Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tika Nipaato
II. Rathakaara Vagga

Sutta 15

Rathakaara (Pacetana) Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][than][bodh][upal] Eva.m me suta.m:

Eka.m samaya.m Bhagavaa Baaraa.nasiya.m viharati Isipatane Migadaaye.|| ||

Tatra kho Bhagavaa bhikkhuu aamantesi:|| ||

Bhikkhavo ti.|| ||

[111] Bhadante ti te bhikkhuu Bhagavato paccassosu.m.|| ||

Bhagavaa etad avoca:|| ||

Bhuutapubba.m bhikkhave raajaa ahosi Pacetano naama.|| ||

Atha kho bhikkhave raajaa Pacetano rathakaara.m aamantesi:|| ||

Ito me samma rathakaara,||
channa.m maasaana.m accayena sa'ngaamo bhavissati,||
sakkasi me samma rathakaara,||
nava.m cakkayuga.m kaatun ti?|| ||

Sakkomi devaa ti kho bhikkhave rathakaaro ra~n~no Pacetanassa paccassosi.|| ||

Atha kho bhikkhave rathakaaro chahi maasehi chaarattuunehi eka.m cakka.m ni.t.thaapesi.|| ||

Atha kho bhikkhave raajaa Pacetano rathakaara.m aamantesi:|| ||

Ito me samma rathakaara,||
channa.m divasaana.m accayena sa'ngaamo bhavissati,||
ni.t.thita.m nava.m cakkayugan ti?|| ||

Imehi kho deva chahi maasehi chaarattuunehi eka.m cakka.m ni.t.thitan ti.|| ||

Sakkasi pana me samma rathakaara,||
imehi chahi divasehi dutiya.m cakka.m ni.t.thaapetun ti?|| ||

Sakkomi devaa ti kho bhikkhave rathakaaro ra~n~no Pacetanassa paccassosi.|| ||

2. Atha kho bhikkhave rathakaaro chahi divasehi dutiya.m cakka.m ni.t.thaapetvaa nava.m cakkayuga.m aadaaya yena raajaa Pacetano ten'upasa'nkami.|| ||

Upasa'nkamitvaa raajaana.m Pacetana.m etad avoca:|| ||

Idan te deva nava.m cakkayuga.m ni.t.thitan ti.|| ||

Ya~n ca te ida.m samma rathakaara,||
cakka.m chahi maasehi ni.t.thita.m chaarattuunehi,||
ya~n ca te ida.m cakka.m chahi divasehi ni.t.thita.m.|| ||

Imesa.m ki.m naanaakara.na.m nesaa.m naaha.m ki~nci naanaakara.na.m passaamii ti.|| ||

Atthi n'esa.m deva naanaakara.na.m,||
passatu deva naanaakara.nan ti.|| ||

Atha kho bhikkhave rathakaaro ya.m ta.m cakka.m chahi divasehi ni.t.thita.m,||
ta.m pavattesi.|| ||

Ta.m pavattita.m samaana.m yaavatikaa abhisankhaarassa gati,||
taavatika.m gantvaa ci'ngulaayitvaa bhuumiya.m papati.|| ||

Ya.m pana ta.m cakka.m chahi maasehi [112] ni.t.thita.m chaarattuunehi ta.m pavattesi.|| ||

Ta.m pavattita.m samaana.m yaavatikaa abhisankhaarassa gati,||
taavatika.m gantvaa akkhaahata.m ma~n~ne a.t.thaasi.|| ||

3. Ko nu kho samma rathakaara,||
hetu,||
ko paccayo yam ida.m cakka.m chahi divasehi ni.t.thita.m,||
ta.m pavattita.m samaana.m yaavatikaa abhisankhaarassa gati,||
taavatika.m gantvaa ci'ngulaayitvaa bhumiya.m papati?|| ||

Ko pana samma rathakaara,||
hetu,||
ko paccay yam ida.m cakka.m chahi maasehi ni.t.thita.m chaarattuunehi,||
ta.m pavattita.m samaana.m yaavatikaa abhisankhaarassa gati,||
taavatika.m gantvaa akkhaahata.m ma~n~ne a.t.thaasii ti?|| ||

