Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tika Nipaato
III. Puggala Vagga

Sutta 25

Vajiruupama Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][upal] Eva.m me suta.m|| ||

Eka.m samaya.m Bhagavaa Saavatthiya.m viharati,||
Jetavane Anaathapi.n.dikassa aaraame.|| ||

Tayo'me bhikkhave puggalaa santo sa.mvijjamaanaa lokas- [124] mi.m.|| ||

Katame tayo?|| ||

Arukuupamacitto puggalo,||
vijjuupamacitto puggalo,||
vajiruupamacitto puggalo.|| ||

Katamo ca bikkhave arukuupamacitto puggalo?|| ||

Idha bhikkhave ekacco puggalo kodhano hoti upaayaasabahulo,||
appam pi vutto samaano abhisajjati,||
kuppati,||
vyaapajjati,||
patitthiyati,||
kopa~n ca dosa~n ca appaccaya~n ca paatukaroti.|| ||

seyyathaa pi naama du.t.thaarukaa ka.t.thena vaa ka.thalena vaa gha.t.titaa bhiiyosomattaaya aasava.m deti.|| ||

Evam eva kho bhikkhave idh'ekacco puggalo kodhano hoti upaayaasabahulo,||
appam pi vutto samaano abhisajjati,||
kuppati,||
vyaapajjati,||
patittiyati,||
kopa~n ca dosa~n ca appaccaya~n ca paatukaroti.|| ||

Aya.m vuccati bhikkhave arukuupamacitto puggalo.|| ||

Katamo ca bhikkhave vijjuupamacitto puggalo?|| ||

Idha bhikkhave ekacco puggalo ida.m dukkhan ti yathaabhuuta.m pajaanaati,||
aya.m dukkhasamudayo ti yathaabhuuta.m pajaanaati,||
aya.m dukkhanirodho ti yathaabhuuta.m pajaanaati,||
aya.m dukkhanirodhagaaminii pa.tipadaa ti yathaabhuuta.m pajaanaati.|| ||

Seyyathaa pi, bhikkhave, cakkhumaa puriso ratt-andhakaara-timisaaya.m vijjantarikaaya ruupaani passeyya|| ||

Evam eva kho, bhikkhave, idh'ekacco puggalo ida.m dukkhan ti yathaabhuuta.m pajaanaati,||
aya.m dukkhasamudayo ti yathaabhuuta.m pajaanaati,||
aya.m dukkhanirodho ti yathaabhuta.m pajaanaati,||
aya.m dukkhanirodhagaaminii pa.tipadaa ti yathaabhuuta.m pajaanaati.|| ||

Aya.m vuccati bhikkhave vijjuupamacitto puggalo.|| ||

Katamo ca bhikkhave vajiruupamacitto puggalo?|| ||

Idha bhikkhave ekacco puggalo aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Seyyathaa pi, bhikkhave, vajirassa n'atthi ki~nci abhejja.m, ma.ni vaa paasaa.no vaa.|| ||

Evam eva kho bhikkhave idh'ekacco puggalo aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharatii.|| ||

Aya.m vuccati bhikkhave vajiruupamacitto puggalo.|| ||

Ime kho bhikkhave tayo puggalaa santo sa.mvijjamaanaa lokasmin ti.|| ||

 


Contact:
E-mail
Copyright Statement