kaayakammasmi.m,||
evaruupa.m kaayakamma.m sevitabba.m,||
evaruupa.m kaayakamma.m na sevitabban ti.|| ||

Puna ca para.m bhikkhu Tathaagato araha.m Sammaa-sambuddho dhammiko dhammaraajaa dhamma.m yeva nissaaya dhamma.m sakkaronto dhamma.m garukarontaa dhamma.m apacaayamaano dhammaddhajo dhammaketu dhammaadhipateyyo dhammika.m rakkhaavara.nagutti.m sa.mvidahati vaciikammasmi.m,||
evaruupa.m vaciikamma.m sevitabba.m,||
evaruupa.m vaciikamma.m na sevitabban ti.|| ||

Puna ca para.m bhikkhu Tathaagato araha.m Sammaa-sambuddho dhammiko dhammaraajaa dhamma.m yeva nissaaya dhamma.m sakkaronto dhamma.m garukarontaa dhamma.m apacaayamaano dhammaddhajo dhammaketu dhammaadhipateyyo dhammika.m rakkhaavara.nagutti.m sa.mvidahati manokammasmi.m,||
evaruupa.m manokamma.m sevitabba.m,||
evaruupa.m manokamma.m na sevitabban ti.|| ||

Sa kho so bhikkhu Tathaagato araha.m Sammaa-sambuddho dhammiko dhammaraajaa dhamma.m yeva nissaaya dhamma.m sakkaronto dhamma.m garukarontaa dhamma.m apacaayamaano dhammaddhajo dhammaketu dhammaadhipateyyo dhammika.m rakkhaavara.nagutti.m sa.mvidahitvaa kaayakammasmi.m,||
dhammika.m rakkhaavara.nagutti.m sa.mvidahitvaa vaciikammasmi.m,||
dhammika.m rakkhaavara.nagutti.m sa.mvidahitvaa manokammasmi.m,||
dhammen'eva anuttara.m dhammacakka.m pavatteti.|| ||

Ta.m hoti cakka.m appativattiya.m sama.nena vaa brahma.nena vaa devena vaa Maarena vaa Brahmu.naa vaa kenaci vaa lokasmin ti.|| ||

 


Contact:
E-mail
Copyright Statement