Yam ida.m deva,||
cakka.m chahi divasehi ni.t.thita.m||
tassa nemii pi sava'nkaa sadosaa sakasaavaa,||
araa pi sava'nkaa sadosaa sakasaavaa,||
naabhii pi sava'nkaa sadosaa sakasaavaa.|| ||

Ta.m nemiyaa pi sava'nkattaa sadosattaa sakasaavattaa,||
araanam pi sava'nkattaa sadosattaa sakasaavattaa,||
naabhiyaa pi sava'nkattaa sadosattaa sakasaavattaa||
pavattita.m samaana.m yaavatikaa abhisankhaarassa gati,||
taavatika.m gantvaa ci'ngulaayitvaa bhumiya.m papati.|| ||

Ya.m pana ta.m deva cakka.m chahi maasehi ni.t.thita.m chaarattuunehi||
tassa nemii pi ava'nkaa adosaa akasaavaa||
araa pi ava'nkaa adosaa akasaavaa||
naabhii pi ava'nkaa adosaa akasaavaa.|| ||

Ta.m nemiyaa pi ava'nkattaa adosattaa akasaavattaa,||
araanam pi ava'nkattaa adosattaa akasaavattaa,||
naabhiyaa pi ava'nkattaa adosattaa akasaavattaa||
pavattita.m samaana.m yaavatikaa abhisankhaarassa gati,||
taavatika.m gantvaa akkhaahata.m ma~n~ne a.t.thaasii ti.|| ||

4. Siyaa kho pana bhikkhave tumbhaaka.m evam assa:||
a~n~no nuuna tena samayena so rathakaaro ahosii ti.|| ||

Na kho pan'eta.m bhikkhave eva.m da.t.thabba.m.|| ||

Aha.m tena samayena so rathakaaro ahosi.|| ||

Tadaa panaaha.m bhikkhave kusalo daaruva'nkaana.m daarudosaana.m daarukasaavaana.m.|| ||

Etarahi kho panaaha.m bhikkhave araha.m sammaasambuddho kusalo kaayava'nkaana.m kaayadosaana.m kaayakasaavaana.m.|| ||

Kusalo vaciiva'nkaana.m vaciidosaana.m vaciikasaavaana.m.|| ||

Kusalo manova'nkaana.m manodosaana.m manokasaavaana.m.|| ||

5. Yassa kassaci bhikkhave bhikkhussa vaa bhikkhuniyaa vaa kaayava'nko appahiino kaayadoso kaayakasaavo||
vaciiva'nko appahiino vaciidoso vaciikasaavo||
manova'nko appahiino manodoso [113] manokasaavo.|| ||

Eva.m papatikaa te bhikkhave imasmaa dhamma-vinayaa||
seyyathaa pi ta.m cakka.m chahi divasehi ni.t.thita.m.|| ||

Yassa kassaci bhikkhave bhikkhussa vaa bhikkhuniyaa vaa kaayava'nko pahiino kaayadoso kaayakasaavo||
vaciiva'nko pahiino vaciidoso vaciikasaavo||
manova'nko pahiino manodoso manokasaavo.|| ||

Eva.m pati.t.thitaa te bhikkhave imasmi.m dhamma-vinaye||
seyyathaa pi ta.m cakka.m chahi maasehi ni.t.thita.m chaarattuunehi.|| ||

Tasmaat iha bhikkhave eva.m sikkhitabba.m:|| ||

Kaayava'nka.m pajahissaama,||
kaayadosa.m,||
kaayakasaava.m.|| ||

Vaciiva'nka.m pajahissaama,||
vaciidosa.m,||
vaciikasaava.m.|| ||

Manova'nka.m pajahissaama,||
manodosa.m,||
manokasaavan ti.|| ||

Eva.m hi vo bhikkhave sikkhitabban ti.|| ||

 


Contact:
E-mail
Copyright Statement