Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tika Nipaato
II. Rathakaara Vagga

Sutta 20

Dutiya Paapa.nika Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][upal] Eva.m me suta.m:

Eva.m me suta.m eka.m samaya.m Bhagavaa Saavatthiya.m viharati Jetavane Anaathapi.n.dakassa aaraame.|| ||

Tiihi bhikkhave a'ngehi samannaagato paapa.niko na cirass'eva mahantatta.m va vepullatta.m va paapu.naati bhogesu.|| ||

Katamehi tiihi?|| ||

Idha bhikkhave paapa.niko cakkhumaa ca hoti,||
vidhuuro ca,||
niissayasampanno ca.|| ||

Katha~n ca bhikkhave paapa.niko cakkhumaa hoti?|| ||

Idha bhikkhave paapa.niko pa.niya.m jaanaati.|| ||

Ida.m pa.niya.m eva.m kiita.m eva.m vikkayamaana.m ettaka.m muula.m bhavissati ettako udayo ti.|| ||

Eva.m kho bhikkhave paapa.niko cakkhumaa hoti.|| ||

Katha~n ca bhikkhave paapa.niko vidhuuro hoti?|| ||

Idha bhikkhave paapa.niko kusalo hoti pa.niya.m ketu~n ca vikketu~n ca.|| ||

Eva.m kho bhikkhave paapa.niko vidhuuro hoti.|| ||

Katha~n ca bhikkhave paapa.niko nissayasampanno hoti?|| ||

[117] Idha bhikkhave paapa.niko ye te gahapati vaa gahapatiputtaa vaa a.d.dhaa mahaddhanaa mahaabhogaa te na.m eva.m jaananti:|| ||

Aya.m kho bhava.m paapa.niko cakkhumaa ca vidhuuro ca pa.tibalo puttadaara~n ca posetu.m.|| ||

Amhaaka~n ca kaalena kaala.m anuppadaatun ti.|| ||

Te na.m bhogehi nipatanti:|| ||

Ito samma paapa.nika,||
bhoge karitvaa puttadaara~n ca posehi amhaaka~n ca kaalena kaala.m anuppadehii ti.|| ||

Eva.m kho bhikkhave paapa.niko nissayasampanno hoti.|| ||

Imehi kho bhikkhave tiihi a'ngehi samannaagato paapa.niko na cirass'eva mahantatta.m va vepullatta.m va paapu.naati bhogesu.|| ||

Evam eva kho bhikkhave tiihi dhammehi samannaagato bhikkhu na cirass'eva mahantatta.m va vepullatta.m va paapu.naati kusalesu dhammesu.|| ||

Katamehi tiihi?|| ||

Idha bhikkhave bhikkhu cakkhumaa ca hoti vidhuuro ca nissayasmpanno ca.|| ||

Katha~n ca bhikkhave bhikkhu cakkhumaa hoti?|| ||

Idha bhikkhave bhikkhu ida.m dukkhan ti yathaabhuuta.m pajaanaati.|| ||

Aya.m dukkhasamudayo ti yathaabhuuta.m pajaanaati.|| ||

Aya.m dukkhanirodho ti yathaabhuuta.m pajaanaati.|| ||

Aya.m dukkhanirodhagaaminii pa.tipadaa ti yathaabhuuta.m pajaanaati.|| ||

Eva.m kho bhikkhave bhikkhu cakkhumaa hoti.|| ||

Katha~n ca bhikkhave bhikkhu vidhuuro hoti?|| ||

Idha bhikhave bhikkhu aaraddhaviriyo viharati akusalaana.m dhammaana.m pahaanaaya kusalaana.m dhammaana.m upaadaaya thaamavaa da.lhaparakkamo anikkhittadhuro kusalesu dhammesu.|| ||

Evam eva kho bhikkhave bhikkhu vidhuuro hoti.|| ||

Katha~n ca bhikkhave bhikkhu nissayasampanno hoti?|| ||

Idha bhikkhave bhikkhu ye te bhikkhuu bahussutaa aagataagamaa dhammadharaa vinayadharaa maatikaadharaa.|| ||

Te kaalena kaala.m upasa'nkamitvaa paripucachati,||
paripa~nhati.|| ||

Ida.m bhante katha.m imassa ko attho ti?|| ||

Tassa te aayasmanto aviva.ta~n c'eva vivaranti anuttaaniikata~n ca uttaanii.m karonti,||
anekavihitesu ka'nkha.t.thaaniiyesu dhammesu ka'nkha.m pa.tivinodenti.|| ||

Eva.m kho bhikkhave bhikkhu nissayasampanno hoti.|| ||

[118] Imehi kho bhikkhave tiihi dhammehi samannaagato bhikkhu na cirass'eva mahantatta.m va vepullatta.m va paapu.naati kusalesu dhammesuu ti.|| ||

 

Rathakaara vaggo dutiyo|| ||

 


Contact:
E-mail
Copyright Statement