Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tika Nipaato
II. Rathakaara Vagga

Sutta 19

Pa.thama Paapa.nika Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][upal] Eva.m me suta.m:

Eva.m me suta.m eka.m samaya.m Bhagavaa Saavatthiya.m viharati Jetavane Anaathapi.n.dakassa aaraame.|| ||

Tiihi bhikkhave a'ngehi samannaagato paapa.niko abhabbo anadhigata.m vaa bhoga.m adhigantu.m,||
adhigata.m vaa bhoga.m phaatikatu.m.|| ||

Katamehi tiihi?|| ||

Idha bhikkhave paapa.niko||
pubba.nhasamaya.m na sakkacca.m kammanta.m adhi.t.thaati,||
majjhantikasamaya.m na sakkacca.m kammanta.m adhi.t.thaati,||
saaya.nhasamaya.m na sakkacca.m kammanta.m adhi.t.thaati.|| ||

Imehi kho bhikkhave tiihi a'ngehi samannaagato paapa.niko abhabbo anadhigata.m vaa bhoga.m adhigantu.m,||
adhigata.m vaa bhoga.m phaatikatu.m.|| ||

Evam eva kho bhikkhave tiihi dhammehi samannaagato bhikkhu abhabbo anadhigata.m vaa kusala.m dhamma.m adhigantu.m,||
adhigata.m vaa kusala.m dhamma.m phaatikatu.m.|| ||

Katamehi tiihi?|| ||

Idha bhikkhave bhikkhu pubba.nhasamaya.m na sakkacca.m samaadhinimitta.m adhi.t.thaati,||
majjhantikasamaya.m na sakkacca.m samaadhinimitta.m adhi.t.thaati,||
saaya.nhasamaya.m na sakkacca.m samaadhinimitta.m adhi.t.thaati.|| ||

Imehi kho bhikkhave tiihi dhammehi samannaagato bhikkhu abhabbo anadhigata.m vaa kusala.m dhamama.m adhigantu.m,||
adhigata.m vaa kusala.m dhamma.m phaatikatun ti.|| ||

[116] Tiihi bhikkhave a'ngehi samannaagato paapa.niko bhabbo anadhigata.m vaa bhoga.m adhigantu.m,||
adhigata.m vaa bhoga.m phaatikatu.m.|| ||

Katamehi tiihi?|| ||

Idha bhikkhave paapa.niko pubba.nhasamaya.m sakkacca.m kammanta.m adhi.t.thaati,||
majjhantikasamaya.m sakkacca.m kammanta.m adhi.t.thaati,||
saaya.nhasamaya.m sakkacca.m kammanta.m adhi.t.thaati.|| ||

Imehi kho bhikkhave tiihi a'ngehi samannaagato paapa.niko bhabbo anadhigata.m vaa bhoga.m adhigantu.m,||
adhigata.m vaa bhoga.m phaatikatu.m.|| ||

Evam eva kho bhikkhave tiihi dhammehi samannaagato bhikkhu bhabbo anadhigata.m vaa kusala.m dhamma.m adhigantu.m,||
adhigata.m vaa kusala.m dhamma.m phaatikatu.m.|| ||

Katamehi tiihi?|| ||

Idha bhikkhave bhikkhu pubba.nhasamaya.m sakkacca.m samaadhinimitta.m adhi.t.thaati,||
majjhantika.m samaya.m sakkacca.m samaadhinimitta.m adhi.t.thaati||
saaya.nhasamaya.m sakkacca.m samaadhinimitta.m adhi.t.thaati.|| ||

Imehi kho bhikkhave tiihi dhammehi samannaagato bhikkhu bhabbo anadhigata.m vaa kusala.m dhamama.m adhigantu.m,||
adhigata.m vaa kusala.m dhamma.m phaatikatu.m.|| ||

 


Contact:
E-mail
Copyright Statement